Լանզարոտի կոնվենցիայի շուրջ հետագա հանրային քննարկումների ար... ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Ան­կար­գու­թյուն­նե­րի հե­տև... ՀԱՍԱՐԱԿՈՒԹՅՈՒՆ
Կորցնում ենք, կորցնում, բայց այդպես էլ չենք խրատվում ՀԱՍԱՐԱԿՈՒԹՅՈՒՆ
«Սե­րը ժա­ռան­գել եմ մայ­րի­կիցս». պահ­պա­նե­լով ժա­նյակա­գո... ՀԱՐՑԱԶՐՈՒՅՑ
«Ակա­նա­տես չենք եղել որևէ փաս­տաթղ­թի, որը կքար­տե­զագ­րի Հ... ՀԱՐՑԱԶՐՈՒՅՑ
Երևան, 31.Մայիս,
00
:
00
:
00
Փոխարժեք
478.65
$
560.79
Լանզարոտեի կոնվենցիայի հարցում Արմեն Սարգսյանը փրկում է Նիկոլ Փաշինյանին Անընդունելի է գալ իշխանության` երկիրը կառավարելու նպատակով և անհաջողությունները բարդել ուրիշների վրա. Հարություն Մեսրոբյանը՝ ՀՀ իշխանությունների հակահամաճարակային քաղաքականության մասին Միքայել Մինասյանի հրապարակած փաստերը ենթակա են անհապաղ ստուգման․ պետք է հարուցվի քրգործ․ փաստաբան Արայիկ Հարությունյանը` Լանզարոտեի կոնվենցիայի և կեղծ լուրերի ու պնդումների մասին Մայիսի 30-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 1076 դեպք Հայաստանում տեղումներ չեն սպասվում, եղանակը կշոգի ևս 2-4 աստիճանով Արթուր Վանեցյանի ղեկավարած կուսակցությունն ընդդմիադիր գործունեություն է ծավալելու Նիկոլ Փաշինյանը գեներալ Կարապետյանին գաղտնի գործուղել է ՌԴ՝ մաքսանենգ ծխախոտի հետ կապված սկանդալը ծածկադմփոց անելու համար Ոստիկանության անակնկալ շրջայցերը մայրաքաղաքի տարբեր շրջաններում (վիդեո) Գագիկ Ծառուկյանը մշտապես նվիրված է եղել իր ժողովրդին «Սաղ Սերժնա մեղավոր» պարզունակ իշխանական կռուտիտները հերթական անգամ փուչիկ են․ Աշոտյան Գնալով պետական կոռուպցիայի նմանվող գործարքների՝ հիմա այս իշխանությունը փորձում է բյուջեն լցնել` ֆինանսապես կեղեքելով ողջ հասարակությանը․ Հայկ Մարտիրոսյանը՝ համընդհանուր հարկային հայտարարագրի մասին Մենք հիմա փակուղու մեջ ենք և գնալով վիճակը ծանրանալու է. Ստեփան Դանիելյան Հայաստանում կորոնավիրուսով վարակվածների թիվը մեկ օրում աճել է 355-ով՝ հասնելով 9282-ի Պաշտոնյաների՝ շաբաթվա ամենասկանդալային գրառումները Նիկոլ Փաշինյանը ձեռք է բերել 1970-ականներին արտադրված զենք՝ ներկայացնելով դա որպես ձեռքբերո՞ւմ Իրավիճակն ու գներն անշարժ գույքի շուկայում. երբ բնակարան գնել Պարետի որոշմամբ սհմանափակումներ կկիրառվեն մի շարք տնտեսվարողների նկատմամբ Զենքի անօրինական վաճառք, «նախնադարյան» զենքի ձեռքբերման գործարք, կոռուպցիա և անտեսվող մահեր․ Միքայել Մինասյան/տեսանյութ/

«Մենք կեղծ ար­ժեք­նե­րով ենք առաջ­նորդ­վում»

Օրերս այրվեց Փարիզի Աստվածամոր տաճարի տանիքը: Շատերը ցավակցություններ հայտնեցին, այդ թվում՝ մենք՝ հայերս. ֆեյսբուքյան ստատուսներ, նկարներ՝ տաճարի ֆոնին: Սա բնական է, ճիշտ է, նորմալ է: Սակայն եղան նաև հարցեր: Օրինակ, երբ մերն է քանդվում, մեր մշակութային կոթողներն են հողին հավասարվում, ինչո՞ւ լուսանկարներ չեն հայտնվում, ինչո՞ւ աջակցության և ցավակցության կոչեր գրեթե չեն հնչում:

Սպիտակավոր և Ծիրանավոր եկեղեցիներն՝ Աշտարակում, Սուրբ Աստվածածինը՝ Դիլիջանում, Սուրբ Հռիփսիմեն՝ Խնձորեսկում, Հին Խնձորեսկ գյուղն ամբողջությամբ, Միքայել Արամյանցի դղյակը՝ Ախթալայում: Սրանք պատմամշակութային կոթողներ են, մի քանիսը հազարներից, որոնք վերականգնման, «ապաքինման» կարիք ունեն: Անխնամ վիճակը, տարիների փորձությունները, եղանակային պայմաններն իրենց դրոշմն են թողնում ցանկացած շինության վրա: Մենք, որ առիթը բաց չենք թողնում ասելու, որ հազարամյակների պատմություն ունեցող ազգ ենք, երբվանի՞ց սկսեցինք քամահրական վերաբերմունք դրսևորել մեր մշակույթի նկատմամբ: Օրերս մասամբ փլուզվեց Սյունիքի մարզի Խդրանց գյուղի եկեղեցին: Եվ ի՞նչ: Պաշտոնական հաղորդագրություն, մի քանի գրառում, որոշակի անհանգստություն և վերջ:

