ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ ... ՔԱՂԱՔԱԿԱՆ
Հրայր Թովմասյանի նկատմամբ հարուցված քրեական հետապնդումը հակա... ՔԱՂԱՔԱԿԱՆ
Արարատի մարզում գխի շրջանում հրազենային վնասվածքով գերեզմանա... ՀԱՍԱՐԱԿՈՒԹՅՈՒՆ
Գորիս-Կապան հատվածի 8-14-րդ կմ-երը բեռնատարների համար փակ են... ՀԱՍԱՐԱԿՈՒԹՅՈՒՆ
Հրդեհ Տավուշի մարզում Լուսաձոր գյուղում ՀԱՍԱՐԱԿՈՒԹՅՈՒՆ
Երևան, 20.Հոկտեմբեր,
00
:
00
:
00
Փոխարժեք
478.65
$
560.79
Դանի Սեբալյոսը ցանկանում է մնալ «Արսենալում» Հրդեհ՝ Վարդենիս քաղաքում. Մասնակի այրվել են տան տանիքի փայտյա կառուցատարրերը ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը Հրայր Թովմասյանը ցանկություն էր հայտնել որդեգրել Ավետիսյանների ողջ մնացած երեխային․ Տիգրան Վարդանյան ՀՌՇ կապավորները Հայաստանում տոնել են ՌԴ ԶՈՒ կապի զորքերի 100-ամյակը Այսօր կանցկացվի Խնձորի առաջին փառատոնը Հայկ Մարությանն ընդունել է Ստեփանակերտի նորընտիր քաղաքապետին (տեսանյութ) «Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ» (ֆոտո) Հայաստան-Վրաստան սահմանին կայծակը սպանել է հովվին ու տասնայկ ոչխարներին Օդի ջերմաստիճանը 20-21-ի ցերեկը աստիճանաբար կնվազի 4-5 աստիճանով. Եղանակը Հայաստանում Հրայր Թովմասյանի նկատմամբ հարուցված քրեական հետապնդումը հակասում է Եվրոպական կոնվենցիային. Գեւորգ Կոստանյան «Մեր սիրած կիրակին». Փաշինյանը տիկնոջ, Արփիի եւ Չալոյի հետ տեսանյութ է հրապարակել Բնապահպանական աղետ Արցախում. Խաչենագետի ջրամբարի ափերին հազարավոր սատկած ձկներ են հայտնվել Հարոյանը հաղթական գոլը նվիրել է Երևանի հիմնադրման 2801-ամյակին

Ալեքսանդր Խաչատրյանը՝ Հայաստանում բնակվելու, այգեգործությամբ զբաղվելու և «Պատվից առավել»-ում նոր դերի մասին

Past.am

Հեռուստատեսային դադարից հետո դերասան Ալեքսանդր Խաչատրյանը սկսել է նկարահանվել «Պատվից առավել» հեռուստասերիալում։ Նա առաջին անգամ է համագործակցում պրոդյուսեր Ելենա Արշակյանի հետ։ Նոր աշխատանքի առաջին մանրամասները դերասանը վստահել է Tert.am Life-ին: Նրա հետ զրուցել ենք նաև էկրանից այն կողմ իր նախասիրության մասին։

Դերասանի խոսքով՝ նախնական առաջարկը Ելենայից եղել է «Մոր խոստումը» հեռուստասերիալում հանդես գալու համար, սակայն երկրից բացակայելու պատճառով չի կարողացել նկարահանվել։ «Չնայած առաջին առաջարկն ընդունել չկարողացա, Ելենա Արշակյանի հետ պայմանավորվեցի, որ անպայման մասնակցություն  կունենամ իր հաջորդ հեռուստասերիալում: Այդպես էլ եղավ։ Ելենայի հետ առաջին անգամ եմ աշխատում, հուսով եմ, ոչ վերջին։ Նախագիծը նոր ենք սկսել, ամեն ինչ լավ է, կարծում եմ, մեր համագործակցությունը կստացվի»,- ասաց դերասանը։

Թե ինչ կերպարով հեռուստադիտողները նրան կտեսնեն «Պատվից առավել» հեռուստասերիալում, դերասանը շատ չմանրամասնեց՝ նշելով, որ դեռ ինքն էլ հստակ որևէ բան ասել չի կարող։ «Կերպարիս հետ կապված մանրամասներ դեռ չգիտեմ, չգիտեմ, թե ինչ զարգացումներ են սպասվում, քանի որ հեռուստասերիալների  դեպքում սցենարն ընթացքում է գրվում։ Ըստ իս՝ կերպարս բավականին հետաքրքիր կլինի, որովհետև ինքն իր հետ անձնական հակասությունների մեջ է՝ կա պատվի խնդիր, հոգու պարտքի խնդիր և, ամենակարևորը, զավակի խնդիր։ Այսինքն, այս ամենը հակադրվում է, ինչը շատ  հետաքրքիր է։ Հուսով եմ՝ կկարողանամ կերպարս է՛լ ավելի հետաքրքրացնել»,- ասաց Ալեքսանդր Խաչատրյանը։

