ՊԱՏՄՈՒԹՅԱՆ ԱՅՍ ՕՐԸ (18 ԱՊՐԻԼԻ). Նշանակվել են նոր փոխվարչապետներ, վաճառվել է «Հրազդան» հյուրանոցը
ՀԱՍԱՐԱԿՈՒԹՅՈՒՆՏՈՆԵՐ
Հուշարձանների և տեսարժան վայրերի միջազգային օր, Ռադիոսիրողների միջազգային օր, Զիմբաբվե՝ Անկախության օր, Ուկրաինա` Պատմության և մշակույթի հուշարձանների օր, Ռուսաստան՝ Ռազմական փառքի օր, Իրան` Բանակի օր։
ՀԱՅԱՍՏԱՆ
1737-մահացել է 1734 թվականից Ամենայն հայոց կաթողիկոս Աբրահամ Գ Կրետացին։
1858-ծնվել է հայ նշանավոր գրող, դրամատուրգ Ալեքսանդր Շիրվանզադեն։
1909-ծնվել է կինոյի և թատրոնի դերասան, Ռուսաստանի ԽՍՀ ժողովրդական արտիստ Նինա Տեր-Օսիպյանը։
1950-մահացել է ԽՍՀՄ ավիացիայի մարշալ, կարմիր բանակի ռազմաօդային ուժերի հրամանատարի տեղակալ և շտաբի պետ Սերգեյ Խուդյակովը (Արմենակ Խանփերյանց)։
2001-Երևանի «Հրազդան» հյուրանոցը հայաստանյան ընկերության է վաճառվել 1,5 մլն ԱՄՆ դոլարով:
2003-Բրիտանական «Ռանսաթ» ընկերությունը չի կատարել իր նեդրումային պարտավորությունը և, պայմանագրի համաձայն, նրան պատկանող «Նաիրիտի» բաժնետոմսերը, որոնք գրավադրված էին պարտատեր հանդիսացող «Հայկոոպ» բանկում, դատարանի որոշմամբ դարձել են վերջինիս սեփականությունը:
2005-Հայաստանի իրավապահ մարմինները Միացյալ Նահանգներին են հանձնել ԱՄՆ մաքսանենգ ճանապարհով զենքեր արտահանելու գործով կասկածյալ Արմեն Բարսեղյանին:
2013-կայացել է «Bad Boys of Dance»-ի և Հայաստանի ազգային բալետի համատեղ ներկայացումը։
2014-«Դեմ եմ» թիմը բողոքի սլաքն ուղղում է նախագահ Սերժ Սարգսյանի ուղղությամբ և որոշում է բողոքի ակցիա անցկացնել հենց նախագահական նստավայրի առջև:
2016- ԴԱՀԿ ծառայության ղեկավար Միհրան Պողոսյանը հրաժարական է ներկայացրել։
2018 - Կարեն Կարապետյանը նախագահ Արմեն Սարգսյանի հրամանագրով նշանակվել է առաջին փոխվարչապետ, Վաչե Գաբրիել յանն ու Արմեն Գևորգյանը՝ փոխվարչապետներ:
-Սերժ Սարգսյանի վարչապետության դեմ բողոքի քայլերթ անցկացնող ցուցարարները աշխատանքային ժամերին կանգնել են Երևանի քաղաքապետարանի և Վազգեն Սարգսյան փողոցի վրա տեղակայված մի քանի նախարարությունների առջև՝ տևական ժամանակ թույլ չտալով, որ մարդիկ մտնեն այդ շենքեր, սակայն չեն խոչընդոտել աշխատատեղերից դուրս գալը։
ԱՇԽԱՐՀ
1850-մահացել է ֆրանսիացի քանդակագործ, Լոնդոնի մոմե արձանիկների հանրահայտ թանգարանի հիմնադիր Աննա Մարիա Տյուսոն։
1898-մահացել է ֆրանսիացի նկարիչ-սիմվոլիստ Գյուստավ Մորոն։
1906- Սան Ֆրանցիսկոյում տեղի է ունեցել ԱՄՆ-ի պատմության ընթացքում ամենախոշոր երկրաշարժերից մեկը։
1909- Հռոմի պապ Պիոս Տասներորդը ժաննա դը Արկին դասել է սրբերի կարգը։
1917-ծնվել է թատրոնի և կինոյի դերասան, ԽՍՀՄ ժողովրդական արտիստ Գեորգի Վիցինը։
1923-Ֆելիքս Ձերժինսկու նախաձեռնությամբ ստեղծվել է «Դինամո» սպորտային ակումբը։
-Եգիպտոսում ընդունվել է Սահմանադրությունը։
1925-ստեղծվել է Ռադիոսիրողների միջազգային կազմակերպությունը։
1942- Տոկիոյի վրա իրականացվել է առաջին օդային գրոհը ամերիկյան ինքնաթիռների կողմից։
1949- Իռլանդիան դուրս է եկել Բրիտանական միությունից և հայտարարել անկախություն։
1954-գնդապետ Նասերը դարձել է Եգիպտոսի պետնախարար և ռազմական նահանգապետ։
1955-մահացել է գերմանացի ֆիզիկ-տեսաբան, հարաբերականության տեսության հեղինակ Ալբերտ Էյնշտեյնը
1988-ԱՄՆ-ի ռազմածովային ուժերը սկսել են «Աղոթարար» ռազմական օպերացիան Իրանի դեմ։
2002-մահացել է նորվեգացի ճանապարհորդ և գրող Տուր Հեյերդալը։
Կամո Խաչիկյան