Լանզարոտի կոնվենցիայի շուրջ հետագա հանրային քննարկումների ար... ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Ան­կար­գու­թյուն­նե­րի հե­տև... ՀԱՍԱՐԱԿՈՒԹՅՈՒՆ
Կորցնում ենք, կորցնում, բայց այդպես էլ չենք խրատվում ՀԱՍԱՐԱԿՈՒԹՅՈՒՆ
«Սե­րը ժա­ռան­գել եմ մայ­րի­կիցս». պահ­պա­նե­լով ժա­նյակա­գո... ՀԱՐՑԱԶՐՈՒՅՑ
«Ակա­նա­տես չենք եղել որևէ փաս­տաթղ­թի, որը կքար­տե­զագ­րի Հ... ՀԱՐՑԱԶՐՈՒՅՑ
Երևան, 01.Հունիս,
00
:
00
:
00
Փոխարժեք
478.65
$
560.79
Լանզարոտեի կոնվենցիայի հարցում Արմեն Սարգսյանը փրկում է Նիկոլ Փաշինյանին Անընդունելի է գալ իշխանության` երկիրը կառավարելու նպատակով և անհաջողությունները բարդել ուրիշների վրա. Հարություն Մեսրոբյանը՝ ՀՀ իշխանությունների հակահամաճարակային քաղաքականության մասին Միքայել Մինասյանի հրապարակած փաստերը ենթակա են անհապաղ ստուգման․ պետք է հարուցվի քրգործ․ փաստաբան Արայիկ Հարությունյանը` Լանզարոտեի կոնվենցիայի և կեղծ լուրերի ու պնդումների մասին Մայիսի 30-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 1076 դեպք Հայաստանում տեղումներ չեն սպասվում, եղանակը կշոգի ևս 2-4 աստիճանով Արթուր Վանեցյանի ղեկավարած կուսակցությունն ընդդմիադիր գործունեություն է ծավալելու Նիկոլ Փաշինյանը գեներալ Կարապետյանին գաղտնի գործուղել է ՌԴ՝ մաքսանենգ ծխախոտի հետ կապված սկանդալը ծածկադմփոց անելու համար Ոստիկանության անակնկալ շրջայցերը մայրաքաղաքի տարբեր շրջաններում (վիդեո) Գագիկ Ծառուկյանը մշտապես նվիրված է եղել իր ժողովրդին «Սաղ Սերժնա մեղավոր» պարզունակ իշխանական կռուտիտները հերթական անգամ փուչիկ են․ Աշոտյան Գնալով պետական կոռուպցիայի նմանվող գործարքների՝ հիմա այս իշխանությունը փորձում է բյուջեն լցնել` ֆինանսապես կեղեքելով ողջ հասարակությանը․ Հայկ Մարտիրոսյանը՝ համընդհանուր հարկային հայտարարագրի մասին Մենք հիմա փակուղու մեջ ենք և գնալով վիճակը ծանրանալու է. Ստեփան Դանիելյան Հայաստանում կորոնավիրուսով վարակվածների թիվը մեկ օրում աճել է 355-ով՝ հասնելով 9282-ի Պաշտոնյաների՝ շաբաթվա ամենասկանդալային գրառումները Նիկոլ Փաշինյանը ձեռք է բերել 1970-ականներին արտադրված զենք՝ ներկայացնելով դա որպես ձեռքբերո՞ւմ Իրավիճակն ու գներն անշարժ գույքի շուկայում. երբ բնակարան գնել Պարետի որոշմամբ սհմանափակումներ կկիրառվեն մի շարք տնտեսվարողների նկատմամբ Զենքի անօրինական վաճառք, «նախնադարյան» զենքի ձեռքբերման գործարք, կոռուպցիա և անտեսվող մահեր․ Միքայել Մինասյան/տեսանյութ/

«Ի՞նչ ունե­ինք և ի՞նչ մնաց մեր ավի­ա­ցի­ա­յից.օդա­յին օրենս­գիրքն անհ­րա­ժեշ­տու­թյուն է»

