Ո՞րն է Սամվել Կարապետյանի «սրացման» պատճառը ՔԱՂԱՔԱԿԱՆ
Խորհր­դա­րա­նը դե­ռևս ար­ձա­կուրդ չի գնա ՔԱՂԱՔԱԿԱՆ
Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (22 ՀՈՒՆԻՍԻ). Սա­սուն Մի­քա­յե­լյա­նը 8 տ... ՀԱՍԱՐԱԿՈՒԹՅՈՒՆ
«Քա­րա­հուն­ջի» պե­ղում­նե­րի թնջու­կը.ի՞նչ է իրա­կա­նում կա... ՀԱՍԱՐԱԿՈՒԹՅՈՒՆ
Երևան, 25.Հունիս,
00
:
00
:
00
Փոխարժեք
478.65
$
560.79

Քննիչ հանձնաժողով ստեղծելը Փաշինյանի գրպանում եղած «ջոկերներից» էր. Աշոտյան

Past.am

Ապրիլյան պատերազմի քննիչ հանձնաժողովի գործունեությունը միայն վնաս է տալու երկրի բանակին, հրամանատարական կազմի հետագա հնարավոր գործողությունները կաթվածահար է անելու: Այս մասին այսօր՝ հունիսի 12-ին, լրագրողների հետ զրույցում ասաց ՀՀԿ փոխնախագահ Արմեն Աշոտյանը:  Նրա խոսքով՝ հանձնաժողովը պատահական սկզբունքով է ձեւավորված, ֆրակցիաները պատահական սկզբունքով տվել են իրենց ներկայացուցիչներին.

«Մասնագիտացված չեն, բոլոր փորձերը հանձնաժողովի գործունեությունը ներկայացնել որպես փորձագիտական քննադատությանը չեն դիմանում, որովհետեւ ԱԺ-ն ինքն իրենով քաղաքական մարմին է: Քաղաքական մարմնի քննիչ հանձնաժողովը չի կարող լինել փորձագիտական ի բնե: Եթե կան բացահայտելու բաներ, այսօրվա իշխանությունը ունի բոլոր լծակները՝ ԱԱԾ, ոստիկանություն, դատախազություն եւ այլն՝ բացահայտելու ապրիլյան պատերազմի ժամանակ եղած խնդիրները, առանց քննիչ հանձնաժողով ստեղծելու»,- ասաց Աշոտյանը եւ նշեց, որ հաղթած պատերազմից հետո քննիչ հանձնաժողով չեն ստեղծում:

«Ապրիլյան պատերազմը հաղթանակած պատերազմ է: Մնացած բոլոր կարծիքներն այս հարցով ինձ համար շատ մոտ են պետական դավաճանության ընկալումներին: Քննիչ հանձնաժողով ստեղծելու նպատակ է քաղաքականացնել պրոցեսը ի սկզբանե դա Նիկոլ Փաշինյանի գրպանում եղած «ջոկերներից» մեկն էր, որ նա պատրաստվում էր ու խաղարկեց այդ դեպքում նաեւ Սերժ Սարգսյանի դեմ, հնարավոր զարգացումների պարագայում: Ուզո՞ւմ եք քննություն, ուզո՞ւմ եք ինչ-որ հարցեր հասկանալ, ի սեր Աստծո, ամեն ինչ ձեր տակ է, ձեզ մոտ է հասկացեք դա առանց հարցականի դնելու այն քաղաքական ձեռքբերումը որն ունեցավ հայ ժողովուրդը եւ հայ պետությունը»,- ասաց նա եւ ավելացրեց, որ գործող իշխանությունը բարեփոխումներ իրականացնելու փոխարեն՝ մեղավորներ է փնտրում և պատասխանատվությունը գցում այլոց վրա.

«Այսօր թիրախում են դատարանները, երեկ թիրախում էր Աբովյան քաղաքը, 2 օր առաջ ԵՊՀ-ն, մի քանի ամիս առաջ թիրախում էր Ազգային Ժողովը: Անվերջ այս փնտրտուքը մեղավորների, ոսոխների այլոց վրա պատասխանատվություն գցելու այդ գայթակղությունը մի օր պե՞տք է վերջանա: Էնքան գրեցիք, թողեք աշխատեն՝ թողել ենք իրենք աշխատեն, մենք թողել ենք՝ իրենք չեն աշխատում»,- ասաց Աշոտյանը:

 

website by Sargssyan