Ճիշտն կլիներ՝ Վանեցյանը հասցներ կալանավորել Փաշինյանին. Արամ... ՔԱՂԱՔԱԿԱՆ
Ռոբերտ Քոչարյանը կմնա կալանքի տակ ՔԱՂԱՔԱԿԱՆ
Դատարանը հրապարակում է ՀՀ երկրորդ նախագահի խափանման միջոցի վ... ՔԱՂԱՔԱԿԱՆ
Ռոբերտ Քոչարյանն այսօր ազատ կարձակվի ՔԱՂԱՔԱԿԱՆ
«Ճի՞շտ եմ հասկանում, որ ԱԺ խմբակցություններից մեկը ՍԴ նախագա... ԲԼՈԳ
Երևան, 17.Սեպտեմբեր,
00
:
00
:
00
Փոխարժեք
478.65
$
560.79
ՈՒՂԻՂ. Փաստաբանները միջնորդում են Քոչարյանին գրավով ազատ արձակել Ադրբեջանում լուրեր են տարածվում անհայտ հիվանդության համաճարակի մասին Դոլարի փոխարժեքը նվազել է. Եվրոն էժանացել է ավելի քան 2 դրամով Վանեցյանը սպայի ուսադիրների և ճշմարտության մեջտեղում Եղանակը Հայաստանում. տեղումներ չեն լինի Ճիշտն կլիներ՝ Վանեցյանը հասցներ կալանավորել Փաշինյանին. Արամ Հարությունյան Երեկվա տոտալ ճնշումները ՍԴ–ի հանդեպ ուղիղ մեսիջ էր այսօրվա դատավորին. Լեւոն Քոչարյան «Մանրուք է». «Իմ քայլի» պատգամավորները խուսափում են գնահատական տալ Վանեցյանի հայտարարությանը Ռոբերտ Քոչարյանի փաստաբանները միջնորդեցին իրենց պաշտպանյալին գրավով ազատելու մասին (ուղիղ) Ռոբերտ Քոչարյանը կմնա կալանքի տակ Եթե այդքան սիրում ես իջեւանցիներին, ինչու կազմակերպեցիր գիշերային ծեծուջարդ. Աշոտյանը՝ Փաշինյանին Դատարանը հրապարակում է ՀՀ երկրորդ նախագահի խափանման միջոցի վերաբերյալ որոշումը (ուղիղ) Վանեցյանի հրաժարականի մեջ կա գեոպոլիտիկա. Փաշինյանի ուղեղում եփվում է կտրուկ փոփոխության նախագիծ. Աշոտյան Մխիթարյանը` «Ռոմա»-«Սասուոլո» խաղի լավագույն ֆուտբոլիստ

Իշխանության «մեծ ֆիլտրումը» սկսված է․ հեռանալու է նաև Սասուն Խաչատրյանը, ո՞վ է հաջորդը

Եթե մենք դասեր չքաղենք, Թավշյա հեղափոխությունը մեր կողմից կդառնա թավշյա հեռացում․ այսօր լրագրողների հետ զրույցում ասել է ԵԿՄ նախագահ Սասուն Միքայելյանը՝ հաստատակամորեն պնդելով, սակայն, որ պատգամավորական մանդատը վայր դնելու մտադրություն չունի։

Միքայելյանն, ըստ էության, դարձավ հեղափոխության թիմի առաջին առանցքային ներկայացուցիչը, որ այսօրվա հարցարույցում երկու խիստ էական պնդում արեց։

Նա, ըստ էության, փաստել է, որ հեղափոխությունը գնում է սխալ ճանապարհով կամ առնվազն դիսկրիմինացվում է այն օրակարգը, ինչով իրենք եկել են իշխանության։ Սովորաբար նման պնդումներ անողներին Նիկոլ Փաշինյանի մերձավորները պիտակավորում են՝ վերջիններիս անվանելով «հակահեղափոխական», «սերժական» կամ «ռոբական»։ Ինքնին հասկանալի է, որ Միքայլեյանին հնարավոր չէ նման որակումներ տալ, մանավանդ, որ խորհրդարանական վերջին ընտրություններում ամենաշատ քվեներ ստացած ռեյտինգային պատգամավորն ամենևին էլ չի պատրաստվում ընկրկել։ ԵԿՄ նախագահի հարցազրույցը նաև այն մասին է, որ իշխանության վերնախավում հասունացել են հակասություններ, որոնք այլևս հնարավոր չէ քողարկել հեղափոխական պաթոսով կամ քարոզչական մանիպուլյացիաներով։

