Ֆրանսիան ԵՄ-ին կոչ է արել գագաթաժողովում քայլեր ձեռնարկել Թո... ՄԻՋԱԶԳԱՅԻՆ
Վարչապետ Նիկոլ Փաշինյանը ժամը 21:00-ին ուղերձով դիմելու է ժո... ՔԱՂԱՔԱԿԱՆ
Փորձագետը պատմել է գաղտնալսման հիմնական նշանների մասին ՀԱՍԱՐԱԿՈՒԹՅՈՒՆ
Հակառակորդը դիվերսիոն ներթափանցման փորձեր է իրականացնում Ասկ... ՀԱՍԱՐԱԿՈՒԹՅՈՒՆ
Դասալքությունն այսուհետ պատժվելու է 8-15 տարի ազատազրկմամբ ՔԱՂԱՔԱԿԱՆ
Երևան, 28.Հոկտեմբեր,
00
:
00
:
00
Փոխարժեք
478.65
$
560.79
Charlie Hebdo-ն Էրդողանի ծաղրանկարն է հրապարակել Թրամփը հուսով է, որ Պարսից ծոցի բոլոր երկրները կհամաձայնեն Իսրայելի հետ հարաբերությունների կարգավորմանը Ոչնչացվել է Ադրբեջանի ԶՈՒ փոխգնդապետը՝ «Կոբրա» մականվամբ Ֆրանսիան ԵՄ-ին կոչ է արել գագաթաժողովում քայլեր ձեռնարկել Թուրքիայի դեմ Պուտինը Էրդողանի հետ քննարկել է Լեռնային Ղարաբաղի հակամարտության գոտում իրադարձությունների զարգացումը Հայաստանի ՊՆ․ Պաշտպանության բանակի հարվածները թշնամուն ստիպում են փախչել անտառային գոտիներ Հայաստանի ՊՆ. Որոտան գետի երկայնքով ստեղծվել է ճակատ, հակառակորդի գրոհները հետ են մղվել Արցախի ՊԲ-ն ունի բավարար չափով զենք իր առաջ դրված խնդիրները լուծելու համար. Նիկոլ Փաշինյան Հոկտեմբերի 27-ի ժամը 15․00-ի դրությամբ հայտնաբերվել է արգելված հրապարակումների 214 դեպք Թշնամին փորձել է առաջանալ դեպի Բերձոր և ՀՀ սահման, բայց հաջողություն չի ունեցել. ՊՆ Իրավիճակը շփման գծում. Արծրուն Հովհաննիսյանի ճեպազրույցը Թույլ չենք տալու ներքին եւ արտաքին որեւէ ուժի կասկած սերմանել ազատ եւ երջանիկ մեր ապագայի նկատմամբ. Փաշինյան Ադրբեջանը վերջապես, թուրքերից ու վարձկան-ահաբեկիչներից բացի, ևս մեկ ռազմավարական գործընկեր է գտել. Արման Վարդանյան Անհրաժեշտ պահին ճշգրիտ հասցված հակահարվածը հակառակորդի համար կործանարար փլուզման էֆեկտ է ունենալու. Փաշինյան Հայերն ու ադրբեջանցիներն արժանի են ապրել խաղաղության մեջ. Պոմպեո Բազմաթիվ նամակներ ենք ստանում ջոկատին կամավորագրվելու ցանկություն ունեցող մեր հայրենակցուհիներից․ Աննա Հակոբյան Վարչապետ Նիկոլ Փաշինյանը ժամը 21:00-ին ուղերձով դիմելու է ժողովրդին. խոսնակ Ախալքալաքում մահացել է Հայրենական մեծ պատերազմի ամենատարեց վետերան Սամսոն Հովհաննիսյանը Որքանո՞վ է իրագործելի Ղարաբաղում Կոսովոյի սցենարը. փորձագետի պարզաբանումը Լավրովն ու Չավուշօղլուն հայտարարել են Լեռնային Ղարաբաղում հրադադարի անհրաժեշտության մասին

Ի՞նչ իրավունքներից են օգտվում պարտադիր և ժամկետային զինծառայողները

«Զինվորական ծառայության և զինծառայողի կարգավիճակի մասին» ՀՀ օրենքը կարգավորում է զինվորական բոլոր տեսակի ծառայությունների հետ կապված հարցերը:

«Փաստի» հետ զրույցում փաստաբան Նաիրա Ալավերդյանը նշում է, որ թե՛ զինծառայողների, թե՛ նրանց ընտանիքների անդամների համար կան սահմանված կոնկրետ իրավունքներ, սոցիալական երաշխիքներ և արտոնություններ: Քանի որ թեման բավականին ընդգրկուն է, անդրադառնում ենք մի քանի՝ ամենակարևոր հարցերին:

Ալավերդյանը նշում է, որ զինծառայողները, ինչպես նաև նրանց ընտանիքների անդամները պետբյուջեի միջոցների հաշվին ապահովվում են որակյալ բժշկական օգնությամբ` համապատասխան գերատեսչական ռազմաբժշկական հաստատություններում:

«Այլ բժշկական հաստատություններում զինծառայողները և նրանց ընտանիքների անդամները բժշկական օգնություն և սպասարկում ստանում են կառավարության սահմանած կարգով: ՀՀ պաշտպանության մարտական գործողություններին մասնակցելիս, մարտական հերթապահություն, հատուկ առաջադրանք կամ ծառայողական պարտականություններ կատարելիս վնասվածք, խեղում կամ դրանց հետևանքով հիվանդություն ստացած զինծառայողներն օգտվում են պետբյուջեի միջոցների հաշվին երկարաժամկետ վերականգնողական ծրագրերից:

Բացի դա, եթե այդ բուժումն անհնար է իրականացնել Հայաստանում, ապա նրանք կարող են պետբյուջեի հաշվին բուժում ստանալ կամ հետազոտություն անցնել օտարերկրյա պետությունում, ընդ որում՝ եթե այնտեղ զինծառայողի բուժումը կազմակերպելու համար անհրաժեշտ է ուղեկցող անձի ներկայություն, հատուցվում է նաև նրա ճանապարհածախսը և կեցությունը: 

Սակայն նշեմ, որ այս իրավունքից չեն օգտվում այն զինծառայողները, որոնց վնասվածքը կամ հիվանդությունը նրա կողմից կատարված կանխամտածված օրինազանցության հետևանք է: Խոսքը միջանձնային կոնֆիլկտների ժամանակ արձանագրված դեպքերի մասին է», - ասում է փաստաբանը:

Նա նշում է՝ զինծառայողների բնակարանային ապահովության խնդիրը ևս պետության ուշադրության ներքո է: «Պայմանագրային զինծառայողները ծառայության վայրում բնակարանային պայմանների բարելավման կարիք ունենալու դեպքում ապահովվում են ծառայողական բնակարաններով: Բնակարանով չապահովվելու դեպքում պայմանագրային զինծառայողներին վճարվում է դրամական փոխհատուցում՝ վարձակալությամբ բնակվելու համար: Նշեմ, որ սպայական կազմի պայմանագրային զինծառայողները կարող են բնակարան, բնակելի տուն ձեռք բերելու կամ կառուցելու համար օգտվել մատչելի և արտոնյալ պայմաններով երկարաժամկետ հիպոթեքային վարկավորման պետական ծրագրերից», - ասում է Ալավերդյանը:

Նա հավելում է, որ զինվորական ծառայությունից երկարամյա զինվորական կենսաթոշակի իրավունքով արձակված և որպես բնակարանային ապահովության իրավունք ունեցող հաշվառված նախկին զինծառայողներին, որոնց զինվորական ծառայության ընթացքում անհատույց սեփականության իրավունքով բնակարան, ֆինանսական աջակցություն կամ տնամերձ հողամաս չի տրամադրվել` 2019 թվականի հունիսի 1-ից մինչև 2020 թվականի դեկտեմբերի 1-ը կտրամադրվի անհատույց պետական ֆինանսական աջակցություն` բնակարանի գնման վկայագրերի միջոցով: «Առաջնահերթությունը կտրվի նախ սահմանամերձ բնակավայրեր ունեցող մարզերին, այնուհետև՝ մյուս մարզերին և Երևանին: Ի դեպ, բնակարանային գործերում առկա փաստաթղթերը թարմացնելու համար առաջարկվում է Տավուշի, Վայոց ձորի և Սյունիքի մարզերում հաշվառված շահառուներին` մինչև հունիսի 28-ը ներկայանալ ՀՀ ՊՆ զինծառայողների սոցիալական պաշտպանության վարչություն և ներկայացնել համապատասխան փաստաթղթերը»,  - տեղեկացնում է մեր զրուցակիցը:

Նա անդրադառնում է ևս մեկ կարևոր հարցի՝ զինծառայողների` կրթություն ստանալու երաշխիքներին: «Պետությունը երաշխավորում է ժամկետային պարտադիր զինվորական ծառայության ժամանակ ծառայողական պարտականությունները կատարելիս 1-ին կամ 2-րդ խմբի հաշմանդամության զինվորական կենսաթոշակի իրավունք ունեցող նախկին զինծառայողների, ինչպես նաև զոհված (մահացած) զինծառայողների մինչև 27 տարեկան զավակների ընդունելությունը հավատարմագրված ուսումնական հաստատություններ` ընդհանուր մրցույթից դուրս, առանձին մրցույթով, քննությունները դրական միավորներով հանձնելու դեպքում, ընդ որում՝ պետբյուջեի միջոցների հաշվին», ասում է փաստաբանը:

Ալավերդյանն ընդգծում է՝ զինծառայողները մի շարք իրավունքներ ունեն, արտոնություններ, ինչպես, օրինակ, հաշմանդամության զինվորական կենսաթոշակ ստացող նախկին զինծառայողները, ինչպես նաև զինվորական ծառայության ժամանակ ծառայողական պարտականությունները կատարելիս զոհված (մահացած) զինծառայողի ընտանիքի` կերակրողին կորցնելու դեպքում զինվորական կենսաթոշակի իրավունք ունեցող անդամներն օգտվում են ջրահեռացման և աղբահանության վարձերը 50 տոկոս զեղչով վճարելու իրավունքից: Բայց, ինչպես նշում է փաստաբանը, շատերն ուղղակի տեղյակ չեն իրենց իրավունքներից, իսկ դրանցից օգտվելու լավագույն տարբերակը իրազեկված լինելն է:

ԼՈՒՍԻՆԵ ԱՌԱՔԵԼՅԱՆ

website by Sargssyan