Փոխառություններ, ավելի քան 11 միլիոն դրամ եկամուտ. վարչապետի գլխավոր խորհրդականի ունեցվածքը
ՀԱՍԱՐԱԿՈՒԹՅՈՒՆՎարչապետի գլխավոր խորհրդական Արամ Ղարիբյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018 թվականի տարեկան հայտարարագիրը:
Հայտարարագրում առկա «հարկային տարում ձեռքբերած և օտարած արժեթղթերը և այլ ներդրումները» ենթաբաժնում նշված է 20 000 000 ՀՀ դրամի մասին, որը նա ձեռք է բերել 2018 թվականին: Հայտարարատու պաշտոնատար անձի հարկային տարում հանձնած կամ վերադարձած փոխառությունները ենթաբաժնից էլ տեղեկանում ենք, որ 2018թ. հարկային տարվա վերջում փոխառության չափը կազմել է 16 000 000 ՀՀ դրամ, իսկ 17 000 դոլարը և 12 000 եվրոն հարկային տարում վերադարձվել են:
Արամ Ղարիբյանի դրամական միջոցները 2018թ. հարկային տարվա սկզբում կազմել են 20 000 000 ՀՀ դրամ, 22 000 ԱՄՆ դոլար և 27 000 եվրո: Հարկային տարվա վերջում դրամական միջոցները համապատասխանաբար կազմել են 1 800 000 ՀՀ դրամ, 23 500 դոլար և 27 000 եվրո: Ա. Ղարիբյանի եկամուտների հանրագումարը 2018 թվականին կազմել է 11 602 020 ՀՀ դրամ, որից 10 979 260 ՀՀ դրամը գոյացել է աշխատավարձից:
«Տրված փոխառությունների (վարկերի) դիմաց ստացված տոկոսը և այլ հատուցումը» բաժնում էլ նշված է 122 760 ՀՀ դրամ և 500 000 ՀՀ դրամ եկամտի մասին:
ԱՆՆԱ ԲԱԴԱԼՅԱՆ