2019 թվականի առաջին կիսամյակում 98 վարորդներ ոչ սթափ վիճակու... ՀԱՍԱՐԱԿՈՒԹՅՈՒՆ
ՀՀ քաղաքացու համար վերացվել է ՌԴ մուտք գործելու արգելքը․ ՄԻՊ... ՔԱՂԱՔԱԿԱՆ
Հակառակորդը հրադադարի ռեժիմը մեկ շաբաթվա ընթացքում խախտել է ... ՀԱՍԱՐԱԿՈՒԹՅՈՒՆ
ՌԴ-ն չի հանձնի Միհրան Պողոսյանին. Դատախազություն ՔԱՂԱՔԱԿԱՆ
Վանաձոր-Ալավերդի-Բագրատաշեն ճանապարհահատվածը բեռնատարների հա... ՀԱՍԱՐԱԿՈՒԹՅՈՒՆ
Երևան, 20.Օգոստոս,
00
:
00
:
00
Փոխարժեք
478.65
$
560.79
Հետաքրքրություն ներկայացնող ընկերությունների մեծ մասը զգալիորեն ավելացրել է բյուջե վճարված հարկերը. Փաշինյան «Մանչեսթեր Յունայթեդը» միավորներ կորցրեց (տեսանյութ, ֆոտո) Ողջունելի է, որ Կարմիր Խաչի ներկայացուցիչներն այցելել են ռազմագերի Արայիկ Ղազարյանին․ Արցախի ՄԻՊ Մաշտոց-Կորյուն խաչմերուկում «Mercedes»-ը դուրս է եկել երթևեկելի հատվածից և բախվել ծառին․ ուղեւորը հոսպիտալացվել է «Շիրակ» օդանավակայանում «Պոբեդա» ավիաընկերության ինքնաթիռը վայրէջք կատարելիս ետնամասով հպվել է վազքուղուն 64-ամյա կինը խոստովանել է, որ ինքն է խանութի հաճախորդի պայուսակից դրամապանակ գողացել Ծեծկռտուք Բաղրամյան պողոտայում․ կան բերման ենթարկվածներ Ֆրանսիան կողմ է Իրանի միջուկային ճգնաժամի շուրջ լարվածության նվազեցմանը Ոստիկանություն բերված 3 անձ, այդ թվում՝ ԲԿ տեղափոխվածը, ոստիկանների գործողությունների վերաբերյալ հաղորդում են ներկայացրել. ՄԻՊ Զենիթի պաշտպանը տեղափոխվեց Ալաշկերտ «Բնապահպանության շահն էլ պետք է հավասարակշռված լինի». Նիկոլ Փաշինյանն անդրադառնում է Ամուլսարի շահագործման հարցին. ուղիղ ՀՀ պաշտպանության նախարարը մասնակցել է «Միջազգային բանակային խաղեր-2019» մրցաշարի փակման արարողությանը ԱԺ-ի մոտից բերման ենթարկված վեց քաղաքացիներն ազատ արձակվեցին (տեսանյութ) Ոստիկանության պահանջն ապօրինի էր, մենք իրավունք ունեինք փողոց փակելու, ինչպես սովորացրել է ներկայիս վարչապետը. բերման ենթարկված քաղաքացի ՀՀ ԶՈւ գլխավոր շտաբի պետն այցելել է հյուսիսարևելյան սահմանագոտի

Սննդի վե­րահս­կո­ղու­թյան ոլոր­տում պետք է ավե­լա­նան պատ­ժիչ գոր­ծիք­նե­րը

Շուկայում հայտնաբերվել է թթվասերի մի քանի տեսակ, որոնցում եղել է բուսական յուղ: Բացի դա, լրատվամիջոցներից մեկը փորձաքննության էր ուղարկել պանրի տեսակներ, որոնցում հակաբիոտիկներ չէին հայտնաբերվել, մեկում հայտնաբերվել էր բուսական յուղ, սակայն բացակայել էր համապատասխան մակնշումը:

«Իրազեկ և պաշտպանված սպառող» հ/կ-ի նախագահ Բաբկեն Պիպոյանը «Փաստի» հետ զրույցում նշում է, որ կաթնամթերքի շուկան շարունակում է մնալ խնդրահարույց, և այստեղ երկրորդ կարծիք լինել չի կարող: «Այդուհանդերձ, պետք է նկատենք մի շարք խնդիրներ ևս, որոնք ոչ միայն կաթնամթերքի շուկային են վերաբերում, այլ ոլորտում առկա գործիքներին: Անդրադառնամ ամենակարևոր խնդիրներից մեկին:

