«Շատ դեպքերում պետական կառույցները գործում են իրարից անկախ և... ՀԱՍԱՐԱԿՈՒԹՅՈՒՆ
Սննդամթերքի շուկայում կրկին գնաճ կա. պարենային որոշ ապրանքնե... ՏՆՏԵՍՈՒԹՅՈՒՆ
Ոսկու գինը բարձրացել է, առևտուրը՝ կիսով չափ պակասել. ի՞նչ խն... ՏՆՏԵՍՈՒԹՅՈՒՆ
Համավարակով պայմանավորված՝ առաջարկվում է երկարաձգել աղետի գո... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
Երևան, 13.Հուլիս,
00
:
00
:
00
Փոխարժեք
478.65
$
560.79
Չինարիի ուղղությամբ ընթանում են հեռահար մարտեր Վաղը` հուլիսի 13-ին ժամը 11:00-ին ավտոերթ Խոր Վիրապ-Երևան․ Նարեկ Մալյան/տեսանյութ/ Այսօր կիրականացվի 2 չվերթ դեպի Հայաստան՝ Ղազախստանից ու Բելառուսից Հուլիսի 1-ից սպանդանոցային մորթը հավաստող փաստաթուղթը պարտադիր է տնտեսվարողի համար Լուկաս Սելարայանի գեղեցիկ գոլը ՄԼՍ-ում (տեսանյութ) Կորոնավիրուսի «վարակիչության աստիճանը» բարձրացել է Եթե արտակարգ դրությունը շարունակվի հանրային սննդի ոլորտում գործազրկությունը կհասնի 40 տոկոսի. Աշոտ Բարսեղյան Սկսվել է Վարդավառին նախորդող պահքի շաբաթը Ամերիկյան ինքնաթիռը փախուստի է դիմել ռուսական կորածնիչների կողմից նկատվելուց հետո Լուսինե Թովմասյանը ցույց է տվել դստեր հետ էքստրեմալ հանգիստը Նոր մանրամասներ Երևանում կեղծ ռումբի տեղադրման ահազանգի մասին․ Ոստիկանություն է հրավիրվել Մանվել Գրիգորյանի փաստաբանը Նորաթուխ սփյուռքահայությունը «Նիկոլ-արևին» հեռվից է նայում, գիտեն՝ կայրի, եթե շատ մոտենան. Գագիկ Համբարյան Դուրս եկեք Ձեր առանձնասենյակից և շրջեք մարզերում․ Աշնանացանի ժամանակն է․ պատգամավորը՝ նախարարին Երևան-Մեծամոր ճանապարհին փրկարարները անձրևաջրերի արգելափակումից դուրս են բերել մոտ 20 ավտոմեքենա Քանի՞ սպանդանոց կա Հայաստանում այս պահին «Սույն երիտասարդը և իր քայլիստ գործընկերների 90 տոկոսն ուղղակի դիլետանտներ են․ Գագիկ Համբարյան Երեկոյան ժամերին սպասվում են ամպրոպային բնույթի ինտենսիվ անձրևներ, տեղ-տեղ կարկուտ, ուժեղ քամիներ ՏԵՍԱՆՅՈՒԹ. Քաղաքացիները կո՞ղմ են արտակարգ դրության երկարաձգմանը. հարցում Արամ Վարդանյանը տեղափոխվել է «Արմավիր» քրեակատարողական հիմնարկ

