2 մլն ՀՀ դրամ, 5000 ԱՄՆ դոլար և 20 000 եվրո. «Իմ քայլը» խմբակցության պատգամավորի ունեցվածքը
ОБЩЕСТВОՀՀ ազգային ժողովի «Իմ քայլ ը» խմբակցության պատգամավոր Անուշ Բողլոյանը Բարձրաստիճան պաշտոնատար անձանց էթիկայի հանձնաժողովին ներկայացրած հայտարարագրում ներկայացրել է տվյալներ անշարժ գույքի և դրամական միջոցների վերաբերյալ:
Հանձնաժողովի պաշտոնական կայքում հրապարակված փաստաթղթից տեղեկանում ենք, որ պատգամավորը հայտարարագրել է երկու բնակարան: Շարժական գույք հայտարարագրված չէ:
Հայտարարատու պաշտոնատար անձի դրամական միջոցները պաշտոնը ստանձնելու օրվա դրությամբ կազմել են 2 000 000 ՀՀ դրամ, 5000 ԱՄՆ դոլար և 20 000 եվրո:
Ա. Բեղլոյանի՝ պաշտոնական պարտականությունները ստանձնելու տարվա հունվարի 1-ից մինչև պաշտոնական պարտականությունները ստանձնելու օրը ստացված եկամուտների վերաբերյալ տվյալներ չկան: Հավելենք, որ Ա. Բեղլոյանը ՀՀ ԱԺ Արտաքին հարաբերությունների մշտական հանձնաժողովի անդամ է: Նա «Քաղաքացիական պայմանագիր» կուսակցության անդամ է:
ԱՆՆԱ ԲԱԴԱԼՅԱՆ