ՀՀ մի շարք համայնքներում ձյուն է տեղում ՀԱՍԱՐԱԿՈՒԹՅՈՒՆ
Հայաստանում 37 անձ է հոսպիտալացվել նոր կորոնավիրուսի կասկածո... ՀԱՍԱՐԱԿՈՒԹՅՈՒՆ
Վանաձորում «Հալաբյանի կամրջի» տակ հայտնաբերվել է տղամարդու դի ՀԱՍԱՐԱԿՈՒԹՅՈՒՆ
Ավ­տո­մե­քե­նա­նե­րի կու­տա­կում է, իսկ գնորդ չկա ՄԻՋԱԶԳԱՅԻՆ
Հան­ցա­վո­րու­թյան դեմ պայ­քար՝ նաև քա­ղա­քա­կան պատ­ճառ­նե­... ՄԻՋԱԶԳԱՅԻՆ
Երևան, 26.Փետրվար,
00
:
00
:
00
Փոխարժեք
478.65
$
560.79
Իմ տեսլականը եղել է արտահանմանը միտված տնտեսություն ունենալը. Նիկոլ Փաշինյան Բահրեյնում կորոնավիրուսով վարակման 6 նոր դեպք է արձանագրվել Վաղարշապատի ոստիկաններն իրականացրել են «Մի՛ պահիր ապօրինի զենք» օպերացիան. կան բերման ենթարկվածներ Կանացի 5 անուններ, որոնք հաջողություն են բերում. Իսկ Ձեր անունը կա՞ այս ցանկում ՀՀ մի շարք համայնքներում ձյուն է տեղում Հայաստանում 37 անձ է հոսպիտալացվել նոր կորոնավիրուսի կասկածով. ԱԱՏՄ ղեկավար Հայաստանում հաշվառում չունեցող քաղաքացին կարո՞ղ է մասնակցել քվեարկությանը. իրազեկում Երեխայի վթարի գործով փորձաքննությունն ապացուցեց իմ անմեղությունը. Դավիթ Սանասարյան Հոլիվուդյան հայազգի պրոդյուսերի քույրը մանրամասներ է պատմում աղմկահարույց գործից Էրեբունու ոստիկանները բնակարանային գողությունը բացահայտեցին հաջորդ օրը (տեսանյութ) Ռոբերտ Քոչարյանն ու Սերժ Սարգսյանն իրենց գործունեությամբ են գրել սեփական դատավճիռը. Նորայր Նորիկյան Ես անձամբ կկտրեմ սեփական ձեռքերս, բայց մեկ քվեաթերթիկի կեղծիք թույլ չեմ տա. Փաշինյան Եկել է Սահմանադրական դատարանը որպես ինստիտուտ կայացնելու հերթը. Փաշինյան

Իսկ դուք գիտե՞ք՝ ով է եղել Գիքորի իսկական նախատիպը

Մենք գիտենք, որ...

Թումանյանի հանրահայտ պատմվածքի Գիքորը խեղճ լոռեցի երեխա էր, որը զոհ գնաց մեծ քաղաքի բարքերին: Այդպիսին էր նաև Գիքորի նախատիպ հանդիսացած անձը:

Իրականում այնքան էլ այդպես չէ:

Պարզվում է՝ Գիքորն իսկապես նախատիպ է ունեցել: Բայց այդ նախատիպի կերպարը լրիվ հակառակն է եղել: Իրականում Գիքորը, նույն ինքը` հետագայում հայտնի քրեական հեղինակություն Գրիգոր Մելիքյանը («Գոքոր», «Шипач» «Гога шрам», «Принц» եւ այլն), շատ ավելի հետաքրքիր եւ դրամատիկ ճակատագիր է ունեցել եւ վախճանվել է 1958թ.-ին Երևանում: Նրա հայրը սնանկացած ազնվական էր և եկել ու հանգրվանել էր իր նախնիների օրրանում` Լոռվա Դսեղում: Իսկապես նա իր որդուն` Գրիգորին տարել է Թիֆլիս` մարդամեջ մտնելու և որևէ գործի տեր դառնալու համար: Եվ հենց իր համագյուղացու հետ կապված այս դեպքն էլ Թումանյանը որպես ելակետային հիմք է ունեցել` հետագայում կերտելու իր անմահ «Գիքորը» պատմվածքը՝ մի քիչ փոխելով անունը:

չ փոխելով անունը: Թիֆլիսում Գոքորն իսկապես աշխատանքի է անցնում կտորեղենի խանութների ցանցի տեր Արտեմ Թումբարյանի տանը, բայց որպես գիշերային պահակ, այլ ոչ թե տանն ամեն տեսակ ծառայություններ մատուցող պատանյակ (ի տարբերություն գրական Գիքորի, նա արդեն չափահաս երիտասարդ էր` 21 տարեկան): Լինելով բնականից օժտված և աչքաբաց երիտասարդ, նա շատ շուտ ինտեգրվում է Թիֆլիսի հանցագործ աշխարհին: Գիշերային պահակի կարգավիճակը բավականին հարմար քողարկում էր իր համար, քանզի ցերեկները նա զբաղված էր մոլախաղերով և գրպանահատությամբ:

Առավոտից մի երկու պտույտ գործելով Հավլաբարի, Էլիայի եւ Օրթաճալայի շուկաներում՝ նա կեսօրին արդեն մի ողջ կարողության տեր էր լինում: Հետո նրա խումբը մինչև ուշ երեկո հանգստանում էր Թիֆլիսի պանդոկներում: Շուտով նա ընդհարվում է Արտեմի հետ` վերջինիս աղջկան գայթակղելու համար եւ հեռանում նրա տնից: Արտեմը հայտնաբերում է նաև, որ դատարկ է իր գանձատուփը:

Նույնիսկ խոշոր գումարի կաշառքով Գոքորի ընկերներին չի հաջողվում համոզել Արտեմի կնոջը` Նատոյին (Նաթելա Հարությունյան)՝ հետ վերցնել հայցադիմումը:

Հայտարարվում է համառուսաստանյան հետախուզում: Գոքորը պլաստիկ վիրահատության է ենթարկվում Ռոստովում, անճանաչելի է դառնում անգամ իր շատ ընկերների համար և շարունակում է ապրել Թիֆլիսում` կեղծ անձնագրով` Լևան Բուխարաշվիլի անվան տակ: Իսկ 1903-ին խոշոր կաշառքի և լայն կապերի շնորհիվ Գոքորին հաջողվում է իր վրայից հանել հետախուզումն ու կարճել քրեական գործը: Արդեն 1905 թվականին, երբ լրացել էր Գոքորի 28-ամյակը, նրան ամսավճար էր մուծում Թիֆլիսի առևտրականության մեծ մասը: Ի դեպ, «Գիքորը» պատմվածքում Թումանյանը հիշատակում է Գիքորի երկու համագյուղացիներին, ովքեր բերում են նրան Ծաղիկ կովի սատկելու լուրը: 

Իրականում իսկապես այդ երկուսը եկել են Գոքորի մոտ, սակայն միանգամայն այլ նպատակով` հետ բերելու շուկայում պանրի վաճառքից գոյացած և կինտոների կողմից խլված գումարը: Բնականաբար, դրամը հետ է վերադարձվում, ինչին թշվառ ռամիկների համբավավոր համագյուղացին ավելացնում է դրա եռապատիկը: Մի անգամ՝ 1917թ.-ին, Գոքորը հանդիպում է Թումանյանին և կատակով ասում է, որ գրական Գիքորն իր սիրելի կերպարն է, և ինքը շատ կուզենար նմանվել նրան:

Հետագայում Գոքորը բնակվել է այլ երկրներում, անգամ աքսորված է եղել Սիբիր, նա ԽՍՀՄ-ի առաջին թագադրված օրենքով գողերից մեկն է եղել:

… Միայն շատ քչերը գիտեին Երևանում, թե ով էր այն ծերունին, ով մշտապես ընկերակցելով Ավետիք Իսահակյանին՝ զբոսնում էր Աբովյան փողոցում: Իսկ գիշերները նա պահակում էր Ալ. Սպենդիարյանի անվան օպերայի եւ բալետի ակադեմիական թատրոնում: Երբեմն լինում էր Կոմայգում և հայրական աչքով ու գորովանքով հետևում գողական շարժման վերածննդին ու վերելքին:

Իր գործունեությունը նա սկսել էր որպես գիշերային պահակ, ու կյանքի վերջում էլ, լինելով թատրոնի պահակը, նա հաճախ էր կուլիսների հետևից չիբուխը ձեռքին ունկնդրում Թումանյանի «Գիքորի» բեմադրությունը` դեմքին թեթևակիորեն խաղացնելով քամահրական ու ներողամիտ ժպիտը: Ասում են, որ մահանալուց առաջ նա անդադար գոռում էր

– Ապի՜, նանի՜, Գալո՜, Միկի՜չ, Զանի՜, ե՛ս ձեր...

Նյութը հրապարակման պատրաստեց Past.am-ը

website by Sargssyan