«Վիրաբուժական» միջամտություններ Լոռու մարզում
ՔԱՂԱՔԱԿԱՆՄենք պարբերաբար ահազանգեր ենք ստանում, որ Լոռու մարզում «Քաղպայմանագրի» գործելաոճը ոչնչով չի զիջում նախկին համակարգի արատավոր քայլերին։ Շատ են դժգոհությունները մասնավորաբար մարզպետ Անդրեյ Ղուկասյանի գործողություններից, որքան էլ վերջինս պարբերաբար այդ դժգոհությունների մեջ իր դեմ «դավադրություն» տեսնի «ընդդիմադիրների ու հակահեղափոխականների» կողմից։ Լոռու մարզպետը, ինչպես իշխանությունների կողմից նշանակված մարզպետների մեծ մասը, լուրջ ամբիցիաներ է ներկայացրել մարզն իր «բռում» ամբողջովին հավաքելու համար։ Նա մի քանի անգամ գործարար միջավայրի և վարչական ներկայացուցիչների հետ հանդիպումներում ակնարկել է մարզի «թիվ մեկը» և «ասողը» լինելու մասին։ Մարզպետը նաև ակտիվորեն ձեռնամուխ է եղել կրթության ոլորտում կադրային առավելագույն փոփոխություններ իրականացնելու գործում, մասնավորապես՝ նա դպրոցների կառավարման խորհուրդներում «վիրաբուժական» միջամտություն է ցուցաբերում և ամենուր իրեն հավատարիմ ու մերձավոր անձանց է նշանակում։