Իրանում մեկ օրում գրանցված երկրորդ երկրաշարժը զգացվել է նաև ... ՀԱՍԱՐԱԿՈՒԹՅՈՒՆ
«Զվարթնոց» օդանավակայանում վտանգավոր ոչինչ չի հայտնաբերվել. ... ՀԱՍԱՐԱԿՈՒԹՅՈՒՆ
Ջերմաստիճանը շարունակում է բարձրանալ. Առաջիկա 5 օրերի եղանակ... ՀԱՍԱՐԱԿՈՒԹՅՈՒՆ
ՏԵՍԱՆՅՈՒԹ. «Զվարթնոց»-ում իրականացվում են ռումբի որոնողական ... ՎԻԴԵՈ
«Սնիկերս», «Մարս», «Էմ ընդ Էմս»-ը՝ մինչև 260 դրամ. թանկացում... ՏՆՏԵՍՈՒԹՅՈՒՆ
Երևան, 24.Փետրվար,
00
:
00
:
00
Փոխարժեք
478.65
$
560.79
ԱԻՆ-ը հրապարակել է Տավուշի մարզում ողբերգական վթարից մահացածների անունները Ոստիկանությունը տեսանյութ է հրապարակել Էջմիածնում կատարված սպանության դեպքից 37 ավտովթար՝ երեք օրում. զոհվել է երկու, վիրավորվել՝ 57 մարդ Դիեգո Սիմեոնեն՝ «Բավարիայի» գլխավոր մարզիչի թեկնածու Զոդի կամրջի վրա տեղի ունեցած վթարի գործով առաջին դատական նիստը հետաձգվեց․ տուժողի իրավահաջորդները բորբոքված են Շմոլ գազից թունավորում Մալաթիա-Սեբաստիայում. Հիվանդանոց է տեղափոխվել 5 անձ, որից մեկը 2 տարեկան երեխա է Խոշոր ու ողբերգական վթար Տավուշում. «ՎԱԶ 2107»-ը մխրճվել է «ՄԱԶ» բեռնատարի մեջ. կա 1 զոհ, 7 վիրավոր (ֆոտո) Ենոքավանում քաղաքացու վրա հարձակված վայրի կենդանին հովազ չի եղել Համագյուղացուն սպանելուց հետո փորձել է սպանել նաեւ նրա կնոջը. կրակել է նաեւ 6 եւ 12 տարեկան երեխաների ուղղությամբ Փարվանա գետի մոտ տեղաշարժը խստիվ արգելվում է «Հիմա պատերազմի դաշտում ենք. հաջորդ քայլը Սպիտակ տունն է». Րաֆֆի Համբարյանը՝ Ցեղասպանությունը ճանաչելու մասին Իջեւանի ավտոդպրոցի մոտ «Opel»-ն ամբողջությամբ այրվել է Վթար Արշակունյաց պողոտայում. Բախվել են «BMW X6»-ն ու «Mercedes C»-ն. Կան վիրավորներ ՏԵՍԱՆՅՈՒԹ. Զինծառայող է վիրավորվել Սպասվում են տեղումներ թաց ձյան տեսքով Գագիկ Սուրենյանն էլ փակում է Հայաստան-Իրան օդային սահմանը՝ անգամ տաք օդային հոսանքների համար

Քոչարյանի ներկայացուցիչը հրաժարվեց հայցից, Փաշինյանի փաստաբանը հայցվորից 650.000 դրամ պահանջեց

Past.am

ՀՀ երկրորդ նախագահ Ռոբերտ Քոչարյանի ներկայացուցիչ, փաստաբան Հայկ Ալումյանը քիչ առաջ Նիկոլ Փաշինյանի դեմ հայցից հրաժարվելու վերաբերյալ գրավոր միջնորդություն ներկայացրեց դատարանին։ Երևան քաղաքի դատարանի Քանաքեռի նստավայրում Հայկ Ալումյանը հայտարարեց, որ հայցվոր կողմն ամբողջությամբ հրաժարվում է հայցից:

Փաստաբանի միջնորդությունից հետո դատարանն անդրադարձավ դատական ծախսերի բաշխման հարցին։

Պատասխանողի ներկայացուցիչ Գևորգ Գյոզալյանը հայտարարեց, որ երեկ խորհրդակցել է իր վստահորդի՝ Նիկոլ Փաշինյանի հետ, և պնդում են, որ դատարանը դատական ակտում անդրադառնա նաև փաստաբանի խելամիտ վարձատրության հարցին և հոգուտ պատասխանողի՝ հայցվորից բռնագանձի 650.000 դրամ՝ փաստաբանական ծախսերի համար։ Հայցվորի ներկայացուցիչ Հայկ Ալումյանը խոսքով, սակայն, պահանջած գումարի չափը ողջամիտ չէ։

Այսպիսով՝ դատարանը գործի քննությունը համարեց ավարտված։ Գործով դատական ակտը կհրապարակվի հունիսի 24–ին։

Նշենք, որ նախորդ դատական նիստում Ալումյանը հայտարարել էր, որ եթե իրենց դատավարական  հակառակորդը հայտարարի, որ այս հայտարարությամբ  Փաշինյանը նկատի չի ունեցել  Ռոբերտ Քոչարյանին, ապա իրենք կհրաժարվեն հայցից։

Փաշինյանի ներկայացուցիչ Գյոզալյանն էլ իր վստահորդի անունից հայտարարեց, որ Փաշինյանի կողմից արված արտահայտությունները չեն վերաբերվել Ռոբերտ Քոչարյանին։

Նշենք, որ ՀՀ երկրորդ նախագահ Ռոբերտ Քոչարյանը 2018 թվականի սեպտեմբերի 17-ին դիմել էր Երևան քաղաքի դատարան՝ հրապարակայնորեն արտահայտված զրպարտությունից պատիվը եւ արժանապատվությունը պաշտպանելու պահանջով: Հայցադիմում ներկայացնելու առիթը Ֆրանսիայի Հանրապետություն կատարած աշխատանքային այցի ժամանակ Նիկոլ Փաշինյանի հրապարակային հայտարարությունն է՝  ԱԱԾ տնօրեն Արթուր Վանեցյանի եւ ՀՔԾ պետ Սասուն Խաչատրյանի հեռախոսազրույցի վերաբերյալ: Հայցվոր կողմը զրպարտություն է համարում Փաշինյանի զրույցի հետեւյալ հատվածը. «Կամ թեկուզ Ռոբերտ Քոչարյանին ազատ արձակելու մեկնաբանությունը: Ասում է՝ անձեռնմխելի է: Ի՞նչ է նշանակում անձեռնմխելի: Այսինքն, կարելի է մարդկանց սպանությունը կազմակերպել ու ասել. «Ես անձեռնմխելի՞ եմ»: Այդ որտե՞ղ է այդպես գրած»:

Այս հայտարարությունը Փաշինյանն արել էր Ռոբերտ Քոչարյանին անձեռնմխելիության հիմքով ազատ արձակելու Վերաքննիչ դատարանի որոշումից օրեր անց։

website by Sargssyan