ՊԱՏՄՈՒԹՅԱՆ ԱՅՍ ՕՐԸ (21 ՄԱՅԻՍԻ). Ար­գե­լա­փա­կել են գլխա­վոր ... ՀԱՍԱՐԱԿՈՒԹՅՈՒՆ
Ճանապարհները հերթով քանդվում են ՀԱՍԱՐԱԿՈՒԹՅՈՒՆ
Ազատվել է Հայաստանից տրված ցուցումով ՔԱՂԱՔԱԿԱՆ
Հայտարարության տեքստը էապես փոխվել է ՔԱՂԱՔԱԿԱՆ
... Եթե ձեզ զրպարտել կամ վիրավորել են ՀԱՍԱՐԱԿՈՒԹՅՈՒՆ
Երևան, 22.Մայիս,
00
:
00
:
00
Փոխարժեք
478.65
$
560.79
Ուժեղ կարկուտ Է տեղացել Նոր մանրամասներ են հայտնի դարձել Արմավիրի մարզում տեղի ունեցած խոշոր ավտովթարից. Shamshyan.com Քրեական գործի վարույթը կասեցնելու մասին դատարանի որոշումը հանդիսանում է գործն ըստ էության չլուծող դատական ակտ. Գոռ Աբրահամյան «ՎԱԶ-2107»-ը դուրս է եկել Իջևան-Նոյեմբերյան ավտոճանապարհից և կողաշրջվել Դատարանների մուտքերը փակելու ակցիային մասնակիցների թիվը խոսում է այն մասին, որ էյֆորիան անցյալում է, վարչապետի վարկանիշը զգալիորեն նվազել է. Վիգեն Հակոբյան (տեսանյութ) ՊՆ-ն 557.6 մլն դրամի ոչ նպատակային նյութական միջոցներ է ձեռք բերել․ դատախազություն Եղեգնաձորի ոստիկանները գողություններ են բացահայտել. Մի քանի դրվագ Բախվել է 6 մեքենա. խոշոր և շղթայական ավտովթար Երևանում «Դատարանի կողմից գործի վարույթը կասեցնելը և ՍԴ դիմելը բողոքարկման ենթակա չէ». սահմանադրագետ Ադրբեջանում կալանվորված ընդդիմադիրին անհայտ ուղղությամբ են տարել «Մեր մտահոգությունն ենք արտահայտում Նիկոլ Փաշինյանի կոչի կապակցությամբ». Սաջադ Քարիմ Պարո՛ն վարչապետ, ներկայացրեք Հայաստանի զարգացման Ձեր հստակ տեսլականը. Արման Վարդանյան (տեսանյութ) Վառելիքի ծախսի շոշափելի կրճատում՝ Երևանի քաղաքապետարանում ԼՂ հակամարտության հրադադարի հաստատման 25-ամյակին նվիրված միջոցառում ԱՄՆ Կոնգրեսում Չնայած հռետորաբանությանը, Թուրքիան ենթարկվեց Իրանի դեմ ԱՄՆ պատժամիջոցներին

«Սկսվե­լու է պրո­ցես, երբ կա­ռա­վա­րու­թյան, ԱԺ-ի և թի­մի բա­ցե­րը վե­րագր­վե­լու են հենց վար­չա­պե­տին»

«Գելլափ ինթերնեյշնլի» հայաստանյան ներկայացուցիչը հրապարակել է «Փաշինյան vs Փաշինյան. մեկ տարի անց» հարցման արդյունքները: 1108 դեմ առ դեմ կատարված հարցման միջոցով պարզել են քաղաքացիների վերաբերմունքը վարչապետ Նիկոլ Փաշինյանի, նախագահ Արմեն Սարգսյանի, կառավարության և ԱԺ-ի աշխատանքի նկատմամբ և ոչ միայն:

Այն, որ հարցումների նկատմամբ հանրության վերաբերմունքը երբևէ միանշանակ չի եղել, գաղտնիք չէ: Հատկապես շատ են կարծիքները, թե մի քանի հարցվածների և նրանց տված պատասխանների միջոցով հնարավոր չէ հասկանալ լայն մասսաների վերաբերմունքը: Սոցիոլոգ Սյուզաննա Բարսեղյանը «Փաստի» հետ զրույցում նշում է, որ լիովին հնարավոր է, եթե կատարվում է ճիշտ ընտրանք:

«Դա մեթոդաբանական խնդիր է: Այդ քանակով ճիշտ մարդկանց ընտրելու դեպքում հնարավոր է ստանալ ողջ բնակչության կարծիքը որոշակի շեղումներով, ասենք, երեք տոկոս սխալանքով», - ասում է սոցիոլոգը՝ նշելով, որ հարցվածներին ընտրում են՝ ելնելով բնակչության իրական քանակից և նրա տեղաբաշխվածությունից: Սեռերի, եկամուտների, կրթության և այլ ցուցանիշներով մարդիկ պետք է համամասնորեն ներկայացված լինեն: «Նրանք պետք է ընտրվեն պատահականորեն,  բայց կանոնով, որոշակի քայլերի սկզբունքով: Գոյություն ունեն տարբեր մեթոդներ», - նշում է Սյուզաննա Բարսեղյանը: 

