Տուլայի շրջանում 1 տարեկան երեխային ծեծելով սպանած մայրը դատապարտվել է 12 տարվա ազատազրկման
ՄԻՋԱԶԳԱՅԻՆ
ՌԴ Տուլայի շրջանի բնակչուհուն դատարանը դատապարտել է 12 տարվա ազատազրկման` ամուսնու հետ վիճելուց հետո 1 տարեկան երեխային ծեծելով սպանելու համար: Այս մասին հայտարարում է «РИА Новости»-ն:
Դեպքը տեղի էր ունեցել 2018 թվականի հունվարի 23-ին: Բոգորոդիցկ քաղաքի բնակարաններից մեկում հայտնաբերվել էր երեխայի դին` բռնի մահվան նշաններով: 39-ամյա մոր նկատմամբ հարուցվել էր քրեական գործ: Պարզվել էր, որ կինը եղել է ալկոհոլի ազդեցության տակ:
Դատարանը, քննելով գործը, որոշել է 12 տարվա ազատազրկման դատապարտել Մարգարիտա Ա.-ին, ով բռունցքով բազմաթիվ հարվածներ էր հասցրել երեխայի գլխին, ինչի հետևանքով վերջինս նույն օրը մահացել էր: Դրանից հետո մայրը երեխային տարել էր հարևան սենյակ և այնտեղ չէր մտել այնքան ժամանակ, մինչև կժամաներ ոստիկանությունը:
Նշվում է, որ դեպքի ժամանակ երեխայի հայրը, ով նախկինում դատապարտված է եղել, գտնվել է աշխատանքի վայրում: Նա վիճել է կնոջ հետ, որից հետո վերջինս զայրացել է և հարձակվել երեխայի վրա, ով անդադար լալիս էր և չէր հանգստանում: Մահացած երեխան ընտանիքի միակ զավակն էր: