Շա­հույթ ստա­նա­լու մա­սին չեն մտա­ծում, այս տար­վա առու­մով... ՏՆՏԵՍՈՒԹՅՈՒՆ
«Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վ... ՄՇԱԿՈՒՅԹ
«Գիրքը կարևոր արժեք ունի, այն կարող է մարդու ներաշխարհը փոխել» ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Երևան, 04.Հուլիս,
00
:
00
:
00
Փոխարժեք
478.65
$
560.79
Մենք համերաշխություն ենք բերում Հայաստանին. Արթուր Վանեցյան Օրենքը ՍԴ նիստը հետաձգելու հնարավորություն չի նախատեսում Հստակ գնահատականներ քաղաքական անցուդարձի վերաբերյալ. Արման Վարդանյանի հարցազրույցը (տեսանյութ) Ծառուկյանի պայքարը հանուն Հայաստանի է Շա­հույթ ստա­նա­լու մա­սին չեն մտա­ծում, այս տար­վա առու­մով որևէ հույս չու­նեն Գնաճի բացակայությունը տնտեսական աշխուժության բացակայություն է. Արա Գալոյան ԱԱԾ տնօրենի ամենակարևոր տեղակալն աշխատանքից ազատվելու դիմում է գրել. հեռանում է ևս մեկ առանցքային պաշտոնյա. «Հրապարակ» «Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վո­րե­լը բա­ցիլ­նե­րից ամե­նավ­տան­գա­վորն է» Արմեն Սարգսյանը դիմել է Դոնալդ Թրամփին Այս ցուցանիշներով Նիկոլը, ցավոք, դեռ զիջում է միայն Հյուսիսային Կորեայի առաջնորդ Կիմ Չեն Ընին. Ֆարմանյան «Գիրքը կարևոր արժեք ունի, այն կարող է մարդու ներաշխարհը փոխել» Սահմանվել է ուսման վարձավճարի փոխհատուցման նպատակով եկամտային հարկի գումարների վերադարձման կարգը

Ի՞նչն է իրականում իր ուսերին պահում Ատլանտը

Մենք գիտենք, որ...

Ըստ հին հունական առասպելաբանության, Ատլանտն իր ուսերին պահում է Երկիրը:

Իրականում այդպես չէ:

Ատլանտն իր ուսերին պահում է երկնակամարը: Սխալմունքն առաջանում է նրանից, որ երկնակամարը հաճախ պատկերել են կլոր գնդի տեսքով, և թվում է, թե դա երկրագունդն է: Այն, որ Ատլանտն իր ուսերին երկրագնդի նման մարմին է պահում, լավ երևում է 16-րդ դարի ֆլամանդացի քարտեզագիր Մերկատորի ատլասի շապիկին: Բայց ավելի ուշադիր նայելու դեպքում նկատվում է, որ դա ոչ թե երկրագունդն է, այլ երկինք է՝ աստղերով: Ի դեպ, այս քարտեզների հավաքածուն Մերկատորը անվանել էր «Մերկատորի ատլաս» , որից հետո էլ հենց ցանկացած քարտեզների հավաքածու սկսեցին անվանել ատլաս: Նշենք նաև, որ Մերկատորը առաջինն էր, որ սկսեց քարտեզագրության մեջ զուգահեռականներ և հորիզոնականներ օգտագործել:

Ըստ հին հունական առասպելի, քանի որ Ատլանտը (նաև կոչվում է Ատլաս) տիտանների հետ ապստամբել էր և կռվել օլիմպիացիների (աստվածների) հետ, Զևսը նրան պատժեց և ստիպեց իր ուսերին պահել երկնակամարը: Ատլանտը տիտան Իապետայի և օկեանիդա Կլիմենի որդին էր: Նա այդպես էլ ապրեց հետագայում ՝ իր ուսերին պահելով երկնակամարը:

Ըստ առասպելի, միայն մեկ անգամ է Ատլանտին հնրավորություն տրվել ազատվել այդ ծանրությունից: Դա այն ժամանակ էր, երբ նրան մոտեցավ Հերակլեսը, որը փնտրում էր ոսկե խնձորներ:

Իսկ այդ խնձորները գտնվում էին Ատլանտի դստեր մոտ: Ինչքան էլ տիտան Ատլանտը համոզեց Հերակլեսին, որ նա պահի իր փոխարեն երկնակամարը, մինչև ինքը բերի խնձորները, Հերակլեսը չհամաձայնեց, հակառակ դեպքում նա ինքը հիմա երկնակամարը պահելիս կլիներ: Ատլանտը ստիպված եղավ պահել իր բեռը մինչև իր մահը, որը բավականին անփառունակ էր:

Ինչ-որ հին հավատալիքի պատճառով Ատլանտը չէր վստահում այլերկրացիներին և այդ իսկ պատճառով չէր ուզում իր երկիրը թողնել Պերսևսին, որը վերադառնում էր Գորգոնների կղզուց և իր հետ տանում էր Գորգոն մեդուզայի գլուխը: 

Ատլանտը ոչ միայն Պերսևսին չէր թողնում անցնել, այլ նաև վիրավորեց նրան՝ ասելով , որ նրա պատմածները սուտ են և նա չի սպանել Գորգոն մեդուզային: Ատլանտին համոզելու համար, որ ինքը չի ստում, Պերսևսը նրան ցույց տվեց մեդուզայի գլուխը, որը այնքան սարսափելի էր, որ նրան նայելով՝ Ատլանտը վերածվեց քարե արձանի, որը և մինչև այժմ պահում է երկնակամարը: Այս ամբողջում առկա են անհամապատասխանություններ:

Ըստ ժամանակագրության, Պերսևսը ավելի շուտ է ապրել, քան Հերակլեսը, անգամ Գորգոնայի առասպելը պատկերված է եղել Հերակլեսի վահանի վրա, այսինքն, եթե անգամ Հերակլեսը հանդիպել է Ատլանտին, նա արդեն քարե արձան է եղել: Համարվում է, որ այսպիսի անհամապատասխանությունները պատճառ են նրա, որ հունական այս առասպելները շատ հին են և ունեն բազմաթիվ տարբերակներ: 

Մենք հաճախ չենք էլ մտածում, թե ինչքան շատ բան է կոչվում Ատլանտի անունով : Օրինակ՝ Հարավ-արևել յան Աֆրիկայում 2000 կիլոմետր ձգվող Ատլասյան լեռները (համարվում է, որ սա հենց քարացած տիտանն է), առասպելական Ատլանտիդա կղզին, Ատլանտյան օվկիանոսը , Մերկուրիի վրայի սև բծերից մեկը և այլն: Ատլանտ է կոչվում ճարտարապետության մեջ տղամարդկային կազմվածքի ձևով սյունը, որը պահում է ծածկը (նույն սյունը կնոջ տեսքով կոչվում են Հարիատիդա):

Հին բժիշկները բավականին մեծ երևակայություն ունեցող մարդիկ են եղել: Պատկերացրեք, որ մարդու գլուխը երկրագունդն է, կամ երկնակամար է: Ի՞նչը պետք է պահի նրան, իհարկե՝ Ատլանտը (կամ Ատլասը): Եվ այդպես էլ կա. մարդու ողնաշարի պարանոցային առաջին ողը կոչվում է Atlas, երկրորդը՝ Axis (առանցք, պտտվող): Ի դեպ, մնացած ողերը անուններ չունեն էլ: Դե, ինչ, համարենք, որ յուրաքանչյուր անհատ իր մեջ ունի իր տիտանին ՝ Ատլանտին, որը պահում է իր ուսերին ինչ-որ մեկի դեպքում՝ իր պայծառատես ու խելացի գլուխը, իսկ որոշների դեպքում՝ դդումը:

 

Նյութը հրապարակման պատրաստեց Past.am-ը

website by Sargssyan