Գլխուղեղի սալջարդ ստացած դպրոցականը գիտակցության է եկել. 15-ամյա տղան Եղեգնաձորից հոսպիտալացվել էր Երեւան
ՀԱՍԱՐԱԿՈՒԹՅՈՒՆ
Օրեր առաջ Եղեգնաձորի թիվ 1 հիմնական դպրոցում դպրոցականների միջև վեճ ու ծեծկռտուք էր տեղի ունեցել, որի հետեւանքով երեխաներից մեկը ծանր մարմնական վնասվածքներ էր ստացել: Նրան ուղղաթիռով տեղափոխվել էին Երեւան՝ Սուրբ Աստվածամայր ԲԿ: Այս մասին տեղեկացնում է Սուրբ Աստվածամայր բժշկական կենտրոնի ֆեյսբուքյան էջը։
15-ամյա տղան ստացել էր գանգուղեղային վնասվածք, տեղափոխվել էր Եղեգնաձորի ԲԿ, որտեղ ցուցաբերվել էր առաջին բուժ.օգնություն, կատարվել էր ինտուբացիա, միացվել էր արհեստական շնչառություն, որից հետո տեղափոխվել էր Երևան
ԲԿ–ից տեղեկացնում են, որ տղայի մոտ ախտորոշվել էր փակ գանգուղեղային վնասվածք, գլխուղեղի սալջարդ, ձախ ակնակապճի ստորին պատի կոտրվածք, ձախակողմյան հեմոսինուս, թոքերի ինֆիլտրացիա: Բժշկական կենտրոն ընդունվելիս երեխայի ընդհանուր վիճակը գնահատվել էր շատ ծանր:
Այսօր արդեն տղայի կյանքին վտանգ չի սպառնում, արդեն գիտակից է: Ինքնազգացողությունը լավ է, տրամադրությունը՝ նույնպես: