«Շատ դեպքերում պետական կառույցները գործում են իրարից անկախ և... ՀԱՍԱՐԱԿՈՒԹՅՈՒՆ
Սննդամթերքի շուկայում կրկին գնաճ կա. պարենային որոշ ապրանքնե... ՏՆՏԵՍՈՒԹՅՈՒՆ
Ոսկու գինը բարձրացել է, առևտուրը՝ կիսով չափ պակասել. ի՞նչ խն... ՏՆՏԵՍՈՒԹՅՈՒՆ
Համավարակով պայմանավորված՝ առաջարկվում է երկարաձգել աղետի գո... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
Երևան, 12.Հուլիս,
00
:
00
:
00
Փոխարժեք
478.65
$
560.79
2 գնդակի արանքում Լիլի Մորտոյի հետ. տեսանյութ Եթե ուսումնարանը չունի պայմանագիր որևէ բուհի հետ, ապա շրջանավարտն ինչ արտոնություններ ունի բուհ ընդունվելու դեպքում Իննա Խոջամիրյան և Վահե Զիրոյանը գեղեցիկ նկար են հրապարակել Դեբեդ գետի վրա Ատեստավորում անցնելու դեպքում ուսուցիչը կարող է ունենալ աշխատավարձի 50 % բարձրացում․ ԱԺ պատգամավորը մանրամասնում է Կորոնավիրուսի պայմաններում տուրիզմի ոլորտում իրավիճակային լուծումներ պետք է առաջարկվի, որ տուրիզմը կարողանա գոյատևի․ ոլորտն անդունդի եզրին է․ տուրիզմի ոլորտի մասնագետներ Եթե Կառավարությունը բիզնեսի աջակցության այլ քայլեր չձեռնարկի, նվազագույնը 80,000 գործազուրկ կավելանա․ Գագիկ Մակարյան Սևանի ափին հանգստացողները ո՞ր դեպքում կարող են դիմակ չկրել /Տեսանյութեր/ Սահմանադրական բարեփոխումների մասնագիտական հանձնաժողովը հաստատել է Արթուր Ղամբարյանի «Հայաստանյայց Առաքելական Սուրբ Եկեղեցու սահմանադրական կարգավիճակի բարեփոխումների դոկտրինալ հայեցակարգի» առաջարկը Ցավալի լուր. մահացել է Աբել Աղանբեկյանը Այս իշխանությունների համար պետբյուջեի ԱՄԵՆԱՊԱՇՏՊԱՆՎԱԾ ԾԱԽՍԱՅԻՆ ՀՈԴՎԱԾԸ դա ՊԱՐԳԵՎԱՏՐՈՒՄՆԵՐԻ հոդվածն է. Հայկ Ֆարմանյան Վարչապետ Փաշինյանը հրապարակել է հայ ժողովրդի ազգային նպատակները Վախենո՞ւմ էիք շեշտել Հայոց ցեղասպանության փաստը և հայերի հանդեպ մշակութային ցեղասպանության քաղաքականությունը․ Աշոտյանը՝ ԱԳՆ-ին Հուլիսի 12-ին Լեռնային Ղարաբաղի մարզային խորհուրդը հայտարարում է Ադրբեջանի կազմից դուրս գալու մասին Հայաստանում կորոնավիրուսով վարակվածների թիվը ավելացել է 577-ով, գրանցվել է 8 մահվան դեպք «Նաիրի Սարգսյանը խաբել է, որ բնակարան կտրամադրեն»․ իրեն ցած նետել փորձողը մանկատան սան է Ֆրանսիայում փոխքաղաքապետ է ընտրվել ազգությամբ հայ Սերժ Քեհեայանը Ես շոկի մեջ էի. Սոֆի Դեւոյան Հայաստանը պահպանում է առաջատարի դիրքը տարածաշրջանում կորոնավիրուսով վարակման ու մահացության ցուցանիշով և 9-րդն է աշխարհում՝ վարակման ցուցանիշով «Չեմ ների երկրորդ անգամ». Անի Երանյան «Ոսկե ծիրան» միջազգային կինոփառատոնն այս տարի տեղի կունենա նոյեմբերին

«Հա­կա­հե­ղա­փո­խու­թյուն» փնտրե­լու մո­լուցք

Հայաստանում տեղի ունեցած թավշյա հեղափոխությունը բնույթով դեմոկրատական էր, սակայն դրա հաղթանակից հետո գործնական քաղաքականության ու ինստիտուցիոնալ մակարդակներում պահպանվեց անձնակենտրոն համակարգը, որը ստացել է սուպերվարչապետական անունը։ Տպավորությունն այնպիսին է, որ պետական ինստիտուտները շատ հաճախ առաջնորդվում են ոչ թե օրենքի կամ բանականության տրամաբանությամբ, այլ բացառապես Նիկոլ Փաշինյանի խոսքով կամ ճաշակով։ Օրինակ՝ բավական էր, որ վարչապետը կառավարության հերթական նիստերից մեկում ընդդիմությանը հեգնանքով մեղադրի «ահաբեկչությունը» խրախուսելու մեջ, որպեսզի համապատասխան ծառայությունները մանրակրկիտ զննեն ընդդիմադիր այն պատգամավորների ծառայողական մեքենաները, որոնք մուտք են գործում խորհրդարանի տարածք։

Նույն խոտոր տրամաբանությունը գործում է ավելի նուրբ հարցում, որը վերաբերում է Հայաստանի ու Արցախի իշխանությունների բավականին բարդ հարաբերություններին։ Արցախից վերադառնալուց հետո Փաշինյանի մոտ արթնացել էին հեղափոխական տրամադրություններ, ու նա ֆեյսբուքյան գրառումով հանրությանը տեղեկացրեց, որ եթե Արցախը փորձեն դարձնել հակահեղափոխության օջախ, Արցախի ժողովուրդն այն կդարձնի հեղափոխության օջախ:

Գլոբալ հարթության վրա, իհարկե, տխուր է պատկերացնել, որ Արցախ կատարած այցը, մանավանդ՝ Եռատոնի առթիվ, Փաշինյանի մոտ այդպսի զգացողություններ է ծնել։ Մյուս կողմից՝ արդեն օրինաչափություն է դարձել, որ գործող իշխանությունները չեն կարողանում իրենց «կենսունակությունն» ապահովել՝ առանց «թշնամու» կերպար ստեղծելու։ Սա, իհարկե, բոլ շևիկյան մտածողության դրսևորում է, երբ հասարակության մեջ անընդհատ «ստեղծվում» են «հակահեղափոխական» օջախներ ու կերպարներ։ Նման քաղաքականությունն ու մտածողությունն, ի վերջո, ծնում են կառավարման ավտորիտար «մշակույթ», եթե անգամ Նիկոլ Փաշինյանն ու նրա շրջապատը համոզված դեմոկրատներ են ու հոգու խորքում ատում են ավտորիտարիզմի որևէ դրսևորում։

Միևնույն է՝ Նիկոլ Փաշինյանի ֆեյսբուքյան գրառումից անմիջապես հետո իշխանության ներկայացուցիչների կոնսոլիդացված դիրքորոշումները, ակնհայտ հարձակումներն Արցախի իշխանության ուղղությամբ հուշում են, որ գործ ունենք հենց ավտորիտար մտածողության հետ։ Երեկ խորհրդարանի պաշտպանության, ՆԳ և ԱԱ մշտական հնաձնաժողովի նախագահ Անդրանիկ Քոչարյանը զարգացրել է իրենց ուժի առաջնորդի միտքն ու ասել է, որ հակահեղափոխական միտում լինելու պարագայում Արցախի ժողովուրդն այդ օջախը տեղում կխեղդի։ Նախ՝ սկզբունքորեն հայաստանցի որևէ պաշտոնյա իրավունք չունի խոսել Արցախի հասարակության անունից, որովհետև հենց Նիկոլ Փաշինյանն է տարբեր առիթներով արդարացիորեն նշել, որ նման իրավունք ունեն միայն մարդիկ, ովքեր ստացել են ԼՂՀ հասարակության վստահության մանդատը։ Սա աքսիոմ է, որը մեկընդմիշտ պետք է հիշեն Հայաստանի քաղաքական բոլոր սուբյեկտները։

Բացի այդ՝ շատ հետաքրքիր է, թե ո՞վ կամ ովքե՞ր են ձևակերպել հեղափոխության արժեքները, որ այսպիսի թեթևությամբ խոսում են «հակահեղափոխության» մասին։ Ինչքան ես եմ հասկանում՝ հեղափոխությունը ձևակերպված քաղաքական օրակարգ ու արժեքներ չունի, ըստ այդմ՝ ստացվում է, որ «հակահեղափոխական» են համարվում բոլոր նրանք, ովքեր հանդգնում են Փաշինյանից տարբերվող կարծիք ունենալ։ Այս տրամաբանությամբ շարժվելու պարագայում՝ շուտով Հայաստանի հասարակության մեծամասնությունը դառնալու է «հակահեղափոխական», որովհետև վարչապետի ու նրա թիմի վարկանիշն օբյեկտիվորեն ընկնում է։

Մյուս կողմից՝ հեղափոխության մեխանիկական «արտահանումը» Հայաստանից Արցախ՝ որևէ լավ բանի չի բերելու, ինչի մասին գրել եմ բազմիցս։ Եթե նույնիսկ Հայաստանն ու Արցախը գտնվում են միևնույն քաղաքական համակարգում, միևնույն է՝ Արցախն ունի իր առանձնահատկությունները՝ թելադրված չավարտված պատերազմի հարուցած խնդիրներով։

Սակայն գանք, ըստ իս, ավելի գլոբալ մի խնդրի։

Նիկոլ Փաշինյանն իր պաշտոնավարման առաջին իսկ օրերից հետամուտ է բանակցային գործընթացում Արցախի սուբյեկտության վերականգնմանը։ Պետք է խոստովանել, որ վարչապետի այս օրակարգը հոգեհարազատ է բոլորիս, ու այս հարցում Հայաստանում ունենք քաղաքական ու հասարակական կոնսենսուս։ Սակայն Արցախի սուբյեկտությանը միջազգային հանրությունն ու միջնորդները լուրջ կվերաբերվեն, եթե ԱՀ սուբյեկտությունը վերականգնվի առաջին հերթին Հայաստանի հետ հարաբերություններում։ Իսկ դա առնվազն ենթադրում է, որ Հայաստանի իշխանության առաջին դեմքերը ըմբռնումով պետք է մոտենան այն հանգամանքին, որ Արցախում կարող է լինել իշխանություն, որի ոչ բոլոր տեսակետներն են համընկնում պաշտոնական Երևանի դիրքորոշումների հետ։ Դա ոչ թե «հակահեղափոխականություն» է, այլ Արցախի սուբյեկտության դրսևորում։ Եթե այս գիտակցությունը չգործի, ապա միջազգային հանրությունը նույնպես չի ցանկանա գործ ունենալ «հակահեղափոխական» Արցախի հետ։

ՍՈՒՐԵՆ ՍՈՒՐԵՆՅԱՆՑ

website by Sargssyan