Վերջինս դեռ վաղ է համարում ասել՝ հեռուստադիտողներն իրեն կտեսնեն դրակա՞ն, թե՞ բացասական կերպարով․ «Հերոսս կլինի իր դրական ու բացասական հատկանիշներով, մարդ՝ իր թուլություններով և ուժով։ Աշխատում ենք ստանալ լիարժեք մարդու կերպար»։

Ալեքսանդր Խաչատրյանի խոսքով՝ բացասական կերպարներ կերտելն իր հետաքրքրությունն ունի․ «Բացասական կերպար մարմնավորելն այնքանով է հետաքրքիր, որ կարողանում ես այդքան բացասական բնավորության գծերի մեջ գտնել դրական ինչ-որ բան։ Այսինքն՝ դերասանն այս դեպքում իր առաջ խնդիր ունի բացասականի ֆոնին ցույց տալ դրականը։ Այս ամենի մեջ փոքր-ինչ հակասություն կա, բայց, կարծում եմ, հենց այդ հակասությունն է, որ բացասական կերպարի վրա աշխատելն ավելի հետաքրքիր է դարձնում»։

Ինչ վերաբերում է նոր թիմի հետ համագործակցությանը՝ դերասանը նշեց, որ ամեն ինչ առջևում է։ «Ես գիտեմ, վստահ եմ, որ մենք շատ շնորհալի  երիտասարդություն ունենք, իմ բոլոր խաղընկերները նույնպես շնորհալի են, և մեր համագործակցությունը բարձր մակարդակի կլինի»։

Ալեքսանդր Խաչատրյանին հեռուստադիտողներն ավելի հաճախ տեսել են Դիանա Գրիգորյանի հեռուստասերիալներում։ Դերասանի խոսքով՝ նրա հետ որևէ խնդիր չեն ունեցել․ «Ես շատերի հետ եմ համագործակցել և շարունակում եմ համագործակցել։ Դիանայի հետ բեղմնավոր աշխատանք ենք ունեցել և, կարծում եմ, էլի կունենանք։ Որևէ խնդիր այդ մասով չկա»:

Ալեքսանդր Խաչատրյանն առաջիկայում հանդես կգա որպես պրոդյուսեր․ նա ծրագրում է գեղարվեստական ֆիլմ նկարահանել: «Որպես ռեժիսոր հանդես չեմ գալու, որովհետև կարծում եմ, որ ամեն մեկն իր գործով պետք է զբաղվի: Այդ նախագծում կլինեմ պրոդյուսերի և դերասանի կարգավիճակում»,- ասաց նա՝ առայժմ չմանրամասնելով, թե ինչ նախագծի մասին է խոսքը: 

Էկրանային աշխատանքից դուրս 71-ամյա դերասանը զբաղվում է այգեգործությամբ՝ Արագածոտնի մարզի Կարբի գյուղում։ «Կարբի համայնքում այգի ունեմ, բավականին ժամանակ է, ինչ զբաղվում եմ այգեգործությամբ։ Շատ-շատ եմ սիրում բնությունը, գյուղը, այնտեղի աշխատավոր մարդկանց: Առհասարակ, աշխատող մարդու տեսակն եմ շատ սիրում, գնահատում եմ, երբ մարդն իր գործն իսկապես հաճույքով է անում, անկախ մասնագիտությունից։ Աշխատանքային գրաֆիկս այնպիսին է, որ չեմ կարողանում այգուս այնքան ժամանակ տրամադրել, որքան պետք է։ Երբ շատ զբաղված եմ լինում, այգու խնամքով մեր աշխատակիցն է զբաղվում»,- ասաց դերասանը։

Դերասանի խոսքով՝ ինքը Միացյալ Նահանգներում բնակություն չէր հաստատել, հիմա էլ մեկնում է միայն գործնական նպատակներով։ Ալեքսանդր Խաչատրյանն ավելի վաղ հարցազրույցներից մեկում ասել էր, որ  Հայաստանում ոչ ավտոմեքենա, ոչ էլ բնակարան ոինի։ Նրանից հետաքրքրվեցինք՝ այս ընթացքում կարողացե՞լ է բնակարան  և մեքենա ձեռք բերել, թե՞ ոչ։ Նա ծիծաղելով պատասխանեց, թե ավտոմեքենա գնել է, բնակարան՝ ոչ։ «Հուսով եմ, ապագայում բնակարան կունենամ, առայժմ դեռ վարձով եմ ապրում»,- ասաց դերասանը։  

website by Sargssyan