Ար­ժեզրկ­վող հե­ղա­փո­խու­թյուն

Վարչապետ Նիկոլ Փաշինյանը երեկ հերթական ֆեյսբուքյան գրառումն է արել, որտեղ հիշեցրել է, որ ոստիկանության աշխատակիցների աշխատավարձերը 20 տոկոսով աճել են, նաև կրկնել է այլևս նորություն չպարունակող մի քանի այլ ցուցանիշներ, որոնք վկայում են տնտեսության աճի մասին։ «Թվախեղդության» երևույթին վերջերս անդրադարձել էի՝ նշելով, որ այն մշտապես եղել է Հայաստանի ղեկավարների նախընտրած գործիքներից մեկը, ու այդ «ավանդույթը» պահպանվեց նույնիսկ հեղափոխությունից հետո։ Հասարակությունը Հայաստանում թվերին վաղուց չի վստահում, եթե նույնիսկ դա լսում է հեղափոխության առաջնորդից։ Ինչպես ասում են՝ «շաքար ասելով՝ բերանը չի քաղցրանում». թվերով չէ, որ մարդիկ պետք է պատկերացում կազմեն իրենց իրական վիճակի մասին, դրա համար գոյություն ունեն ավելի առարկայական ինդիկատորներ, օրինակ՝ սեփական գրպանի կամ սառնարանի պարունակությունը։ Բացի այդ՝ իշխանությունները, որպես կանոն, խոսում են միայն դրական ցուցանիշների մասին՝ «մոռանալով» արձանագրել ձախողումները կամ գոնե թերացումները։ Շատ լավ է, որ կան մարդիկ, ովքեր ավելի բարձր են վարձատրվում, բայց ակնհայտ է նաև, որ հենց միայն վերջին շաբաթվա ընթացքում մի քանի հազար աշխատատեղեր հայտնվել են փակման վտանգի առաջ, եթե նկատի ունենանք այն զարգացումները, որ տեղի են ունենում «Սպայկայի», «Արարատցեմենտի», «Գազպրոմ Արմենիայի» շուրջ, չհաշված պետական կառույցներում սպասվող ահռելի կրճատումների հեռանկարը։

Սակայն հեղափոխությունն արժեզրկվում է ավելի խորքային մակարդակում։ Այս օրերի թոփ լուրերի առաջին հորիզոնականներում իր հաստատուն տեղն ունի ՊՎԾ պետ Դավիթ Սանասարյանի հետ կապված պատմությունը։ Վերջերս ԱԱԾ-ն քրեական գործ էր հարուցել ՀՀ պետական վերահսկողության ծառայության պաշտոնատար անձանց կողմից պաշտոնեական դիրքի չարաշահմամբ պետական գնումների գործընթացին առերևույթ ապօրինի միջամտելու և օրինական ձեռնարկատիրական գործունեության համար խոչընդոտներ ստեղծելու դեպքերի առթիվ՝ ՀՀ քրեական օրենսգրքի 308-րդ հոդվածի 2-րդ մասի և 325-րդ հոդվածի 2-րդ մասի հատկանիշներով։ Հիմա համառորեն լուրեր են պտտվում, որ Սանասարյանը որպես կասկածյալ է ներգրավվել այս քրեական գործում։ Իհարկե, պաշտոնական պարզաբանում դեռևս չկա, Սանասարյանը թեման հեռացնում է իրենից, սակայն նույն Սանասարյանի ու գլխավոր դատախազի արձագանքներն ավելի շատ հաստատում են, որ այստեղ խնդիր կա, քան հերքում։

