«Ամե­նա­թո­ղու­թյան մթնո­լոր­տը ան­նե­րե­լի հե­տև­անք­նե­րի ... ՀԱՐՑԱԶՐՈՒՅՑ
Չորս գործ ուղարկվել է դատախազություն. քանի՞ պաշտոնյա է խուսա... ՔԱՂԱՔԱԿԱՆ
Նման կառույցներով դասական իմաստով համամասնական ընտրության չե... ՔԱՂԱՔԱԿԱՆ
Տո­տալ ճնշում Սահ­մա­նադ­րա­կան դա­տա­րա­նի նկատ­մամբ ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (18 ՀՈԿՏԵՄԲԵՐԻ)․ Մայր Աթո­ռում բաց­վել է ... ՀԱՍԱՐԱԿՈՒԹՅՈՒՆ
Երևան, 19.Հոկտեմբեր,
00
:
00
:
00
Փոխարժեք
478.65
$
560.79
«Ամե­նա­թո­ղու­թյան մթնո­լոր­տը ան­նե­րե­լի հե­տև­անք­նե­րի կա­րող է հան­գեց­նել» Հատուցման ժամը մոտ է. Հայաստանը գժապետություն դարձնելու համար պատասխան եք տալու. Արմեն Աշոտյան Չորս գործ ուղարկվել է դատախազություն. քանի՞ պաշտոնյա է խուսափել հայտարարագրել ունեցվածքը Նման կառույցներով դասական իմաստով համամասնական ընտրության չես գնա Այսօր Խոհարարի միջազգային օրն է Տո­տալ ճնշում Սահ­մա­նադ­րա­կան դա­տա­րա­նի նկատ­մամբ Արմեն Կարապետյանն ազատվել է Էկոնոմիկայի նախարարության գլխավոր քարտուղարի պաշտոնից ՆԱՏՕ-ն միջուկային զենքով գաղտնի զորավարժություններ կանցկացնի Ավտովթար՝ Գորիս-Կապան ճանապարհին․կա վիրավոր Խոյերն այսօր տարօրինակ իրավիճակի մեջ կհայտնվեն․ հոկտեմբերի 19-ի աստղագուշակը Հրդեհ՝ Մարգահովիտ գյուղի մոտ․1 տոննա խոտով բարձված բեռնատարն ամբողջությամբ այրվել է ԱՄՆ սահմանային պարեկային ծառայության՝ մանկապղծության մեջ մեղադրվող նախկին գործակալը ճանաչել է իր մեղքը Երևանում բախվել են Mustang-ը, Toyota-ն և ВАЗ 2104-ը. վերջինը կողաշրջվել է. կա վիրավոր. Shamshyan.com Խոշոր վթար Արմավիրի մարզում. բախվել են զինծառայողների մեքենաներ. կան վիրավորներ

Աղ­վան Պո­ղո­սյան. «Բա­ցար­ձակ մե­ծա­մաս­նու­թյամբ ընտր­ված քա­ղա­քա­կան ուժը և իր լի­դե­րը չեն ար­դա­րաց­րել քա­ղա­քա­ցի­նե­րի ակն­կա­լիք­նե­րը»

Հեղափոխության և Նիկոլ Փաշինյանի պաշտոնավարման մեկ տարվա ամփոփումների համատեքստում «Քաղաքացիական հարթակ» նախաձեռնության ղեկավար Աղվան Պողոսյանը նախընտրում է խոսել առանցքային խնդիրների մասին, որոնք այս ընթացքում է արձանագրել:

«Փաստացի ունենք մի իրավիճակ, երբ կառավարման խորհրդարանական համակարգում, հանձին «Իմ քայլը» խմբակցության, հեղափոխությունից հետո ունենք միանձնյա կառավարում: Այդ համատեքստում չփոխվեց սուպերվարչապետական համակարգի մոդելը և դեռ նախանշաններ չկան, որ փոփոխության կենթարկվի: Երկրորդ կարևոր և առանցքային հարցն ընտրությունների հապճեպ կազմակերպումն էր, ինչն ուներ իր հասկանալի պատճառները. եթե ընտրությունները լինեին ավելի ուշ ժամանակահատվածում, գործող իշխանությունը, Նիկոլ Փաշինյանի գլխավորությամբ, չէր հավաքի այնքան քվե, որքան հավաքեց դեկտեմբերյան ընտրություններին»,-«Փաստի» հետ զրույցում ասաց Ա. Պողոսյանը՝ նշելով, որ երրորդ կարևոր փաստը, որն արձանագրվել է հետհեղափոխական Հայաստանում, ազգային արժեքների հանդեպ տեղի ունեցող ոտնձգություններն էին:

«Մյուս առանցքային խնդիրն Արցախյան հարցն է: Այս առումով շոշափելի երևույթներ են տեղի ունենում, բայց մեր կողմից փաստացի չկա հստակ ներկայացված տեսակետ: Խնդիրներ կան նաև դատաիրավական համակարգում, որտեղ ճգնաժամ է առաջացել: Մեծ հաշվով՝ քաղաքական համակարգում վակուում է տիրում: Իսկ գլխավոր գործընթացներն, ըստ իս, արդեն տեղի են ունենում խորհրդարանից դուրս՝ թե՛ արտախորհրդարանական նոր ձևավորվելիք ուժերի, թե՛ արդեն կայացած ուժերի միջոցով»,նշեց մեր զրուցակիցը:

Նա մատնանշեց հատկապես տարբեր հարցերի շուրջ առկա բողոքի ալիքները. «Կա բողոքավոր քաղաքացիների ձայնը: Նրանք մեկ տարվա ընթացքում իրենց չարդարացված սպասելիքների համար բողոքի գործողությունների են դիմում: Կառավարության դիմաց ամեն օր ինչ-որ խնդիրների շուրջ բողոք կա, մարդիկ բողոքում են Փաշինյանի տված խոստումների չիրականացման համար: Սա շատ կարևոր ցուցիչն է նրա, որ բացարձակ մեծամասնությամբ ընտրված քաղաքական ուժը և իր լիդերը չեն արդարացրել քաղաքացիների ակնկալիքները: Եվ այս ամենի գլխավոր լուծումը հետևյալն է՝ Փաշինյանն իր գլխավորած քաղաքական ուժի հետ պետք է հրաժարական տա, որովհետև երկրում տիրող իրավիճակից փաստացի երևում է, որ վարչապետ Փաշինյանը չի տիրապետում իրավիճակին: Իսկ հրաժարականը շահավետ է թե՛ մեր երկրի անվտանգության տեսանկյունից, թե՛ տնտեսական իրավիճակի և մի շարք այլ գործոնների առումով»:

Աղվան Պողոսյանի հետ զրույցում անդրադարձանք նաև Արցախում տեղի ունեցած «Արցախ-Հայաստան ռազմավարական դաշինք» ֆորումին, որտեղ ազդարարվեց երկու հայկական պետությունների միջև համապարփակ համագործակցության համաձայնագիր կնքելու գործընթացի մեկնարկը:

Մեր զրուցակիցը շեշտեց, որ համաժողովը միանշանակ ողջունելի է և ակնկալում է, որ նման ֆորմատը շարունակական կլինի:

«Ես հուսով եմ, որ հնչած ելույթները, արծարծված թեզերը մի օր կամրագրվեն նաև թղթի վրա: Այսինքն, այդ ամենն ավելի գործնական դաշտ կբերվի: Ընդհանուր առմամբ, այս ֆորումի անցկացումը դիտարկում եմ որպես շատ լուրջ մեսիջ՝ միջազգային հանրությանը, ինչպես նաև ագրեսոր Ադրբեջանին: Մեսիջ այն առումով, որ անկախ ներքաղաքական վայրիվերումներից՝ Հայաստանում կա հստակ մոտեցում Հայաստան-Արցախ հարաբերությունների վերաբերյալ: Ինչպես ես նշեցի, այս պահին գործող վարչապետը և իր քաղաքական ուժը բազմաթիվ հարցերի վերաբերյալ բացարձակապես օրակարգ չունեն: Բնականաբար, այս պայմաններում այլ ուժերը փորձելու են լցնել վակուումը, ձևավորել միասնական հարթակներ, և ինձ թվում է՝ կստացվի»,-ասաց նա:

Անդրադառնալով Հայաստանի և Արցախի իշխանությունների հարաբերություններին՝ նա նկատեց. «Կար մի փուլ, երբ իշխանական շրջանակներից հստակ հարձակում էր տեղի ունենում Արցախի պաշտոնյաների նկատմամբ: Հստակ երևում էր, որ կար ձևավորված անջրպետ: Բայց հուսով եմ՝ կգտնվեն ադեկվատ մարդիկ, որոնք Ն. Փաշինյանին կհորդորեն վերադառնալ ռեալ քաղաքական կյանք, քանի որ Հայաստանի և Արցախի իշխանությունների տարաբաժանումը կարող է շատ վտանգավոր հետևանքներ ունենալ երկու պետությունների համար: Ընդամենը սթափվել է պետք և հասկանալ գործողությունների իրական հետևանքները: Իսկ վերոնշյալ ֆորումն այդ առումով արդեն իսկ դրական ազդեցություն է թողել, որովհետև ֆորումին ներկա էին տարբեր քաղաքական ուժերի ներկայացուցիչներ, անհատներ, պետականամետ գործիչներ: Դա ցուցիչն էր նրա, որ Հայաստանում ինչ- որ խմբավորումներ կամ խմբակներ հասկանան, որ հայաստանցի-արցախցի տարաբաժանումը և առկա ճգնաժամը շատ արագ պետք է հարթվի»:

ԱՆՆԱ ԲԱԴԱԼՅԱՆ

website by Sargssyan