Ի՞նչ եկամուտ, գույք և դրամական միջոց է հայտարարագրել Արարատ Միրզոյանը
ՀԱՍԱՐԱԿՈՒԹՅՈՒՆԱզգային ժողովի նախագահ Արարատ Միրզոյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018 թվականի տարեկան հայտարարագիրը:
Հանձնաժողովի պաշտոնական կայքում հրապարակված փաստաթղթի համաձայն՝ Ա. Միրզոյանը 2018թ. հարկային տարում ձեռք է բերել բնակարան՝ 49 700 000 ՀՀ դրամով:
Բացի նշվածից, հարկային տարվա սկզբում առկա է եղել բնակարան, որը հարկային տարում օտարվել է 13 600 000 ՀՀ դրամով: Հայտարարատու պաշտոնատար անձի դրամական միջոցը 2018թ. հարկային տարվա սկզբում կազմել է 297 865 ՀՀ դրամ, իսկ 2018թ. հարկային տարվա վերջում՝ 9 820 000 ՀՀ դրամ:
Արարատ Միրզոյանի եկամուտների հանրագումարը 2018 թվականին կազմել է 63 121 174 ՀՀ դրամ: Նշված հանրագումարից 1 860 370 ՀՀ դրամը և 12 870 804 ՀՀ դրամը գոյացել են աշխատավարձերից: Գույքը օտարելուց ստացված եկամուտը կազմել է 13 600 000 ՀՀ դրամ, իսկ ստացված փոխառություններից (վարկեր) ստացված եկամուտը՝ 34 790 000 ՀՀ դրամ:
ԱՆՆԱ ԲԱԴԱԼՅԱՆ