Շաբաթօրյա գրական ընթերցումներ «Փաստ» օրաթերթից ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (20 ՀՈՒԼԻՍԻ)․ Խորհր­դա­րա­նն իր առա­ջին ն... ՀԱՍԱՐԱԿՈՒԹՅՈՒՆ
Հա­յաս­տա­նը Եվ­րո­մի­ու­թյան և ԵԱՏՄ-ի մի­ջև ընտ­րու­թյան հա... ՄԻՋԱԶԳԱՅԻՆ
Ավտոմեքենան վաճառել է, իսկ դրամական միջոցներն ավելացել են ՀԱՍԱՐԱԿՈՒԹՅՈՒՆ
Հա­յաս­տա­նցի մաս­նա­գետն ար­տերկ­րում դա­սա­խո­սու­թյուն կկ... ՀԱՐՑԱԶՐՈՒՅՑ
Երևան, 23.Հուլիս,
00
:
00
:
00
Փոխարժեք
478.65
$
560.79
Եվրոպային դժոխային տապի երկրորդ ալիք է սպասվում Երևանի մետրոպոլիտենի կայարանների անվանումները կլինեն նաեւ անգլերեն Պրոֆեսիոնալ դիմահարդար Մանե Սահակյանը Master Class էր կազմակերպել (տեսանյութ) Ծեծկռտուք՝ Ստեփանակերտի կենտրոնական շուկայի մոտ. բերման ենթարկվածներից ոմանք վնասվածքներ են ունեցել Արարատ գյուղում կայանված մեքենայի եւ կոմբայնի անվադողեր են այրվել «Բարսելոնայի» վերջին մարզումը «Չելսիի» դեմ խաղից առաջ (ֆոտո) 27-ամյա տղամարդը, որը Նոր Արեշում սպանել էր մորը, վնասվածքներ պատճառել հորը և ինքնավնասում կատարել, դատարանի որոշմամբ՝ կալանավորվել է. Shamshyan.com c ԵԼ․ «Արարատ-Արմենիայի» նախախաղային մարզումը (ֆոտո) 26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել ՃՈ -ն ուժեղացված ծառայություն է իրականացրել. 164 մեքենա տեղափոխվել է պահպանվող հատուկ տարածք Լողավազանում լողալիս անզգուշությամբ հարվածել է 16-ամյա պատանու գլխին. Նրան տեղափոխել են հիվանդանոց Մոսկվայում կնոջ գլխատված մարմին են հայտնաբերել Խոշոր չափերով կաշառք ստանալու համար ՀՀ գլխավոր դատախազի պաշտոնակատարի կողմից ավագ դատախազը ներգրավվել է որպես մեղադրյալ 5 հոգով խանութի դուռը լինգով բացելիս են եղել, բայց ոստիկանները վրա են հասել

«Մարդիկ հաճախ չեն տեսնում, թե ինչ հաջողությամբ է Սորոսը վերաձևում իրենց երկիրը»

eadaily.com-ը «ԱՄՆ-ում «հակաքրիստոս» անվանված Սորոսը թափանցել է Հայաստանի իշխանության մեջ» վերնագրով հոդվածում գրում է, որ Ամերիկյան Fox News Такер հեռուստաընկերության հաղորդավար Կարլսոնը, որը հայտնի է որպես ներկայիս Սպիտակ տան տիրոջ համախոհ, հունիսի 10-ին հայտարարել է, որ ֆինանսիստ և միլիարդատեր Ջորջ Սորոսը իր հարստությունը օգտագործում է արմատական գաղափարախոսություն ներդնելու համար: Ըստ նրա, «մարդիկ հաճախ չեն տեսնում, թե ինչ հաջողությամբ է Ջորջ Սորոսը վերաձևում իրենց երկիրը, բայց պետք է հասկանալ դա»:

Լրագրողը նաև մատնանշել է Ֆիլադելֆիայի նահանգային դատախազի՝ վերջերս կայացած ընտրությունը՝ որպես Սորոսի ազդեցության ապացույց. «Ֆիլադելֆիայում Սորոսը սատարել է Լարրի Կրասներին, և սպանությունների թիվը այնտեղ վերջին տասնամյակում ամենաբարձրն է»: Նյու Յորքի նախկին քաղաքապետ Ռուդոլֆ Ջուլիանին, որը ԱՄՆ-ի նախագահ Դոնալդ Թրամփի վստահելի անձն է, նախկինում Ջորջ Սորոսին անվանել է «հակաքրիստոս»:

Ամերիկյան միլիարդատիրոջ կողմից ֆինանսավորվող «Բաց հասարակության հիմնադրամը» (Սորոսի հիմնադրամ) գործում է նաև Հայաստանում, սակայն այն արգելված է մի շարք երկրներում, այդ թվում՝ Հայաստանի ռազմավարական դաշնակից Ռուսաստանում: Այսպիսով Հայաստանում Սորոսի կառույցները երկար տարիներ գործում են առանց սահմանափակումների և իրականացնում են տարբեր դրամաշնորհային ծրագրեր: Սորոսի հիմնադրամի հետ համագործակցող շատ մարդիկ ակտիվորեն մասնակցել են անցյալ գարնանը հանրապետությունում տեղի ունեցած թավշյա հեղափոխությանը և դրան հաջորդած քաղաքական գործընթացներին, չնայած նրան, որ հիմնադրամի իրականացրած ծրագրերը, կարծես թե, ապաքաղաքական բնույթ ունեն: 

Սորոսի հիմնադրամի ջանքերը Ուկրաինայում և Վրաստանում փաստացի բերել են պետական հեղաշրջումների, որոնց արդյունքում այդ երկրներում արևմտամետ, ամերիկամետ ուժերը իշխանություն են ստացել և սկսել հակառուսական քաղաքականություն վարել:

Ջորջ Սորոսը համարվում է ԱՄՆ-ի հետախուզության ֆինանսական սյուներից մեկը այն երկրներում, որտեղ Միացյալ Նահանգները ձգտում է քաղաքական ռեժիմի փոփոխություն իրականացնել՝ օգտագործելով «վերահսկվող քաոսի» տեխնոլոգիան: Սորոսի հիմնադրամը արևմտյան երկրների նմանատիպ այլ ոչ կառավարական կազմակերպությունների շարքում համարվում է հետախուզության և փափուկ իշխանության սկզբունքով փոփոխություններ կատարելու գործիք («փափուկ ուժ»):

Միացյալ Նահանգները նման միջոցներով ստեղծում են ազդեցության լծակներ տարբեր, հատկապես հետխորհրդային երկրներում: Հատկանշական է, որ չնայած Հայաստանը համարվում է ավանդական պահպանողական երկիր, որտեղ Հայ Առաքելական եկեղեցու, ընտանիքի և ազգային արժեքների դերը ուժեղ է, Սորոսի ծայրահեղ ազատական գաղափարները ակտիվորեն իրականացվում են:

Սորոսի գաղափարները, ներառյալ սեռական փոքրամասնությունների ու տարբեր աղանդների իրավունքների պաշտպանության և առաջ մղման գործունեությունը, նպաստում են թուրք-ադրբեջանական տանդեմով շրջապատված կիսապատերազմի մեջ գտնվող երկրում ժողովրդագրական խնդիրների առաջացմանը:

Նշենք, որ Սորոսի հիմնադրամի գործունեությունը արգելվել է Ադրբեջանում դեռևս 2014 թվականին: Սակայն Հայաստանում, որն ավելի բարդ սոցիալ-տնտեսական և ժողովրդագրական իրավիճակում է գտնվում, այս հիմնադրամի հետ սերտ կապեր ունեցող մարդիկ իշխանության մեջ են ներթափանցում և փորձում երկրում ներդնել լիբերալ գաղափարներ, որոնք արդեն իսկ մերժվել են տարբեր և անգամ ժողովրդավարական երկրներում: Հայաստանում Սորոսի մարդիկ ակտիվ են հանրապետության պետական անվտանգության և Ռուսաստանի հետ դաշինքի դեմ հարձակումներում: Հիշեցնենք, որ վերջերս Հայաստանում ձևավորվել է «Վետո» քաղաքացիական շարժումը, որը փորձում է արգելել «Սորոսի հիմնադրամի» գործունեությունը հանրապետությունում: Շարժումը երկրորդ բողոքի ակցիան է անցկացրել «Բաց հասարակության հիմնադրամի» Երևանի մասնաճյուղի առջև: 

Երևանի կենտրոնում հիմնադրամի գրասենյակի մոտ հավաքվել էին մի քանի տասնյակ մարդիկ: Ցուցարարները իրենց պաստառներին անգլերեն և ռուսերեն լեզվով գրել էին «Stop, Soros», ինչպես նաև ցուցադրում էին Հայաստանի հանրային այն գործիչների լուսանկարները, որոնք, հանրահավաքի մասնակիցների կարծիքով, ծառայում են հիմնադրամի շահերին: 

«Վետո»-ի քաղաքացիական ակտիվիստ Նարեկ Մալ յանի խոսքով, այդ գրասենյակի աշխատողները և նրանց հետ համագործակցող մարդիկ արտասահմանյան գործակալներ են, և նրանց գործունեությունը պետք է հանրապետությունում արգելվի: «Վետո» շարժումը պնդում է, որ «Բաց հասարակության» հիմնադրամը Հայաստանում հենց «պետության ներսում» է:

Տարիների ընթացքում հիմնադրամը հավաքագրել ու ֆինանսավորել է հակադեմոկրատական, հակապետական և հակասահմանադրական մտածողություն ունեցող անհատների՝ ստեղծելով արտասահմանյան գործակալների ցանց:

Կամո Խաչիկյան

website by Sargssyan