Քաղաքացիական ավիացիայի զարգացումը, կարծես թե, նոր կառավարության համար առաջնահերթություն է: Վարչապետ Նիկոլ Փաշինյանն օրեր առաջ ասել էր, որ Հայաստանում տեղական ավիափոխադրողներ ունենալը ստրատեգիական նշանակության հարց է, սակայն կառավարությունը չի պատրաստվում ստեղծել ավիաընկերություն ու դրան տալ ազգային ավիափոխադրողի կարգավիճակ: Խոսվում է նաև սեփական ավիափոխադրողներ ունենալու, բաց երկնքի իրական քաղաքականության և, իհարկե, օրենսդրական նոր կարգավորումների մասին:

«Մենք երբեք չենք ունեցել ազգային ավիափոխադրող: Ժամանակին «Արմավիայի» մասին ասում էին, որ այն ազգային փոխադրող է, ինչը ճիշտ չէ: Պետությունը՝ ի դեմս կառավարության, պետք է ազգային ավիափոխադրողի հիմնադիրներից մեկը լինի՝ ընկերության պաշտոնական գրանցումների մեջ: Մեզ մոտ նման մեխանիզմ չի գործել: Օրինակ՝ «Արմավիան» ուներ միայն մեկ հիմնադիր՝ Միխայիլ Բաղդասարովը: Եթե ուրիշ երկրների փորձն ուսումնասիրենք, ապա 15- 90 տոկոսի սահմաններում այդ երկրների կառավարությունները մասնակցում են ազգային ավիափոխադրողների ստեղծման գործում: Ի՞նչ է սա տալիս կառավարությանը: Ավիափոխադրողները չպետք է աշխատեն միայն իրենց շահերը հաշվի առնելով, այլ նաև կառավարությունն իրավունք ունի պահանջել այս կամ այն ուղղությամբ թռիչքներ կազմակերպել, որտեղ մեր երկիրը ինչ-որ հետաքրքրություններ ունի:

Ճիշտ կլիներ, որ Հայաստանն ունենար ազգային փոխադրող: Կառավարությունը կարող է ունենալ ուրիշ կարծիք, ինչը նորմալ է: Անկախ ամեն ինչից՝ կառավարությունը պետք է աջակցի այն կազմակերպություններին կամ անձանց, որոնք ցանկանում են և հնարավորություն ունեն Հայաստանում ստեղծել ավիաընկերություններ», - «Փաստի» հետ զրույցում ասում է «Ազգային ավիացիոն միավորում» հ/կ նախագահ Դմիտրի Աթբաշյանը՝ հիշեցնելով, որ Հայաստանն աշխարհում միակն է, որ չունի սեփական ավիացիա, իսկ, օրինակ, Սինգապուրը, որն ապահովված է տարբեր տրանսպորտային միջոցներով, ունի 600 ավիաընկերություն: 

Աթբաշյանը համակարծիք է կառավարության այն տեսակետի հետ, որ քաղավիացիայի ոլորտում անհրաժեշտ են օրենսդրական նոր կարգավորումներ, որոնցով պետությունը կպաշտպանի տեղական ավիափոխադրողների իրավունքները: «Կցանկանայի, որ ունենայինք նորմալ, զարգացած օդային օրենսգիրք: 2016 թվականի դեկտեմբերի 14-ին մեր տարբերակը հանձնել ենք կառավարությանը, իսկ դա, իմ տվյալներով, փոխանցվել է քաղավիացիայի վարչության նախկին ղեկավարությանը: Իսկ թե որտեղ է այն հիմա, չեմ կարող ասել: Իհարկե, վատ է, որ մենք օդային օրենսգիրք չունենք, սակայն մարդիկ կան, որոնք այլ կարծիք ունեն: Ասում են՝ օրենսգիրք չկա, նշանակում է՝ թույլատրվում է այն, ինչն արգելված չէ», - նշում է մեր զրուցակիցը՝ կարծիք հայտնելով, որ ժամանակին օդային օրենսգիրքը չի ընդունվել, քանի որ դրանում կա մի քանի կետ, որոնք չէին բխում կոնկրետ մարդկանց շահերից: «Քաղաքացիական ավիացիայի միջազգային կազմակերպության (ԻԿԱՕ) օրենսգրքում գրված է, որ երկրի քաղավիացիան պետք է գլխավորի այն մարդը, որն ունի ընդունված որակավորում: Նախկինների դեպքում ո՞վ ուներ նման որակավորում:

