Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (22 ՀՈՒՆԻՍԻ). Սա­սուն Մի­քա­յե­լյա­նը 8 տ... ՀԱՍԱՐԱԿՈՒԹՅՈՒՆ
«Քա­րա­հուն­ջի» պե­ղում­նե­րի թնջու­կը.ի՞նչ է իրա­կա­նում կա... ՀԱՍԱՐԱԿՈՒԹՅՈՒՆ
Ի՞նչ եկամուտ, գույք և դրամական միջոց է հայտարարագրել Արարատ ... ՀԱՍԱՐԱԿՈՒԹՅՈՒՆ
Ին­չո՞ւ են վե­րա­դար­ձել դա­տարկ ճամպ­րուկ­նե­րով ՄԻՋԱԶԳԱՅԻՆ
Երևան, 25.Հունիս,
00
:
00
:
00
Փոխարժեք
478.65
$
560.79

Կհասկանա՞ արդյոք Վրաստանը ուղարկված մեսիջը

Նախօրեին հայտնի դարձավ, որ ՄԱԿ-ի գլխավոր ասամբլեան 73-րդ նիստում ևս մեկ անգամ ընդունել է Վրաստանի կողմից 2008 թվականից նախաձեռնած բանաձևը՝ Աբխազիայի և Հվ. Օսիայի փախստականների կարգավիճակի մասին: Հայաստանը, որը ամեն տարի բանաձևին դեմ էր քվեարկում, այս տարի առաջին անգամ չի մասնակցել այդ քվեարկությանը: Ի դեպ, բանաձևին կողմ է քվեարկել 79 երկիր, դեմ՝ 15-ը, իսկ 57 պետություն ձեռնպահ է մնացել: Հասկանալի է, որ այս բանաձևն ինքնին հակառուսական է, և այս քվեարկությունը բավական երկիմաստ է: Իհարկե, լավ կլինի, որ Վրաստանը հասկանա ՀՀ կողմից ուղարկված մեսիջը, սակայն գրեթե անհավանական է, որ Վրաստանը չստորագրի հակահայկական բանաձևերի տակ, ասենք՝ չի խրախուսի Ադրբեջանի ու Թուրքիայի հակահայկական քաղաքականությունը և տարվող դիվանագիտությունը:


Կա նաև հարցի երկրորդ ու ոչ պակաս կարևոր բաղադրիչ. որոշ քաղաքագետների կարծիքով, այս քվեարկությունը կարող է և որոշակի ազդեցություն ունենալ հայ-ռուսական առանց այդ էլ փխրուն հարաբերությունների վրա: Այս հանգամանքը ուշագրավ է հատկապես Նիկոլ Փաշինյանի՝ Սանկտ Պետերբուրգ կատարած այցի համատեքստում, քանզի հնարավոր է՝ այս մասին խոսակցություն լինի: Մեզ հետ զրույցում քաղաքագետներից մեկը, ով չցանկացավ իր անունը հրապարակել, նշեց, որ նման երկիմաստ քայլերի պարագայում կարևոր է կառուցել այնպիսի հարաբերություններ ու երկխոսություն ՌԴ-ի հետ, որպեսզի վերջնարդյունքում տուժողը մենք չլինենք:
website by Sargssyan