Լանզարոտի կոնվենցիայի շուրջ հետագա հանրային քննարկումների ար... ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Ան­կար­գու­թյուն­նե­րի հե­տև... ՀԱՍԱՐԱԿՈՒԹՅՈՒՆ
Կորցնում ենք, կորցնում, բայց այդպես էլ չենք խրատվում ՀԱՍԱՐԱԿՈՒԹՅՈՒՆ
«Սե­րը ժա­ռան­գել եմ մայ­րի­կիցս». պահ­պա­նե­լով ժա­նյակա­գո... ՀԱՐՑԱԶՐՈՒՅՑ
«Ակա­նա­տես չենք եղել որևէ փաս­տաթղ­թի, որը կքար­տե­զագ­րի Հ... ՀԱՐՑԱԶՐՈՒՅՑ
Երևան, 31.Մայիս,
00
:
00
:
00
Փոխարժեք
478.65
$
560.79
Լանզարոտեի կոնվենցիայի հարցում Արմեն Սարգսյանը փրկում է Նիկոլ Փաշինյանին Անընդունելի է գալ իշխանության` երկիրը կառավարելու նպատակով և անհաջողությունները բարդել ուրիշների վրա. Հարություն Մեսրոբյանը՝ ՀՀ իշխանությունների հակահամաճարակային քաղաքականության մասին Միքայել Մինասյանի հրապարակած փաստերը ենթակա են անհապաղ ստուգման․ պետք է հարուցվի քրգործ․ փաստաբան Արայիկ Հարությունյանը` Լանզարոտեի կոնվենցիայի և կեղծ լուրերի ու պնդումների մասին Մայիսի 30-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 1076 դեպք Հայաստանում տեղումներ չեն սպասվում, եղանակը կշոգի ևս 2-4 աստիճանով Արթուր Վանեցյանի ղեկավարած կուսակցությունն ընդդմիադիր գործունեություն է ծավալելու Նիկոլ Փաշինյանը գեներալ Կարապետյանին գաղտնի գործուղել է ՌԴ՝ մաքսանենգ ծխախոտի հետ կապված սկանդալը ծածկադմփոց անելու համար Ոստիկանության անակնկալ շրջայցերը մայրաքաղաքի տարբեր շրջաններում (վիդեո) Գագիկ Ծառուկյանը մշտապես նվիրված է եղել իր ժողովրդին «Սաղ Սերժնա մեղավոր» պարզունակ իշխանական կռուտիտները հերթական անգամ փուչիկ են․ Աշոտյան Գնալով պետական կոռուպցիայի նմանվող գործարքների՝ հիմա այս իշխանությունը փորձում է բյուջեն լցնել` ֆինանսապես կեղեքելով ողջ հասարակությանը․ Հայկ Մարտիրոսյանը՝ համընդհանուր հարկային հայտարարագրի մասին Մենք հիմա փակուղու մեջ ենք և գնալով վիճակը ծանրանալու է. Ստեփան Դանիելյան Հայաստանում կորոնավիրուսով վարակվածների թիվը մեկ օրում աճել է 355-ով՝ հասնելով 9282-ի Պաշտոնյաների՝ շաբաթվա ամենասկանդալային գրառումները Նիկոլ Փաշինյանը ձեռք է բերել 1970-ականներին արտադրված զենք՝ ներկայացնելով դա որպես ձեռքբերո՞ւմ Իրավիճակն ու գներն անշարժ գույքի շուկայում. երբ բնակարան գնել Պարետի որոշմամբ սհմանափակումներ կկիրառվեն մի շարք տնտեսվարողների նկատմամբ Զենքի անօրինական վաճառք, «նախնադարյան» զենքի ձեռքբերման գործարք, կոռուպցիա և անտեսվող մահեր․ Միքայել Մինասյան/տեսանյութ/

Աստ­ղիկ Ավե­տի­սյան. «Մենք այ­սօր լուրջ իրա­վա­կան ակ­տե­րի ստեղծ­ման կա­րիք ունենք»

