Գնդեվազ համայնքի նախկին ղեկավարին մեղադրանք է առաջադրվել. ՔԿ ՀԱՍԱՐԱԿՈՒԹՅՈՒՆ
«Ձվի գնանկումը պայմանավորված է դրա գերարտադրությամբ» ՀԱՍԱՐԱԿՈՒԹՅՈՒՆ
«Բարեփոխումները հաջողված չեն համարվի, մինչև չկարգավորվեն առա... ՀԱՍԱՐԱԿՈՒԹՅՈՒՆ
«Տնտեսական աճի մեջ մենք լուրջ որակական փոփոխություններ չենք ... ՀԱՐՑԱԶՐՈՒՅՑ
Լավ, թե վատ՝ «բանավեճն» արդեն անցյալում է. կարևորը վաղվա օրն է ՎԵՐԼՈՒԾԱԿԱՆ
Երևան, 19.Փետրվար,
00
:
00
:
00
Փոխարժեք
478.65
$
560.79
Չալյանը և Ալեքսանյանը կմասնակցեն Տոկիոյի Օլիմպիական խաղերին Ամենաանպատրաստ գեներալը նշանակվել է ամենապատասխանատու պաշտոնին. Արթուր Աղաբեկյանը՝ ԶՈՒ ԳՇ պետի մասին Իսրայելի գլխավոր շտաբը Իրանի կողմից «սպառնալիքներին» դիմակայելու համար հատուկ ստորաբաժանում կստեղծի Քաղաքապետի հետ զրույցում հանգեցինք եզրահանգման, որ ճիշտը դիմում գրելն է. Աջափնյակի նախկին թաղապետ Այսօր շատ հիշարժան փաստաթուղթ եմ ստորագրել. Նիկոլ Փաշինյան Ահա թե ինչպես են ուժեղ տղամարդիկ իրենց պահում կանանց հետ Հիմա էլ ՍԴ-ի աշխատակազմի ղեկավարն է մտել քաղաքականություն. Ալեն Սիմոնյան Հրշեջները մարել են Ալավերդիում բռնկված հրդեհը (տեսանյութ) Արարատ Միրզոյանը Դանիայում անդրադարձել է ԼՂ խնդրին (ֆոտո) Ապարանի ոստիկանները 50 գրամից ավելի մարիխուանա են հայտնաբերել Երեւանում բերման է ենթարկվել քրեական հեղինակություն «Նորատուսցի Ալիկը»

Հայ­կա­կան ֆուտ­բո­լի մութ շեր­տե­րը

Հայաստանի ֆուտբոլի ֆեդերացիան հայտարարել է, որ առաջնության նախավերջին տուրի «Արարատ-Արմենիա»-«Արցախ» և «Փյունիկ»-«Արարատ» խաղերը կսպասարկեն արտերկրյա մրցավարներ: Երևույթն ինքնին նորություն չէ հայկական ֆուտբոլի համար, նախկինում էլ գավաթային որոշ եզրափակիչների համար հրավիրվել են արտասահմանցի մրցավարներ: Օրերս կայացած եզրափակչի «Ալաշկերտ»-«Լոռի» հանդիպումն էլ սպասարկում էր իսպանացի Ալբերտո Ունդիանո Մալենկոն: Նորությունն այն է, որ արտերկրյա մրցավարներ են հրավիրվում՝ առաջնության հանդիպումներ սպասարկելու համար: Արտաքուստ այս որոշման մեջ ոչ մի վատ բան չկա, ավելին՝ հաճախ է առաջարկություն հնչել՝ մեկ-երկու արտասահմանցի հրավիրել, թեկուզ արդեն 45 տարեկան, որոնք ավարտել կամ ավարտում են կարիերան, օրինակ, Իսպանիայում, բայց դեռ մի քանի տարի կարող են «վազվզել» Հայաստանի առաջնությունում: Դա թույլ կտա բարձրացնել մրցավարության մակարդակը, իսկ հայ մրցավարների համար կլինի հիանալի դպրոց: Սակայն կոնկրետ այս որոշումը կայացվել է որոշակի հանգամանքների բերումով, ինչն էլ մտահոգությունների տեղիք է տալիս: Հիմա՝ նախապատմության մասին:

Դեռևս մարտի 31-ին կայացած «Բանանց»«Փյունիկ» հանդիպումից հետո ահազանգ հնչեց մրցավարության մասին: Տպավորություն էր, որ այս խաղն անպայման պետք է ավարտվեր ոչ-ոքի: Սակայն հարցին ուշադրություն դարձնելու փոխարեն հրապարակվեցին ՀՖՖ մրցավարական բաժնի պետ Կարեն Նալբանդյանի չափազանց վիճելի պարզաբանում-արդարացումները՝ կապված «Բանանցի» ներկայացրած բողոքի հետ: Ավելին, ընդամենը 20 օր անց նույն «Բանանցի» մասնակցությամբ գավաթի խաղարկության չափազանց պատասխանատու կիսաեզրափակիչ խաղում ֆեդերացիան որոշում է նշանակել... նույն մրցավարին: Արդյունքում «Բանանցի» սեփականատեր Ջևան Չելոյանցը թույլ չտվեց, որ թիմը մասնակցի հանդիպմանը: Այս արարքի համար Չելոյանցն ու ակումբը ստացել են արարքին արժանի տույժեր, հնչել են տարբեր մեկնաբանություններ՝ և՛ մեղադրող, և՛ արդարացնող: Հնարավոր է, որ Չելոյանցը սխալ, կանոնակարգերին և օրենքներին հակառակ քայլ կատարեց, ինչի մասին խոսեցին նաև մասնագետները, սակայն անտեսվեց մի շատ կարևոր հանգամանք. Չելոյանցը, մեղմ ասած, առաջին օրը չէ ֆուտբոլում, ու նրա քայլը պետք է որ հնչեր որպես ահազանգ ու լուրջ մտորումների տեղիք տար: Ակնհայտ էր, որ «Բանանցի» սեփականատերը շատ ավելի խորքային խնդիրներ ու դիտավորություններ էր տեսնում:

Ցավոք, Չելոյանցի մտահոգությունները հաստատվեցին: Նոր սկանդալ ծագեց «Լոռի»-«Փյունիկ» խաղից հետո, երբ մրցավարը չնշանակեց այնպիսի 11 մետրանոց տուգանային հարված, որը չտեսնելու համար մրցավարն ու «շրջակայքում» գտնվող երկու օգնականները առնվազն մեջքով պիտի շրջված լինեին: Այնինչ խաղի մրցավարը բավական լավ դիրք էր զբաղեցրել դաշտում, և իրադարձությունները ծավալվեցին նրա աչքի առջև: Քիչ անց նա չհաշվեց «Փյունիկի» գոլը: Համաձայն ենք՝ այստեղ իրավիճակը միանշանակ չէր: Այդուամենայնիվ, այս ամենը նոր աղմուկի պատճառ դարձավ: «Փյունիկ» ակումբն ու վերջինիս սեփականատեր Արթուր Սողոմոնյանը փաստացի բաց տեքստով հայտարարում էին, որ վերջին մի քանի տուրերում «սկսեցին զարմանալի բաներ տեղի ունենալ, իսկ մրցավարական բոլոր սխալները ուղղված էին ի շահ մեկ թիմի»: Ակնհայտ է, որ խոսքը «ԱրարատԱրմենիա» ակումբի մասին է: Ի դեպ, սրա վերաբերյալ կուլիսներում շշուկներ ու կասկածներ էին պտտվում բավականին երկար ժամանակ, նույնիսկ մինչև «Բանանց»-«Փյունիկ» հանդիպումը: Հնչեցին նաև այլ կասկածներ, որոնց հակադարձեցին մասնավորաբար «Լոռին» ու «Արարատ-Արմենիան»: Ահա այս ամենի ֆոնին որոշվեց արտասահմանցի մրցավարներ հրավիրել: Սակայն հարցն այն է, որ մի կողմից որոշումը ուշացած է, մյուս կողմից՝ ոչ համակարգային, զուտ իրադարձային այսպիսի որոշումը վերջնականապես քանդում է հայաստանյան առանց այն էլ խախուտ մրցավարության հիմքերը՝ ընդունելով, որ մենք չունենք մրցավարներ, որոնք վստահելի են թե՛ պրոֆեսիոնալիզմի, թե՛, առավել ևս, անաչառության տեսակետից: Ֆեդերացիան ինքը պետք է եզրակացություններ անի նման վիճակի վերաբերյալ, քանզի եթե լուծումներ գտնելու փոխարեն փորձում են ակումբների հանդեպ «իշխանություն» բանեցնել, նրանց հետ խոսել մատ թափ տալով, արդյունքում ունենալու ենք նոր սկանդալներ: Այնինչ լսել է պետք ու գտնել լուծումներ: Ջայլամային քաղաքականությունը ոչ մի տեղ չի տանում: Ի դեպ, խոսքը վերաբերում է նաև խաղացանկի կազմմանը, ինչին առաջիկայում ամենայն մանրամասնությամբ կանդրադառնանք: Հիմա ուղղակի նշենք, որ արդեն իսկ կասկածելի է այն հանգամանքը, որ եռօրյա տուրի պայմաններում ակումբներից մեկը կամ երկուսն իրենց հանդիպումներն անցկացնում են որևէ տուրի վերջին ու հաջորդ տուրի առաջին խաղային օրը՝ ունենալով հանգստյան երկու, առավելագույնը՝ 3 օր: Սա՝ այն դեպքում, երբ որոշ ակումբներ կարող են ունենալ 4-5 հանգստյան օր: Համարենք, որ սա չհասկանալու կամ թափթփվածության արդյունք է, թեպետ մի քանի կրկնվող դեպքերը իրոք մտորելու տեղիք են տալիս: Եվ վերջապես, լավ կլինի, եթե ֆեդերացիան մյուս առաջնության համար բացառի աշխատանքային օրերին ցերեկային ժամերին խաղ նշանակելու արատավոր պրակտիկան, քանզի հատկապես ամռանն ուղղակի անհնար է ցերեկվա ժամը 1-3-ը խաղալ, մյուս կողմից, դրանով հաստատ չենք նպաստի ֆուտբոլի նկատմամբ հետաքրքրության մեծացմանն ու ֆուտբոլասերին մարզադաշտ բերելուն:

ԱՐՍԵՆ ՍԱՀԱԿՅԱՆ

website by Sargssyan