46 համարի երթուղու ուղևորափոխադրող ընկերությունը միայն նախազգուշացվել է, պայմանագիրը չեղարկելու իրավունք քաղաքապետարանը չունի. Հովսեփ Կուբատյան
ՔԱՂԱՔԱԿԱՆ46 համարի երթուղու ուղևորափոխադրող ընկերությանը միայն նախազգուշացվել է, նման դեպքեր հայտնաբերելու դեպքում քաղաքապետարանն իրավունք ունի չեղարկել պայմանագիրը ուղևորափոխադրող ընկերության հետ:
«Մինչ նոր տրանսպորտային համակարգի ներդրումը Երևանի քաղաքապետարանը զերծ է մնում ուղևորափոխադրողների հետ պայմանագրերի չեղարկումից և սահմանափակվում է միայն զգուշացումներով, քանի որ նման կտրուկ քայլերը միայն կվատացնեն գործող տրանսպորտային ցանցը»,-նշեց Հովսեփ Կուբատյանը:
Հարցին, թե արդյոք քաղաքապետարանն ուղևորափոխադրում կատարելու իրավունք տրամադրում է պատշաճ փաստաթղթերի առկայությունը և դրանց համապատասխանությունը ստուգելուց հետո միայն, Կուբատյանն ասաց, որ ՀՀ կառավարության կողմից սահմանված մրցութային կարգի համաձայն՝ Երևանի քաղաքապետարանը մրցույթում հաղթող ճանաչված կազմակերպությանը տալիս է երթուղին սպասարկելու իրավունք՝ մինչ այդ նշված կարգի պահանջներին համապատասխան փաստաթղթերը ուսումնասիրելուց և մրցույթին մասնակցելու հնարավորություն տալուց հետո:
Վերահսկողության մեխանիզմներն արդեն, ըստ նրա, պայմանագրով պետք է իրականացնի ուղևորափոխադրող ընկերությունը։ «Վերահսկողական մեխանիզմներ վերապահված են նաև ՀՀ ոստիկանությանը և տրանսպորտի տեսչությանը»,-ասաց նա։