Այսօր Մամուլի ազատության միջազգային օրն է: Օրվա թեմայի և նշված ոլորտի շուրջ Հայաստանում առկա խնդիրների մասին զրուցել ենք ԵՊՀ ժուռնալիստիկայի ֆակուլտետի դոցենտ, բանասիրական գիտությունների թեկնածու, «Հայկական PR ասոցիացիայի» նախագահ Աստղիկ Ավետիսյանի հետ:

Մեր զրուցակիցը նախ ընդգծում է՝ երբ խոսում ենք լրատվամիջոցների մասին, պետք է հասկանանք, որ հասարակությունն անընդհատ փոխվում է, և փոխվում են նաև հասարակության պահանջները: «Լրատվամիջոցներն էլ պետք է հասարակության պահանջներին համապատասխան լրատվական արտադրանք ստեղծեն: Եվ քանի որ խոսում ենք մամուլի ազատության մասին, ապա պետք է ապահովվի բազմակարծությունը, բազմաբովանդակ նյութերի տպագրումը կամ հեռարձակումը: Բայց մյուս կողմից գործ ունենք հասարակական ընկալման հետ, որտեղ հանրությունն ինքն է որոշում՝ ինչպիսի՞ նյութ ընտրել կամ ո՞ր նյութերն են առավել ընկալելի իր համար: Այս տեսանկյունից մեզ համար բախման ելակետեր կան»,-ասաց նա՝ հավելելով, որ տարիներ առաջ մրցակցություն չունեինք, իսկ այսօր ունենք ցանցային և մրցակցային իրավիճակ, որտեղ կարևոր դեր են գրավում մուլտիմեդիականությունը և կոնվերգենցիան:

«Լրատվամիջոցն ազա՞տ է, թե՞ ոչ: Լրատվամիջոցներն ինչի մասին ուզում և երբ ուզում, գրում են ու տպագրում: Իհարկե, ունենում ենք որոշ դեպքեր, երբ աշխատանքը խոչընդոտվում է, բայց այդ խնդիրը շատ արագ սոցցանցերում բարձրաձայնվում է: Ազատության տեսանկյունից կա նաև պետության միջամտության հարցը. որքանո՞վ է պետությունը միջամտում ու կառավարում՝ չթողնելով լրատվամիջոցին անկախ մնալ: Նման գործընթաց այս պահին չենք տեսնում: Զուգահեռ տեսնում ենք վարչապետի կողմից ֆեյք լրատվության մասին մտահոգությունները»,-նշեց նա՝ ընդգծելով, որ այս խնդիրն առկա է ամբողջ աշխարհում, և այն լուրջ խնդիր է նաև Հայաստանում: Աստղիկ Ավետիսյանը շեշտեց նաև, որ այսօր մեզ մոտ գերիշխում է համատեքստային գովազդը: «Ըստ էության, տեղեկատվական բազմաբովանդակ հոսքի մեջ հասարակությունը որոշակի առումով մոլորեցվում է: Բայց պետք է նաև արձանագրենք, որ հանրային ընկալման մեջ թեթև, ժամանցային և բամբասկոտ լրատվությունը շատ ավելի ընկալելի է, քան լուրջ լրատվությունը»,-ասաց նա՝ օրինակ բերելով հետաքննական նյութերը:

Աստղիկ Ավետիսյանի հետ զրույցում անդրադարձանք նաև Հանրային հեռուստառադիոընկերության խորհրդի գործունեությանը, վերջերս տեղի ունեցած ընտրություններին, որոնց առումով նաև քննադատություններ հնչեցին: «Ի՞նչ կատարվեց Հանրային ռադիոյի կամ խորհրդի պարագայում, ընտրությունն ինչպե՞ս տեղի ունեցավ, ո՞վ էր կազմակերպիչը, ինչո՞ւ է որոշվել, որ այդպես պետք է լինի»,-թվարկեց մեր զրուցակիցը՝ ընդգծելով, որ այս հարցադրումների առումով անտեղյակություն կար անգամ ոլորտին քաջատեղյակ և այդ դաշտում ակտիվ մարդկանց համար:

«Եվ խնդիրն այն չէ, որ չես կարդում ու չգիտես այդ մասին: Խնդիրն այն է, որ ամեն ինչ այնքան թաքնված է, որ դու դրա մասին պարզապես չես տեղեկացվում: Այստեղ լուրջ խնդիր ունեն թե՛ իրականացնողները, թե՛ այն շահառուները, որոնք կարող են որոշակի ներդրում ունենալ: Մյուս կողմից էլ կարևոր է օրենսդրական մարմնի հետ ակտիվ աշխատանքի արդյունքը: Պետք է փոփոխություններ լինեն: Մենք այսօր լուրջ իրավական ակտերի ստեղծման կարիք ունենք»,-ասաց նա՝ ընդգծելով, որ ինչպես նախկինում, խորհուրդն այժմ ևս բաց նիստեր չի անում: 

Որպես խնդիր, նա առանձնացրեց նաև այն հանգամանքը, որ խորհրդի և հասարակության, մասնագետների հետ ուղիղ կապի հնարավորություն գրեթե չկա:

Նրա խոսքով, ընդհանուր առմամբ, ամենամեծ խնդիրն այսօր օրենսդրության հարցն է: «Մենք տեսնում ենք արագ զարգացող իրավիճակ, արագ զարգացող տեխնիկական հնարավորություններ և հին օրենքներ: «Զանգվածային լրատվության մասին», «Հեռուստատեսության և ռադիոյի մասին» օրենքներն ամբողջությամբ ենթակա են փոփոխության, որովհետև ժամանակին համահունչ քայլելու հնարավորություն չեն տալիս: Եվ եթե օրենքում որոշակի բան է փոփոխվում, ապա «վիրահատական» միջամտությունը կարող է այլ խնդիրների հանգեցնել: Պատճառն այն է, որ հաշվարկված չեն և բաց հրապարակային քննարկման դրված չեն «ի՞նչը փոխել», «ի՞նչը չփոխել» կամ «ինչո՞ւ փոխել» հարցադրումները: Տեսեք՝ ԵՊՀ-ն ունի ժուռնալիստիկայի ֆակուլտետ, որտեղ աշխատում են գիտնականներ: Նրանք ստեղծում են գիտական արտադրանք, աշխատում են օրենքների հետ: Այդուհանդերձ, ոչ մի անգամ որևէ կառույցի կամ ԱԺ-ի կողմից փորձագիտական որևէ նիստ չի հրավիրվել և այդ ամենի վերաբերյալ կարծիք չի հնչել: Հիմնականում ակտիվություն են ցուցաբերում միայն այն հ/կ-ները, որոնք տվյալ ոլորտի հետ կապված դրամաշնորհ են ստացել: Բայց ոլորտի հանրային կառույցների, գիտնականների, փորձագիտական շրջանակների և օրենսդիր մարմնի ակտիվ աշխատանքի ու քննարկման արդյունքում է, որ պետք է ստեղծվեն օրենքներ, որոնք տվյալ հասարակության զարգացմանը բնորոշ են»,ասաց նա: 

Խոսելով լրատվամիջոցների ազատության մասին՝ Աստղիկ Ավետիսյանը նշեց. «Ոչ ազատ տնտեսության պայմաններում հնարավոր չէ լիարժեք ազատ լրատվամիջոցներ ունենալ: Լրատվամիջոց պահելը բավականին լուրջ խնդիր է, հնարավոր չէ որևէ կերպ անկախություն ապահովել այդ առումով: Այդ պատճառով կախվածություն կա ինչպես հիմնադիրներից, ստեղծողներից, այնպես էլ պետությունից»:

ԱՆՆԱ ԲԱԴԱԼՅԱՆ

website by Sargssyan