«Մտա «Ֆեյսբուք», պարզվեց՝ որոշ լրատվամիջոցներ ու «Ֆեյսբուքի» դատավորներ դատավճիռ են կարդացել: Այ, ձեր հոր Աստծուն մեռնեմ, դիմակներդ մի քիչ էլ պահեք, ուրախության առիթ չեք ունենալու, ողջ ու պինդ եմ. ամեն ինչ իր տեղն է ընկնելու կարճ ժամանակից, մնացածն ասուլիսի ընթացքում կասեմ։ Ինչպես պայքարել եմ, ոչ մի վայրկյան չեմ դադարելու պայքարել հանուն Հայաստանի, ինչպես ասել եմ, մի անգամ էլ կրկնեմ. գերեզմանում էլ լինեմ, անունս պայքարելու է կոռուպցիայի դեմ ու հանուն իրավական Հայաստանի։ Շնորհակալ եմ բոլոր նրանցից, ովքեր անհանգստանում են, իրականում անհանգստանալու բան կա, բայց դա ինձ չի վերաբերում»,- իր ֆեյսբուքյան էջում գրել է ՊՎԾ պետը։ Իհարկե, Սանասարյանի հաստատակամությունն ու վճռականությունն իրապես գովելի են, ու անկեղծորեն ուզում եմ հավատալ, որ նա իսկապես խնդիրներ չունի, սակայն ամբողջ պրոբլեմն այն է, որ իր տեքստում պաշտոնյան այդպես էլ չի հերքում կամ հաստատում իր կասկածյալ լինելու հանգամանքը։ Սակայն հասարակության կասկածներն ավելի խորացրեց գլխավոր դատախազ Արթուր Դավթյանը։ Նա երեկ անդրադարձել է Դավիթ Սանասարյանի կարգավիճակին և հարցին` արդյոք ինքը միջամտելո՞ւ է, որպեսզի Դավիթ Սանասարյանի լիազորությունները կասեցվեն մինչ ԱԱԾ-ում քննվող գործի ավարտը, պատասխանել. «Այդ հարցին կպատասխանեմ զուտ տեսականորեն. այն դեպքերում, երբ հանրային ծառայողի նկատմամբ կիրականացվի քրեական հետապնդում և հիմքեր կլինեն, որ նա, շարունակելով պաշտոնավարումը, կարող է խոչընդոտել քննությանը, էդ դեպքերում դատախազը որոշում է կայացնում պաշտոնավարումը ժամանակավոր դադարեցնելու վերաբերյալ»,- ասել է գլխավոր դատախազը։

Իհարկե, Դավթյանը խոսել է «տեսականորեն», բայց լրագրողի հարցը հնչել է շատ կոնկրետ մարդու մասին, ու սա այն դեպքն է, որ գլխավոր դատախազը հաստատ «կջրեր» հարցը, եթե տարածված «ասեկոսեները» հիմք չունենային, կամ առնվազն կտար դիվանագիտական պատասխան։ Սակայն այս պարագայում՝ Արթուր Դավթյանն ոչ միայն, ըստ էության, չի հերքել, որ Դավիթ Սանասարյանը կասկածյալ է, այլ ավելի հեռուն է գնացել՝ չբացառելով, որ նրա լիազորությունները կարող են ժամանակավորապես դադարեցվել։

Դավիթ Սանասարյանը պարզապես նոր իշխանության բարձրաստիճան պաշտոնյա չէ, այլ հեղափոխության առանցքային դեմքերից, սիմվոլներից մեկը։ Անշուշտ, հեղափոխությունը բարոյական հարված կստանա, եթե պարզվի, որ նա ներքաշված է կոռուպցիոն սկանդալի մեջ։ Սակայն մեդալն ունի նաև հակառակ կողմը։ Սանասարյանը հետևողականորեն պնդում է իր անմեղությունը ու նույնիսկ ասում է, որ մինչև կյանքի վերջը պայքարելու է կոռուպցիայի դեմ։ Անմեղության կանխավարկածից ելնելով՝ իրավունք չունեմ կասկածի տակ դնելու ՊՎԾ պետի պնդումների օբյեկտիվությունը։ Սակայն այս պարագայում էլ ստացվում է, որ պետական բարձրաստիճան պաշտոնյան փաստորեն կասկածի տակ է դնում ընթացող քննության օբյեկտիվությունը, դրանում քաղաքական դավեր կամ ներիշխանական ինտրիգներ է տեսնում։ Արդյո՞ք մեկ տարվա ընթացում հեղափոխական իշխանությոնը հասցրել է դիսկրիմինացվել։

Ամեն դեպքում՝ գործ ունենք իրավիճակի հետ, որի հետևանքով արժեզրկվելու է հեղափոխությունը։

ՍՈՒՐԵՆ ՍՈՒՐԵՆՅԱՆՑ

website by Sargssyan