Եթե դիտարկում ենք վերջին հետազոտությունների համադրությունները, ապա տեսնում ենք, որ հետազոտություն իրականացնող կողմը նույն ապրանքը հանձնել էր տարբեր լաբորատորիաներ և ստացել տարբեր պատկեր. մի լաբորատորիայում ստուգել էին թթվասերի 12 տեսակ և ասել, որ դրանցից ոչ մեկը բուսական յուղ չի պարունակում, իսկ մյուս լաբորատորիան ստուգումներից հետո հայտարարել էր, որ որոշ տեսակներ պարունակում են բուսական յուղ: Սա խոսում է այն գործիքի մասին, որ գործունեություն ծավալող ընկերությունները, մեղմ ասած, կարողանում են շահարկել այն խնդիրները, որոնք հայտնաբերվում են վերահսկողության արդյունքում: Այո, հայտնաբերողը՝ դա կլինի առաձին, թե պետական վերահսկողությունը, չի ունենում խնդիր իր հայտնաբերած նյութի հետ, բայց մյուս կողմից՝ լաբորատորիաները, որոնք տալիս են եզրակացություններ, այսպես ասած, մեկը մյուսի վրա են բարդում սխալը, և շատ դեպքերում վերջնական արդյունքում մոլորության մեջ է հայտնվում սպառողը: Սա ինքնին խոսում է այն մասին, որ պետությունը պետք է գործիքներ կիրառի, որպեսզի լաբորատոր ոլորտում բացառի առկա խնդիրները», - ասում է Պիպոյանը:

Նա նշում է՝ ոլորտում նկատվում է թե՛ դրականը, թե՛ բացասականը: «Դրականն այն է, որ պետական վերահսկողությունը չի խուսափում հանրության հետ համատեղ իրականացնել միջոցառումներ և հանձն առնել ոչ թե տնտեսվարողների պաշտպանությունը, այլև հանրային վերահսկողության հետ արձանագրել առկա թերությունները՝ չխուսափելով նկատել նաև սեփականը: Մյուս կողմից էլ՝ մի ոլորտում իրականացնում ենք ստուգումներ և դրանց արդյունքում հայտնաբերում ենք բազմաթիվ խնդիրներ, դրանք հանրային իրազեկման դաշտ ենք տանում, իրազեկման գործընթացն ավարտվում է, պետությունն ուրախանում է, որ կա հանրային վերահսկողություն, բայց այս պարագայում նա պետք է պատժիչ գործիքները ավելացնի», - նշում է հ/կ-ի նախագահը:

Նա հավելում է՝ սննդամթերքի անվտանգության տեսչական մարմինը շուկայում հայտնաբերում է առանց մակնշման, սպառողին ապակողմնորոշող ապրանք և արձանագրում խախտումը: «Բայց միշտ ասել եմ կեղծվածության, սննդի սխալ մակնշման համար պատժամիջոց պետք է կիրառի ոչ թե ՍԱՏՄ-ն, այլ՝ տնտեսական մրցակցության պաշտպանության պետական հանձնաժողովը՝ որպես սպառողի մոլորեցում: Ինչո՞ւ պետք է պատժամիջոցները կիրառի ՏՄՊՊՀ-ն. քանի որ այս դեպքում տուգանքներն ավելի մեծ են, քան ՍԱՏՄ-ի պարագայում: Մի քանի տարի առաջ, օրինակ, այդ հանձնաժողովը մինչև 50 միլիոն դրամի տուգանքներ էր նշանակել: Սննդամթերքի անվտանգության տեսչական մարմինը, եթե խնդիրը դիտարկի որպես զուտ մակնշման պրոբլեմ, տուգանում է տնտեսվարողին 300 հազար դրամով: 

Այստեղ պետք է անպայման պարզել՝ ՍԱՏՄ-ն իր հայտնաբերած խնդիրները ներկայացրե՞լ է ՏՄՊՊՀ-ին, թե՞ ոչ՝ հասկանալու համար պետական երկու կառույցների միջև առկա խնդիրները: Բացի դա, պետք է պարզել՝ մրցակցային մարմինը որպես իր տիրույթի խնդի՞ր է դիտարկել հանրային վերահսկողության արդյունքում հայտնաբերված կեղծիքները՝ առանց սպասելու պետական մյուս կառույցներից մեկնաբանման: Այս ամենը պետք է իրականացնել՝ հասկանալու համար կարո՞ղ ենք ակնկալել լավ արդյունք, թե՞ հույսներս պետք է դնենք հանրային իրազեկման և տնտեսվարողի բարեխղճության բաղադրիչների վրա», - ասում է Պիպոյանը:

ԼՈՒՍԻՆԵ ԱՌԱՔԵԼՅԱՆ

website by Sargssyan