Երբ ՔՊ առանցքային գործիչները միմյանց հրապարակավ քննադատում են, բնական հարց է առաջանում՝ արդյո՞ք Նիկոլ Փաշինյանը չի կարողանում վերահսկել իրավիճակը, թե՞ իշխանության ներսում սկսվել է «ֆիլտրման» բնական գործընթաց, որը տեղի է ունենում բոլոր հեղափոխություններից հետո, երբ այլևս թուլացած է լինում հին համակարգի ռեստավրացիայի վտանգը ու թուլանում է իշխանության թիմի կոնսալիդացիոն հիմքը։ Դժվար է միանշանակ պատասխան տալ այս հարցին, մանավանդ, երբ Նիկոլ Փաշինյանն ակնհայտորեն չի խոսում քաղաքական թիմում տիրող իրավիճակի, ներքին դասավորումների, խմորումների մասին։

Սակայան այն, որ հեղափոխության թիմում տեղի է ունենում տրանսֆորմացիայի գործընթաց ու իշխանությունից հեռացվում կամ առնվազն դրա լուսանցքում են հայտնվում որոշ պաշտոնյաներ՝ դա ակնհայտ էր դեռ Դավիթ Սանասարյանի անձի շուրջ տեղի ունեցած սկանդալից հետո, երբ հեղափոխական հարթակի ազդեցիկ գործիչներից մեկն, ըստ էության, հեռացվեց իշխանությունից։ Սանասարյանը հեղափոխության կարոևր դերակատար է, սակայն նրան դժվար է համարել «քայլողների» թիմի, այլ խոսքով՝ Նիկոլ Փաշինյանի մերձավոր շրջապատի ներկայացուցիչ։ Սասուն Միքայլեյանը, ֆորմալ առումով, կուսակցական էլիտայի ներկայացուցիչ է, բայց իր կենսագրության ու այսօրվա կարգավիճակի համար բնավ էլ պարտական չէ բացառապես հեղափոխությանն ու Նիկոլ Փաշինյանին, ինչն, ի դեպ, «կարմիր թելի» պես անցնում էր պատգամավորի այսօրվա հարցարզրույցի ամբողջ տեքստում։ Կարճ ասած՝ Փաշինյանի թիմից «ֆիլտրվում» են կամ առնվազն իշխանության լուսանցք են մղվում մարդիկ, ովքեր ունեն ինքնուրույն հետագիծ ու անհրաժեշտության դեպքում՝ կարող են չկորցնել իրենց ինքնաբավությունը իշխանության ներսում։ Այս միտումները բերելու են անձնակետնրոն իշխանության ամրապնդմանը, ինչն իսկապես կարող է ենթադրել հեղափոխության օրակարգի խեղաթյուրում։

Այսօր էլ հայտինի դարձավ, որ շուտով պաշտոնին հրաժեշտ է տալու ՀՔԾ պետ Սասուն Խաչատրյանը։ Նոր հակակոռուպցիոն մարմնի ստեղծումը ենթադրում է Հատուկ քննչական ծառայության լուծարում, հայտարարել է ՀՔԾ պետ Սասուն Խաչատրյանը՝ պատասխանելով լրագրողների հարցին, թե իրականությանը համապատասխանո՞ւմ են տեղեկությունները, թե հնարավոր է առաջիկայում ՀՔԾ-ն լուծարվի։ «E-draft կայքում արդեն հրապարակվել է հակակոռուպցիոն ռազմավարությունը՝ նախագիծը, այդ նախագիծը, որ կարդաք, ուսումնասիրեք, կտեսնեք, որ նոր հակակոռուպցիոն մարմնի ստեղծումը ենթադրում է Հատուկ քննչական ծառայության լուծարում, բայց դեռևս դա նախագիծ է, կոնկրետ օրենք այս պահին շրջանառության մեջ դրված չկա, կապրենք, կտեսնենք», – ասել է Խաչատրյանը։

Այս պաշտոնանկության մասին նույնպես վաղուց էր խոսվում՝ որպես հիմք ընդունելով այն խոսակցությունները, թե իբր իշխանության ներսում պայքար է սկսվել «քայլողների» ու այսպես կոչված՝ քաղաքացիական սեգմենտի ներկայացուցիչների միջև։ Խաչատրյանը համարվում է վերջինների «թիմակիցը» ու փաստորեն իրական է դառնում նրա պաշտոնանկության հեռանկարը։

Իշխանության ներսում «մեծ ֆիլտրումը» սկսված է․ հեռանալու է նաև Սասուն Խաչատրյանը, ո՞վ է հաջորդը։ Գործընթացը բազմաշերտ է ու դժվար է հստակ կանխատեսել առաջիկա պաշտոնանկությունների բնույթն ու մոտիվները։

website by Sargssyan