ՊԱՏՄՈՒԹՅԱՆ ԱՅՍ ՕՐԸ (19 ԱՊՐԻԼԻ). Հարյուրից ավելի բերման ենթարկվածներ, Հնդկաստանի բաժանումը երկու մասի

ОБЩЕСТВО 19 Апрель, 2019 13:34

ՏՈՆԵՐ

Վենեսուելա՝ Անկախության օր, Սիերա-Լեոնա՝ Հանրապետության օր, Ռուսաստան՝ Պոլիգրաֆիայի օր, Ղրիմի, Թամանի և Կուբանի՝ Ռուսական կայսրության կազմ մտնելու օր։

ՀԱՅ-ՀԱՅԱՍՏԱՆ

1911-մահացել է գործածար, բարեգործ Ալեքսանդր Մանթաշյանցը։

1960-ծնվել է հայ երգահան, երաժիշտ Արա Գևորգյանը։

1978-ծնվել է ռուս արտիստուհի, «Comedy Woman» հեռուստաշոուի պրոդյուսեր Նատալյա Եպրիկյանը։

2001-Ազատության հրապարակում 33 հայտնի և անհայտ հասարակական, քաղաքական կազմակերպություններ և շուրջ 10 հազար ցուցարարներ վերջին փորձերն են գործադրել կանխելու «ազգակործան գործընթացը»՝ ԲԷՑ-երի վաճառքը AES «Silk Road» ամերիկյան կազմակերպությանը։

2002-Մի քանի հազար մարդ է հավաքվել Ազատության հրապարակում՝ ի պաշտպանություն «Ա1+»-ի. հանրահավաքին գերիշխել են իշխանափոխության կոչերը:

- տեղի է ունեցել Հայաստանի առևտրաարդյունաբերական պալատի հիմնադիր համագումարը:

2004-Թուրքիայի արտաքին գործերի նախարար Աբդուլլա Գյուլը հայտարարել է, որ իր երկիրը չի վերաբացելու հայ-թուրքական սահմանը:

2007-մահափորձ է կատարվել «Վստրեչի Ապեր» մականունով թաղային հեղինակություն Արամ Վարդանյանի դեմ։

2008-ընդդիմադիր ուժերը Ալեքսանդր Մյասնիկյանի արձանին հարող մանկական զբոսայգու տարածքում անցկացրել են Մարտի 1-ից հետո առաջին արտոնված հանրահավաքը` բարձրաձայնելով պայքարը շարունակելու իրենց վճռականությունը:

2013-ընդդիմադիր ՀԱԿ-ը բողոքի ցույց է անցկացրել Երևանի քաղաքապետարանի առջև` պահանջելով պաշտոնանկ անել գործող քաղաքապետ Տարոն Մարգարյանին:

2014-մահացել է գործարար և բարերար Հրանտ Վարդանյանը։

2016-պոեզիայի գծով Պուլիտցերյան մրցանակ է շնորհվել ամերիկահայ հանրահայտ գրող, գրականագետ ու պատմաբան Փիթեր Բալլաքյանին։

-«Ազատությո՛ւն Լևոն Հայրապետյանին», «Փոխե՛լ խափանման միջոցը» կոչերով մի քանի տասնյակ քաղաքացիներ բողոքի երթ են անցկացրել Հայաստանում Ռուսաստանի դեսպանատան մոտ։

2017-Եզդիների սուրբը՝ Մալաքե Թաուսը, տեղափոխվել է Արմավիրի մարզի Ակնալիճ գյուղում գտնվող նորակառույց սրբավայր, որտեղ հավաքվել են եզդիները՝ նշելու իրենց ամենակարևոր տոնը՝ Նոր տարին։

2018-Նորընտիր վարչապետ Սերժ Սարգսյանը հրաժարվել է կառավարության կողմից շաբաթներ առաջ իրեն նվիրված պետական առանձնատան նկատմամբ սեփականության իրավունքից:

- Սերժ Սարգսյանի վարչապետության դեմ պայքարի ելած ընդդիմադիր գործիչ Նիկոլ Փաշինյանի մի շարք աջակիցներ բերման են ենթարկվել կառավարական 3-րդ մասնաշենքի մերձակայքից։ Ոստիկանության տվյալներով, ժամը 18-ի դրությամբ ոստիկանության տարբեր ստորաբաժանումներ բերման ենթարկվածների թիվը հասել է 123-ի։

ԱՇԽԱՐՀ

1706-Իսպանական ժառանգության համար պատերազմում տեղի է ունեցել Կալչինատոյի ճակատամարտը, որը ավարտվել է ֆրանս-իսպանական ուժերի հաղթանակով։

1783-Եկատերինա Երկրորդը ստորագրել է Ղրիմը և Կուբանի մարզը Ռուսաստանին միացնելու հռչակագիրը։

1810-սկսվել է ժողովրդական ապստամբությունը Կարակասում, որը սկիզբն է Վենեսուելայի՝ Իսպանիայից անջատվելու համար մղվող պատերազմի։

839- ընդունվել է լոնդոնյան պայմանագիր, որը ճանաչել է Բելգիայի անկախությունը Հոլանդիայից։

1850-ԱՄՆ-ը և Անգլիան ստորագրել են Պանամայի ջրանցքը համատեղ կառուցելու պայմանագիր. ավելի ուշ ԱՄՆ-ը այն կառուցել է միայնակ։

1897-կայացել է առաջին Բոստոնյան մարաթոնը։

1919-Լեսլի Լերոյ Իրվինը իրականացրել է առաջին ազատ թռիչք-անկումը աէրոպլանից՝ պարաշյուտի օգտագործմամբ։

-լեհական զորքերը գրավել են Լիտբելայի (Լիտվա) մայրաքաղաք Վիլնյուսը։

1941-ԱՄՆ-ի Սենատը որոշում է ընդունել հրեական Իսրայել պետություն ստեղծելուն աջակցելու մասին։

1947-Հնդկաստանի «Հնդկական ազգային կոնգրես» կուսակցությունը համաձայնել է երկիրը բաժանել երկու մասի՝ Հնդկաստանի և Պակիստանի։

1965-Գորդոն Մուրը ձևակերպել է «Մուրի օրենքը», ըստ որի՝ միկրոպրոցեսորում եղած տրանզիստորների թիվը կրկնապատկվում է յուրաքանչյուր տարի։