Խնդրում եմ ժամը 13.30-ից վերացնել բոլոր դատարանների արգելափա... ՎԻԴԵՈ
ՀՀ վարչապետը գրառում է արել ԲԼՈԳ
Հարգանքի տուրք Պոնտոսի հույների զոհերի հիշատակին ՀԱՍԱՐԱԿՈՒԹՅՈՒՆ
Երևան-Սևան ճանապարհին «Opel»-ը բախվել է արգելապատնեշին. վարո... ՀԱՍԱՐԱԿՈՒԹՅՈՒՆ
Ռոբերտ Քոչարյանն ազատ արձակվեց ՀԱՍԱՐԱԿՈՒԹՅՈՒՆ
Երևան, 20.Մայիս,
00
:
00
:
00
Փոխարժեք
478.65
$
560.79

Եվրախորհրդարանը հավանություն է տվել համատեղ պաշտպանական հիմնադրամի ստեղծմանը

Եվրախորհրդարանը հավանություն է տվել համատեղ պաշտպանական հիմնադրամի ստեղծմանը: Համապատասխան նախաձեռնությանն աջակցել է 328 պատգամավոր, 231 պատգամավոր դեմ է արտահայտվել, եւս 19-ը՝ ձեռնպահ մնացել: Ապագա հիմնադրամը պետք է նորարարություններ ներգրավվի պաշտպանական արդյունաբերության մեջ, մասնավորապես նպաստի սպառազինությունների նոր համակարգերի զարգացմանը, հաղորդում է DW-ն:

Պատգամավորները առաջարկում են այդ նպատակների համար 13 մլրդ եվրո հատկացնել:

Վերջնական գումարը կքննարկվի ԵՄ 2021-2027 թվականների երկարաժամկետ բյուջեի վերաբերյալ բանակցություններում:

Նախաձեռնության քննադատների թվում են Գերմանիայի սոցիալ-դեմոկրատական կուսակցության անդամներ Մարտին Վեռներն ու Առնե Լիցը: Ըստ Վեռների՝ ավելի խելամիտ քայլ կլինի ազգային պաշտպանական համակարգերի աստիճանական ինտեգրումը միավորման մեջ՝ Եվրամիության մակարդակով:

Պաշտպանական արդյունաբերության սուբսիդիավորումը եվրապատգամավորը «սխալ ճանապարհ» է  անվանել: Մարտին Քրիստոնեա-դեմոկրատական միության (ՔԴՄ) նախագահ Անեգրետ Քրամփ-Կարրենբաուերը հայտարարել էր, որ Գերմանիան եւ Ֆրանսիան միասին աշխատում են մարտական ինքնաթիռի նախագծի ուղղությամբ, իսկ մնացած երկրները «հրավիրվում են մասնակցելու»:

Հաջորդ քայլը` համատեղ ավիակրի ստեղծումը, կընդգծի անվտանգության եւ խաղաղության հարցերում Եվրամիության գլոբալ դերը»,  ընդգծել է ՔԴՄ նախագահը: Ավելի ուշ Գերմանիայի կանցլեր Անգելա Մերկելը աջակցել է եվրոպական ավիակրի ստեղծման համատեղ նախագծին:

website by Sargssyan