Միգրացիայի միջազգային կազմակերպությունը պատրաստ է աջակցել ՀՀ կառավարությանը
ՔԱՂԱՔԱԿԱՆ
Միգրացիոն ծառայությունում այսօր հյուրընկալվել էր ՄԱԿ-ի Միգրացիայի միջազգային կազմակերպության (ՄՄԿ) Հարավարևելյան Եվրոպայի, Արևելյան Եվրոպայի և Կենտրոնական Ասիայի տարածաշրջանային տնօրեն Արգենտինա Սաբադոշը (նստավայրը՝ Վիեննա)։ Այս մասին հայտնում են ծառայության լրատվական բաժնից:
«Եվ ես կուզեի, որ մեր միջազգային գործընկերները նկատի ունենան մեր կարիքներն ու առաջնահերթությունները, որովհետև սովորաբար նրանք աշխատել են առանց հաշվի առնելու պետության օրակարգը, որը, կարծում եմ, վատ փորձառություն է»,-ասել է նա։
«Շնորհակալ ենք պատրաստակամության համար և բարձր ենք գնահատում ՄՄԿ-ՄԾ համագործակցությունը։ Փորձի փոխանակման տեսանկյունից կարևորում ենք մեր համագործակցությունը Վրաստանի հետ, քանի որ շատ գործընթացներ մեր երկրներում նման են. որոշ դեպքերում մենք ընդօրինակելու կետեր ունենք, որոշ դեպքերում՝ մեր գործընկերները մեզնից»,-ասել է Ա. Ղազարյանը՝ հավելելով, որ Ծառայությունը ձգտում է նոր, ստեղծարար մոտեցում ձևավորել ոլորտում և լիաույս է՝ ունենալու ավելի լավ փորձառություն, հնարավոր է նաև՝ լավագույնը տարածաշրջանում։
«Մենք ուրախ ենք արձանագրելու, որ Հայաստանում նոր, երիտասարդ և հավակնոտ կառավարություն է»,-նշել է Ա. Սաբադոշը։ ՄՄԿ տարածաշրջանային ղեկավարը կարևորել է ՀՀ-ԵՄ համապարփակ և ընդլայնված գործընկերության համաձայնագրի (ՀԸԳՀ/CEPA) պահանջները, ինչպես նաև 2018 թ-ին Մարաքեշում ստորագրված Անվտանգ, կանոնավոր և ապահով միգրացիայի գլոբալ հռչակագրի դրույթները՝ նկատելով, որ դրանք բավականին ընդհանուր ձևակերպումներ են և կիրարկվելու լայն հնարավորություններ են ընձեռում։ «ՀՀ կառավարության ծրագրում մի ամբողջական գլուխ կա՝ նվիրված միգրացիային, որը լիովին համահունչ է Ձեր նշած փաստաթղթերի բովանդակությանը»,-նշել է ՄԾ պետը։
Հանդիպմանը ներկա էին նաև ՄԱԿ ՄՄԿ հայաստանյան գրասենյակի ղեկավար Իլոնա Տեր-Մինասյանը և վրաստանյան գրասենյակի ղեկավար Սանյա Չելեբիկ Լուկովացը: