Քաղաքագետ. «Պերմանենտ հեղափոխությունը ծնում է պերմանենտ ճգնա... ՔԱՂԱՔԱԿԱՆ
Ո՞նց են կարողանալու «սվաղել» ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (21 ՄԱՅԻՍԻ). Ար­գե­լա­փա­կել են գլխա­վոր ... ՀԱՍԱՐԱԿՈՒԹՅՈՒՆ
Ճանապարհները հերթով քանդվում են ՀԱՍԱՐԱԿՈՒԹՅՈՒՆ
Ազատվել է Հայաստանից տրված ցուցումով ՔԱՂԱՔԱԿԱՆ
Երևան, 22.Մայիս,
00
:
00
:
00
Փոխարժեք
478.65
$
560.79
Քաղաքագետ. «Պերմանենտ հեղափոխությունը ծնում է պերմանենտ ճգնաժամեր» Ո՞նց են կարողանալու «սվաղել» Ուժեղ կարկուտ Է տեղացել Նոր մանրամասներ են հայտնի դարձել Արմավիրի մարզում տեղի ունեցած խոշոր ավտովթարից. Shamshyan.com Քրեական գործի վարույթը կասեցնելու մասին դատարանի որոշումը հանդիսանում է գործն ըստ էության չլուծող դատական ակտ. Գոռ Աբրահամյան «ՎԱԶ-2107»-ը դուրս է եկել Իջևան-Նոյեմբերյան ավտոճանապարհից և կողաշրջվել Դատարանների մուտքերը փակելու ակցիային մասնակիցների թիվը խոսում է այն մասին, որ էյֆորիան անցյալում է, վարչապետի վարկանիշը զգալիորեն նվազել է. Վիգեն Հակոբյան (տեսանյութ) ՊՆ-ն 557.6 մլն դրամի ոչ նպատակային նյութական միջոցներ է ձեռք բերել․ դատախազություն Եղեգնաձորի ոստիկանները գողություններ են բացահայտել. Մի քանի դրվագ Բախվել է 6 մեքենա. խոշոր և շղթայական ավտովթար Երևանում «Դատարանի կողմից գործի վարույթը կասեցնելը և ՍԴ դիմելը բողոքարկման ենթակա չէ». սահմանադրագետ Ադրբեջանում կալանվորված ընդդիմադիրին անհայտ ուղղությամբ են տարել «Մեր մտահոգությունն ենք արտահայտում Նիկոլ Փաշինյանի կոչի կապակցությամբ». Սաջադ Քարիմ Պարո՛ն վարչապետ, ներկայացրեք Հայաստանի զարգացման Ձեր հստակ տեսլականը. Արման Վարդանյան (տեսանյութ)

Ղա­րա­բա­ղյան և հայ­աստանյան իշ­խա­նու­թյուն­նե­րի հա­կա­սու­թյուն­նե­րը սրվել են և ջրի երես դուրս եկել