Հուշարձանագետ Սամվել Կարապետյանը «Փաստի» հետ զրույցում ասում է, որ այսօր ունենք այն, ինչ ունենք, և սա անխուսափելի է: «Նոր եկեղեցիներ են կառուցվում այն դեպքում, երբ հազարամյակների պատմություն ունեցող վանքերն ու եկեղեցիներն անուշադրության են մատնված: Սա խոսում է այն մասին, որ մենք մի տեսակ կեղծ արժեքներով ենք առաջնորդվում: Լայն հաշվով, մեր հասարակությունը կեղծ արժեքների կրողն է:

Դրա պատճառով կարող էինք ունենալ այս վիճակը, որն ունենք: Նոտր Դամի հրդեհի հետ կապված ցավակցություններ են հնչում, այն դեպքում, երբ միևնույն ժամանակ լուր չունենք, թե Արևմտյան Հայաստանում ինչ կառույցներ են պայթեցվել: Ո՛չ հետաքրքրված ենք, ո՛չ առավել ևս բարձրաձայնում ենք: Նույնն էլ Նախիջևանի տարածքի հուշարձանների դեպքում. 218 վանք ու եկեղեցի կար, հիմա ոչ միայն Ջուղայի գերեզմանոցը չկա, այլ այդ վանքերից որևէ մեկը, նույնիսկ հետքը չկա, իսկ մեր հասարակության և պետության կողմից գրեթե արձագանք չկա: Սա մասնավոր կարծիք է, բայց Նոտր Դամի հրդեհի հետ կապված ցավակցությունները կեղծ եմ ընդունում: Միշտ ասել եմ, որ մեր իշխանությունները մեր ժողովրդի ծոցից դուրս ելած անհատներ են և հարազատորեն ներկայացնում են մեր պատկերը»,- ասում է հուշարձանագետը՝ նշելով, որ այս կեղծ վիճակը նոր չէ, այն դարերից է գալիս և հենց դա է ողբերգությունը:

Հարցին, թե տարիներ հետո գուցե գանք մի կետի, երբ մոտ երեքհազարամյա պատմություն ունեցող քաղաքամայր Երևանում չլինեն պատմական կառույցներ և սերունդներին որպես ժառանգություն կփոխանցենք նորակառույց եկեղեցիները, Կարապետյանն այլաբանորեն մոտեցավ և պատմական փոքրիկ մեջբերում արեց. «Սա էլ մեկ ուրիշ խնդիր է, չնայած բոլորն էլ մեկը մյուսի շարունակությունն են: Կեղծ արժեքների դավանանքն ազգային տեսակների բաղադրիչն է: Սա էլ ուրիշ ողբերգություն է, մեծ ուրացման հետևանքները, որը պաշտոնապես սկսվեց 301 թվականին: Ի՞նչ տեղի ունեցավ այն ժամանակ՝ կորչի՛ հինը, կեցցե՛ նորը, նույնն, ինչ բոլշևիկներն էին անում հեղափոխությունից հետո: 

Ես, օրինակ, Գրիգոր Լուսավորչի և հայ բոլ շևիկների գործունեության մեջ որևէ տարբերություն չեմ տեսնում: Նախնյաց հիշատակները չհարգելու, չկարևորելու, չարժևորելու այս մշակույթի հիմնաքարը դրել է Գրիգոր Լուսավորիչը՝ ոչնչացնելով և ազգին զրկելով իր պատմական, ժառանգական հիշողությունից: Սա տեղի է ունեցել 17 դար առաջ: Ագաթանգեղոսը լավ խոսք ունի, ասում է՝ «Գրիգոր Լուսավորչի քարոզների արդյունքում մարդիկ ասացին՝ մենք մոռացանք մեր հոր անունը»: Սա փոխաբերական իմաստով է, բայց մի մարդ, որ իր հոր անունը մոռանա, ուրանա և ժխտի, այդ մարդուց ի՞նչ ենք սպասում: Այնպես որ, այս բացասական, ողբերգական երևույթներն օրինաչափ են», - կարծիք է հայտնում Կարապետյանը: Նա հիշեցնում է, որ պետությունը պետք է հոգ տանի պատմական հուշարձանների վերականգնման և պահպանման մասին, փորձի դրանք ավելի հասանելի դարձնել մարդկանց: 

«Պետք է ներդրումներ անել եկեղեցիները և վանքերը վերականգնելու համար, բայց այդ գիտակցությունը չկա: Աջ ու ձախ տեսնում ենք՝ մեր ունևոր, քիչ թե շատ կարող անհատները նախապատվությունը տալիս են նոր եկեղեցի կառուցելուն: Այլ հարց է, որ երրորդ հազարամյակում՝ գիտությունների զարգացման այս փուլում, ինձ մոտ միայն ժպիտ է հարուցում եկեղեցի կառուցելու ցանկությունը: Սրանք կեղծ բարեպաշտության դրսևորումներ են: Մեր մեծահարուստներից շատերը նոր եկեղեցի են կառուցում, առանց արժևորելու իրենց պապերի, նախապապերի հիշատակները: Սա իրականում ողբերգություն է, բայց 17 դար մեր ազգային տեսակը «վիրուսակիր» է, և մեր հարատև ու անշեղ նահանջը այս երևույթների հետ է կապված»,եզրափակում է մեր զրուցակիցը:

ԼՈՒՍԻՆԵ ԱՌԱՔԵԼՅԱՆ

website by Sargssyan