Աշխատանք՝ հանուն «մաքուր» էներգիայի (Տեսանյութ) ՀԱՍԱՐԱԿՈՒԹՅՈՒՆ
2019 թվականի առաջին կիսամյակում 98 վարորդներ ոչ սթափ վիճակու... ՀԱՍԱՐԱԿՈՒԹՅՈՒՆ
ՀՀ քաղաքացու համար վերացվել է ՌԴ մուտք գործելու արգելքը․ ՄԻՊ... ՔԱՂԱՔԱԿԱՆ
Հակառակորդը հրադադարի ռեժիմը մեկ շաբաթվա ընթացքում խախտել է ... ՀԱՍԱՐԱԿՈՒԹՅՈՒՆ
ՌԴ-ն չի հանձնի Միհրան Պողոսյանին. Դատախազություն ՔԱՂԱՔԱԿԱՆ
Երևան, 20.Օգոստոս,
00
:
00
:
00
Փոխարժեք
478.65
$
560.79
Աշխատանք՝ հանուն «մաքուր» էներգիայի (Տեսանյութ) Տիգրան Բարսեղյան․ Հայաստանի հավաքականը կարող է պայքարել Եվրո-2020-ի ուղեգրի համար Այդպես էլ չցանկացաք դուրս գալ Ձեր իսկ կողմից ստեղծված թատրոնից․ Գևորգ Թամամյանը ազատման դիմում է գրել Նորից կրկնում եմ, բռնեք Սերժին․ Արմեն Աշոտյան Դոլարի փոխարժեքը կայուն է. եվրոն էժանացել է՝ նվազելով 528 դրամից «Սպայկա», «Սաս Գրուպ», «Ֆլեշ», «Գազպրոմ Արմենիա»․ որքան հարկ են վճարել խոշորները․ Փաշինյանը թվեր է հրապարակել «Ղալաթ ենք արել, որ ստորագրել ենք. չենք իմացել, թե չէ խայտառակ կանեինք» Սեյրան Սարոյանը՝ Ստամբուլյան կոնվենցիայի մասին Պենտագոնը հրապարակել Է ՄՓՀՀՊ-ով արգելված թևավոր հրթիռի արձակման տեսագրությունը (տեսանյութ) Պարոն վարչապետ կանգ առ, դիմացդ Ամուլսարի անդունդն է. Արամ Գ. Սարգսյան Մարտի 1-ին սաղս էլ տեսել ենք, որ բոլորն էլ Երեւանում են եղել. Սեյրան Սարոյանը՝ Արցախից զինվորականներ բերելու մասին Հայաստանում Սիբիրյան խոցի դեպք է արձանագրվել Ընթանում է Մանվել Գրիգորյանի եւ Նազիկ Ամիրյանի գործով հերթական դատական նիստը (ուղիղ)

Ին­չո՞ւ են «փչաց­նում» Մար­տի 1-ի գոր­ծը

Դատախազության օրվան նվիրված միջոցառման ժամանակ վարչապետի և ԱԺ նախագահի կողմից պարգևատրվեցին դատախազության մի խումբ ծառայողներ։

Ծառայողական պարտականությունները գերազանց և բարձր պատասխանատվությամբ կատարելու համար ԱԺ նախագահ Արարատ Միրզոյանի շնորհակալագրով պարգևատրվեց ՀՀ գլխավոր դատախազության հատկապես կարևոր գործերով քննության վարչության պետի տեղակալ, արդարադատության 1-ին դասի խորհրդական Կարեն Բիշարյանը։

Եթե Բիշարյանը խրախուսվեր իր անմիջական վերադասի կողմից, փաստն ինքնին հասկանալի կլիներ, սակայն այս պարագայում քաղաքական ենթատեքստն ակնհայտ է. ստացվում է, որ քաղաքական իշխանությունը խրախուսում է դատախազության այն աշխատակցին, որը դատարանում պաշտպանում է իշխանության քաղաքական հակառակորդի դեմ մեղադրանքը։

Կամ՝ իշխանության ու նրա աջակիցների ծափահարություններին է արժանանում վերաքննիչ դատարանի դատավորը, որը երկրորդ նախագահին կրկին կալանավորեց՝ ընթացակարգային ակնհայտ խախտումներով, իսկ այն դատավորները, որոնք «շեղվել» են «քաղաքական գծից», մեկուսացվում են գործընթացից։ Մասնավորաբար ՀՀ գլխավոր դատախազությունն ինքնաբացարկի գրավոր միջնորդություն է ներկայացրել Ռոբերտ Քոչարյանի և մյուսների գործով դատավոր Դավիթ Գրիգորյանին։

Բնավ ցանկություն չունենք արդարացնել կամ մեղադրել Ռոբերտ Քոչարյանին։ Վստահ ենք, որ Մարտի 1-ի գործին քրեա-իրավական գնահատական կարող է տալ բացառապես դատարանը, սակայն այնպիսի տպավորություն է, որ իշխանությունը հետևողականորեն ապալեգիտիմացնում է Մարտի 1-ի գործը։

Փաստերը, ցավոք, խոսուն են:

Դեռ նախաքննության փուլում պայթեց, այսպես կոչված, գաղտնալսումների սկանդալը, որի համար որևէ մեկը ցայսօր քրեական պատասխանատվության չի ենթարկվել, փոխարենը՝ հանրությունը տեղեկացավ, որ «նոր Հայաստանում» նույնպես դատավորներն անկախ չեն, համենայն դեպս՝ կարող են ուղղորդվել գործադիր իշխանության կողմից։ Սա էապես ստվեր նետեց նախաքննության վրա։

Հիմա էլ՝ դատական գործընթացի ժամանակ են տեղի ունենում «տարօրինակ» իրադարձություններ։ Ռոբերտ Քոչարյանի խափանման միջոցի փոփոխությունից անմիջապես հետո Նիկոլ Փաշինյանը ցուցում է տալիս՝ արգելափակել դատարանների մուտքերը, խոսում է վեթթինգի մասին, որի համատեքստում վերաքննիչ դատարանը խիստ կանխատեսելի որոշում է կայացնում՝ Ռոբերտ Քոչարյանին երրորդ անգամ կալանավորելու մասին, հիմա էլ փորձ է արվում քննությունից հեռացնել դատավորի, որն իշխանության սցենարից տարբերվող որոշում է կայացրել։

Նման իրավիճակում Մարտի 1-ի գործում գերիշխող է դառնում քաղաքական բաղադրիչը, ինչի մասին երկրորդ նախագահի պաշտպանական թիմը հանդես է եկել բազմաթիվ հրապարակային հայտարարություններով։ Մեծ է վտանգը, որ այս ամենն ապալեգիտիմացնելու է վերսկսվող դատավարությունը՝ նույնիսկ անկախ այն բանից, թե ինչ վճիռ կկայացնի դատարանը։ Այլ խոսքով՝ կրկնվում է նույն սխալը, որն արձանագրվել է Սերժ Սարգսյանի նախագահության օրերին, երբ Մարտի 1-ի գործով կայացվել են տասնյակ որոշումներ, որոնք հիմա վերանայվում են ՄԻԵԴ-ում։ Եթե Ռոբերտ Քոչարյանի ու մյուսների գործով դատավարությունը շարունակվի նույն տրամաբանությամբ, ապա կանխատեսելի է, որ կունենանք ոչ թե բացահայտում, այլ դարձյալ՝ ՄԻԵԴ սրբագրող որոշումներ;

ԱՐՍԵՆ ՍԱՀԱԿՅԱՆ

website by Sargssyan