Ի՞նչ դրամական միջոցներ և եկամուտ ունի նորանշանակ նախարարը
ՀԱՍԱՐԱԿՈՒԹՅՈՒՆՀՀ կառավարությանն առընթեր պետական եկամուտների կոմիտեի նախագահի նախկին տեղակալ, այսօր արդեն արդարադատության նորանշանակ նախարար Ռուստամ Բադասյանը 2018 թվականի տարեկան հայտարարագրում ներկայացրել է տվյալներ դրամական միջոցների, եկամուտների և բաժնեմասի վերաբերյալ:
Բարձրաստիճան պաշտոնատար անձանց էթիկայի հանձնաժողովի պաշտոնական կայքում հրապարակված փաստաթղթի համաձայն՝ 2018թ. հարկային տարվա սկզբում նա ունեցել է 2000 եվրո և 2 000 000 ՀՀ դրամ:
2018թ. հարկային տարվա վերջում նրա դրամական միջոցները համապատասխանաբար կազմել են 1220 եվրո և 6 755 000 ՀՀ դրամ: Հարկային տարվա ընթացքում առկա է եղել բաժնետոմս, որը 5000 ՀՀ դրամով օտարվել է:
2018 թվականին Ռ. Բադասյանի եկամուտների հանրագումարը կազմել է 18 186 322 ՀՀ դրամ:
Նշված հանրագումարից 13 498 130 ՀՀ դրամը, 36 900 ՀՀ դրամը և 2 700 097 ՀՀ դրամը գոյացել են աշխատավարձերից: Նշված հանրագումարից 1 951 195 ՀՀ դրամը շահաբաժին է:
ԱՆՆԱ ԲԱԴԱԼՅԱՆ