Կատարված հարցումները վկայում են, որ վարչապետ Նիկոլ Փաշինյանի աշխատանքին հավանություն է տվել հարցվածների 81,6 տոկոսը, մինչդեռ կառավարության աշխատանքին հավանություն է տվել 57,3 տոկոսը (հավանություն չի տվել 37,2 տոկոսը), իսկ ԱԺ-ի աշխատանքին` 48,4 տոկոսը (հավանություն չի տվել 44,5 տոկոսը): Մտավախությունների առիթ տալի՞ս է այն, որ մի կողմից վարչապետի աշխատանքը հավանության է արժանանում, իսկ ահա երկրի կարևորագույն երկու գերատեսչությունների աշխատանքը՝ ոչ այնքան:

Սոցիոլոգը համաձայնում է՝ սա վկայում է դժգոհությունների առկայության մասին: «Դժգոհության սլաքներն ավելի շատ ուղղվում են թիմին, կառավարությանն ու ԱԺ-ին, քան հեղափոխության առաջնորդին, որին լիովին վստահում են, համարում, որ նա ճիշտ է վարվում: Հինգից ավելի կետերով Փաշինյանի վարկանիշը շարունակում է բարձր մնալ: Բայց, տեսեք, Փաշինյանն ամենացածր գնահատականը ստացել է իր կադրային քաղաքականության համար: Համեմատության մեջ այստեղ նրա վարկանիշը ցածր է: Մարդիկ տեսնում են կադրային քաղաքականության բացթողումները: Քաղաքական մշակույթում ունենք որոշակի անձնակենտրոն վերաբերմունք: Ավելի շատ լիդերներին ենք տեսնում քաղաքական դաշտում, նրանց գնահատում, քան ինստիտուցիոնալ կառույցների գործունեությունը», - ընդգծում է մեր զրուցակիցը՝ ասելով, որ նախկինում կառավարությունը և ԱԺ-ն երբեք նման բարձր վարկանիշ չեն ունեցել որպես ինստիտուտներ՝ աշխատանքը հավանության արժանանալու տեսանկյունից. «Սա ցածր է Նիկոլ Փաշինյանի վարկանիշի համեմատ, բայց բավականին բարձր է նախկին ԱԺ-ների և կառավարությունների ֆոնին»: Փաշինյանի թիմի աշխատանքը և կադրերի ընտրությունը կանդրադառնա՞ն վարչապետի վարկանիշի վրա: Սոցիոլոգի պատասխանը դրական է: «Կարծում եմ՝ այո: Այս պահին շատերը դեռևս հեղափոխական տրամաբանության մեջ են: Փաշինյանը բացարձակ առաջնորդ է նրանց համար: Բոլոր ոլորտներում հարցերը, կարծես թե, նա է կարգավորում: Այն տեղերում, որտեղ իր «ձեռքը չի հասնում», կարծես թե, հարցերը չեն լուծվում: Դեռևս սա կշարունակվի, բայց ոչ երկարատև կտրվածքով: Բնականաբար, սկսվելու է այն պրոցեսը, երբ կառավարության, ԱԺ-ի և ընդհանրապես իր թիմի աշխատանքների բացերը վերագրվելու են հենց վարչապետին: Դա անխուսափելիորեն տեղի կունենա: Այս պահին հոգեբանորեն մարդիկ շատ սխալներ խուսափում են վերագրել նրան: Ասում են՝ «Փաշինյանը մեղավոր չէր»: Հոգեբանորեն չեն ուզում իրենց առաջնորդին վերագրել բացերը, որոնք առկա են և տեսանելի քաղաքական դաշտում», - փաստում է Բարսեղյանը: 

Հետաքրքրական է, որ նախագահ Արմեն Սարգսյանի աշխատանքին հավանություն է տվել հարցվածների 85, 3 տոկոսը: Սա այն դեպքում, երբ Սարգսյանի նշանակման առաջին օրերին նրա անձի նկատմամբ վերաբերմունքը միանշանակ չէր: Բացի դա, պետք է փաստել, որ նրա լիազորություններն ի պաշտոնե խիստ սահմանափակ են:

Սյուզաննա Բարսեղյանը կարծում է, որ այստեղ կերպարի խնդիր է: «Պարզապես նրա կերպարը, նույնիսկ սահմանափակ լիազորությունների շրջանակում, հավանության է արժանանում, գնահատվում մարդկանց կողմից: Միայն կերպարը, ինչը, կարծում եմ, հիմնավոր է: Նա գնահատվում է որպես կիրթ, պատրաստված քաղաքական գործիչ և մարդ», - եզրափակում է մեր զրուցակիցը:

ԼՈՒՍԻՆԵ ԱՌԱՔԵԼՅԱՆ

website by Sargssyan