eadaily.com-ը «Փաշինյանը նպատակադրվել է մաքրել Ղարաբաղի իշխանությունը Սերժ Սարգսյանի մարդկանցից» վերնագրով հոդվածում գրում է, որ Հայաստանում հին ու նոր իշխանությունների միջև ներքաղաքական պայքարը աստիճանաբար ներառում է նաև Լեռնային Ղարաբաղը: Երևանում զանգվածային ճնշումների արդյունքում իշխանափոխությունից մեկ տարի անց «թավշյա հեղափոխության» առաջնորդ և Հայաստանի ներկայիս վարչապետ Նիկոլ Փաշինյանը կանխատեսում է նմանատիպ գործընթացներ Ղարաբաղում, այդ թվում՝ «եթե ոմանք փորձեն Արցախը վերածել հակահեղափոխության կենտրոնի»: Լեռնային Ղարաբաղն ու Հայաստանը, որոնք Ադրբեջանի հետ ռազմական հակամարտության մեջ են, փոխաբերական իմաստով ասած, հանդիսանում են քաղաքական «հաղորդակից անոթներ»: Հայաստանում տեղի ունեցող գործընթացները անմիջականորեն ազդում են Ղարաբաղի վրա, և «թավշյա հեղափոխությունը» բացառություն չէ: Դրա ալիքները ղարաբաղյան իշխանությունները զգացին անցյալ տարվա հունիսի վերջին: Այն ժամանակ Ղարաբաղի մայրաքաղաք Ստեփանակերտը բռնկվել էր բողոքի ակցիաներով ԼՂՀ ազգային անվտանգության ծառայության աշխատակիցների և տեղի բնակիչների միջև տեղի ունեցած ծեծկռտուքի հետևանքով: Այդ ամենը հանգեցրեց բարձրաստիճան պաշտոնյաների հրաժարականների, իսկ երկրի ներկայիս ղեկավար Բակո Սահակյանը հրապարակավ հայտարարեց, որ չունի նախագահական հավակնություններ, այսինքն՝ 2020 թվականին չի առաջադրվելու նախագահի պաշտոնում: Իրավիճակը հնարավոր եղավ լուծել Նիկոլ Փաշինյանի տեսաուղերձից հետո: «Թավշյա հեղափոխությունը» մեկ տարեկան է: Այս ընթացքում անցկացված բոլոր ընտրություններում հաղթել են Փաշինյանի կողմնակիցները, և Փաշինյանն ամրապնդել է իր դիրքերը, բայց քաղաքական կրքերը չեն հանդարտվում: Ընդ որում, ներկա իշխանությունների վարկանիշի որոշակի նվազման հետ մեկտեղ՝ Հայաստանի նախկին իշխանության ներկայացուցիչների ձայնը սկսել է ավելի ուժեղ հնչել: Արդյունքում, տեղեկատվական դաշտում և սոցիալական ցանցերի հայկական հատվածում իրական տեղեկատվական պատերազմ է ծավալվել: Բացի սադրիչ հեռուստատեսային և տեղեկատվական հարձակումներից և վարկաբեկումների «արտահոսքերից», հայկական ներքաղաքական պայքարը աստիճանաբար ներառում է նաև Ղարաբաղը: Չճանաչված հանրապետության ղեկավարները բացահայտորեն կողմ են արտահայտվում նախկին նախագահ Ռոբերտ Քոչարյանի՝ կալանքից ազատ արձակման օգտին, բավականին կոպիտ երկխոսություն են ունեցել Հայաստանի վարչապետի մամուլի քարտուղարի հետ, և հեգնանքով են մեկնաբանում ղարաբաղյան հակամարտության կարգավորման հարցով Փաշինյանի բանակցությունները Ալիևի հետ: Բավական է միայն հիշել Ղարաբաղի անվտանգության խորհրդի քարտուղար Վիտալի Բալասանյանի հեգնանքով հայտարարությունը, որ չի հասկանում ԵԱՀԿ Մինսկի խմբի համանախագահների և Հայաստանի ու Ադրբեջանի ղեկավարների խոսքերն այն մասին, թե կողմերի հասարակություններին պետք է նախապատրաստել խաղաղության: Արցախի գործող նախագահ Բակո Սահակյանը և նախկին նախագահ Արկադի Ղուկասյանը խնդրանքով դիմել են Հայաստանի գլխավոր դատախազություն՝ փոխելու բանտում գտնվող Ռոբերտ Քոչարյանի խափանման միջոցը: Նրանց խնդրանքը մերժվել է: Ապա դիմել են երաշխավորության դիմումով: Վիտալի Բալասանյանը կրկին արտահայտվել է՝ նշելով, որ Հայաստանում ղարաբաղյան ղեկավարության պահանջը պետք է հաշվի առնվեր: Այսպիսով, ղարաբաղյան և հայաստանյան իշխանությունների հակասությունները սրվել են և ջրի երես դուրս եկել: Եթե նախկինում դրանք թաքնված բնույթ էին կրում և ընթանում էին «գորգի տակ», հիմա իշխանության վերնախավերը բացահայտ են արտահայտվում: Նույնիսկ մայիսի 9-ի տոնակատարություններին մասնակցած Նիկոլ Փաշինյանի և նրա նախորդի` Սերժ Սարգսյանի աշխատանքային այցերի պարզ դիտարկմամբ զգացվում է ընդդիմադիր քաղաքական բևեռների առկայություն: Սերժ Սարգսյանը շրջապատված էր այն մարդկանցով, ովքեր հարում են Ղարաբաղի ռազմական վերնախավին, իսկ Փաշինյանն ավելի շատ խոսել է հասարակ մարդկանց հետ: Այնուհետև նա, կիսվելով իր «ղարաբաղյան տպավորություններով», խստորեն դատապարտել է «ռևանշիստներին», որոնք փորձում են «Արցախը վերածել հակահեղափոխության կենտրոնի», և, եթե դա այդպես է, ապա «Արցախի ժողովուրդը այն կդարձնի հեղափոխության կենտրոն»:

Արդյո՞ք Ղարաբաղում հեղափոխություն կլինի: Այս գաղափարը առավել մանրամասնորեն բացահայտվել է Նիկոլ Փաշինյանի ընտանիքին պատկանող «Հայկական ժամանակ» թերթի՝ «Արցախում նույնպես պիտի հեղափոխություն տեղի ունենա» վերնագրով հոդվածում, որտեղ նշվում է, որ հեղափոխական արժեքները կոռուպցիայի դեմ պայքարի և մենաշնորհների վերացման տեսքով պետք է կիրառվի նաև Ղարաբաղում: Ըստ այդ խմբագրականի, «ռևանշիստները չեն ուզում դա, որովհետև այս կերպ նրանք կկորցնեն Ղարաբաղում ունեցած բոլոր ազդեցությունները, նրանք կորցրել են ամբողջ աջակցությունը Հայաստանում և ամրոցներ են փնտրում Ղարաբաղում»:

Կամո Խաչիկյան

website by Sargssyan