Ո՛չ կրթություն ունեին, ո՛չ որակավորում, բայց տարիներ շարունակ կառավարում էին մեր ավիացիան: Իհարկե, իրենք դեմ կլինեին այդ օրենսգրքին, որն ավտոմատ ձևով իրենց պաշտոնից զրկում էր: Երկրորդ կետով նշված է, որ օդանավակայանը կարող է գլխավորել հասարակական կազմակերպությունը, ֆիզիկական անձը կամ էլ ձեռնարկությունը, որը պետք է գրանցված լինի այն երկրում, որտեղ գտնվում է այդ օդանավակայանը: Կառավարողները պետք է լինեն այդ երկրի քաղաքացիներ և նրանց հիմնական բիզնեսը պետք է գրանցված լինի այդ երկրում: Հիմա, որտե՞ղ է գտնվում պարոն Էդուարդ Էռնեկյանի հիմնական բիզնեսը՝ Արգենտինայում: Քաղաքացիության հարցն ավելի հեշտ է լուծել: Այսպիսով, ստացվում է, որ նա իրավունք չունի Հայաստանում կառավարել մեր օդանավակայանը: Այս և նման պատճառներով էր այս օրենսգիրքը վնասում նրանց շահերին», - ասում է Դմիտրի Աթբաշյանը:

Անդրադարձանք նաև բաց երկնքի քաղաքականությանը: «Մեզ մոտ «ամենավայրենի» ձևով են ընդունել բաց երկնքի քաղաքականության վերաբերյալ բոլոր փաստաթղթերը, ասել են՝ ով ուզում է, կարող է գալ և թռիչքներ իրականացնել: Այլ երկրներում բացառություններ և սահմանափակումներ են նախատեսում, որոնք հիմնավորվում են այդ երկրի շահերով: Վրաստանում, օրինակ, «Աերոֆլոտը» սկսեց թռիչքներ կատարել դեպի Թբիլիսի, և տոմսերի գները այնքան իջեցրեց, որ Վրաստանի ավիաընկերությունները չէին կարողանում մրցել նրա հետ: Երբ դա բացահայտվեց, Վրաստանն արգելեց «Աերոֆլոտի» թռիչքները Թբիլիսի:

Բաց երկնքի քաղաքականության դեպքում ավելի քիչ թղթեր են պահանջվում մի երկրից մյուս երկիր չվերթ իրականացնելու համար, սա հեշտացնում է թղթաբանության հարցը, բայց մեր երկրի դեպքում ամեն ինչ այլ ուղղությամբ գնաց: Մենք ոչ թե պայքարում ենք բաց երկնքի քաղաքականության դեմ, այլ որ ամեն ինչ կանոնակարգված լինի: Բաց երկնքի քաղաքականության հետևանք է նաև գնային քաղաքականությունը: Ռուսական օդանավակայանների՝ իրենց ընկերություններին մատուցված ծառայությունների համար գանձվող սպասարկման գները երկու անգամ ցածր են, քան մեզ համար: Եվ բնական է, որ չենք կարող իրենց հետ հավասար պայմաններով աշխատել: Բայց սրա լուծումը կա: Մենք էլ Երևանում և Գյումրիում պետք է երկու անգամ թանկացնենք ռուսական ընկերությունների համար վճարները և պահանջենք, որ իրենց մոտ գները նվազեցվեն: Բայց դա պետք է ամրագրվի փաստաթղթերի մեջ», - նշում է «Ազգային ավիացիոն միավորում» հ/կ նախագահը:

«Սիրտս շատ է ցավում. ինչ ունեինք և ինչ մնաց մեր ավիացիայից: Եվ որևէ մեկը չի պատժվել սխալների համար: Խորհրդային Միության տարիներին հինգուկես միլիարդ ուղևոր ունեինք: Այս ցուցանիշով գերազանցում էինք Թուրքիային ու Իրանին: Իսկ ի՞նչ ունենք հիմա», - մտահոգվում է մեր զրուցակիցը:

ԼՈՒՍԻՆԵ ԱՌԱՔԵԼՅԱՆ

website by Sargssyan