«Չիստկայի» հերթական փուլը ՔԱՂԱՔԱԿԱՆ
Համակարգող խմբի անդամներին հրավիրել են կառավարություն ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (19 ՀՈՒՆԻՍԻ). Նոր­քի ան­տա­ռում մեծ հրդեհ... ՀԱՍԱՐԱԿՈՒԹՅՈՒՆ
«Վրեժխնդ­րու­թյան» գոր­ծի՞ք, թե՞ «կա­րև­որ դա­սեր քա­ղե­լու»... ՄԻՋԱԶԳԱՅԻՆ
Ավելացած դրամական միջոցներ, աշխատավարձից ու վարկերից ստացած ... ՀԱՍԱՐԱԿՈՒԹՅՈՒՆ
Երևան, 19.Հունիս,
00
:
00
:
00
Փոխարժեք
478.65
$
560.79

Արցախի «Արդարություն» կուսակցության հայտարարությունը

Past.am

Արցախի «Արդարություն» կուսակցությունը բազմիցս նշել է, որ Հայաստանն ու Արցախը միասնական պետություն են, և երկու պետական կազմավորումներով ներկայանում են միայն այն պատճառով, որ մարտավարական առումով նման կերպ ավելի արդյունավետ կարող են դիմակայել արտաքին մարտահրավերներին, ավելի նպաստավոր դիրքեր ունենալ բանակցային գործընթացում։

 

Մենք ունենք պաշտպանության միասնական համակարգ, գտնվում ենք միևնույն տնտեսական դաշտում, չնչին փոփոխություններով գործում են նույն օրենքները։ Իսկ դա նշանակում է, որ Հայաստանում տեղի ունեցող բարեփոխումներն անհապաղ իրենց արձագանքը պետք է գտնեն նաև Արցախում։

Հանրահայտ է, որ Արցախի անկայունությունը բխում է միմիայն հակառակորդի շահերից, իսկ պետական մակարդակով բարեփոխումների արգելակումը կամ ձգձգումը տանում է նորմալ կենսագործունեության խաթարման: Հանուն Արցախի կայունության և անվտանգության, հանուն Արցախի խաղաղ զարգացման, գործող իշխանություններն անվերապահորեն պարտավոր են սկսել ինքնամաքրման գործընթաց, ասել է թե՝ ձեռնամուխ լինել ներքին ինքնատիպ հեղափոխության՝ միտված արմատական բարեփոխումներին:

Արցախի «Արդարություն» կուսակցությունը Արցախի նախագահ Բակո Սահակյանից պահանջում է՝

-     Հանդես գալ հայտարարությամբ և անդրադառնալ իր պաշտոնավարման տարիներին առաջացած գլոբալ խնդիրներին և արձանագրել, որ եղել են բազմաթիվ տնտեսական և իրավական խախտումներ, իրականացվել են կոռուպցիոն սխեմաներ, որոնց արդյունքում մի խումբ չինովնիկներ և բիզնեսմեններ հսկայական հարստության տեր են դարձել, ինչը հանգեցրել է ազգային հարստության ոչ իրատեսական բաշխման:

- Հրապարակայնորեն հայցել ժողովրդի ներողամտությունը՝ քաղաքացիների իրավունքները ոտնահարելու և պատճառած տառապանքների համար:

Միաժամանակ հայտարարում է, որ անվերապահորեն պաշտպանում է հայաստանյան բարեփոխումները, պատրաստակամ է նույնը իրականացնել Արցախի Հանրապետությունում: Այդ նպատակով ստեղծվում է հեղափոխական բարեփոխումների ու համերաշխության փաստահավաք խումբ, կազմը հաստատվում է քաղաքացիական հասարակության և քաղաքական կուսակցությունների համաձայնությամբ, տրամադրում անհրաժեշտ լիազորություններ, որն իրականացնում է՝

1. Իր կառավարման տարիներին իրականացված պետական ծրագրերի, ինչպես նաև հիմնադրամներում անկախ աուդիտի անցկացում, հակաժողովրդական որոշումների, վճիռների բացահայտում, մեղավորներին պատասխանատվության ենթարկում.

2. Կոռուպցիոն ռիսկեր պարունակող և պետական երաշխիքով ստացված վարկերի հետ վերադարձման գործընթաց.

3. Պետական խոշոր ձեռնարկությունների, հիմնարկների, ծառայությունների և գույքի մասնավորեցման գործերի վերաբացում և պետական վնասի հատուցում.

4. Հակակոռուպցիոն և հակամենաշնորհային մասնագիտացված մարմնի ստեղծում՝ քաղաքացիական հասարակության և քաղաքական կուսակցությունների ներկայացուցիչների ընդգրկմամբ.

5. Քրեական և տնտեսական առանձնապես ծանր հանցագործություններ կատարած և պատիժ չստացած անձանց բացահայտում և պատասխանատվության են թարկում.

6. Զինծառայողների վարկերի գույքագրում և վարկային բեռի թեթևացում:

Այս գործողությունների արդյունքում հանրության շրջանում մասամբ կսկսի վերականգնվել օրինականության և արդարության զգացումը, տարիների ընթացքում խաթարված մարդկանց հավատը, հակառակ դեպքում այն կվերականգնվի փողոցում, զանգվածային հանրահավաքների միջոցով, որի աղետալի հետևանքների ողջ պատասխանատվությունը կընկնի Ձեր ուսերին՝ ինչից չեք կարող խուսափել անգամ հրաժարականի դեպքում:

website by Sargssyan