«Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վ... ՄՇԱԿՈՒՅԹ
«Գիրքը կարևոր արժեք ունի, այն կարող է մարդու ներաշխարհը փոխել» ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Աշ­խա­տանք գտնե­լու հե­ռան­կա­րը գրե­թե զրո­յա­կան է ՀԱՍԱՐԱԿՈՒԹՅՈՒՆ
Երևան, 04.Հուլիս,
00
:
00
:
00
Փոխարժեք
478.65
$
560.79
ԱԱԾ տնօրենի ամենակարևոր տեղակալն աշխատանքից ազատվելու դիմում է գրել. հեռանում է ևս մեկ առանցքային պաշտոնյա. «Հրապարակ» «Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վո­րե­լը բա­ցիլ­նե­րից ամե­նավ­տան­գա­վորն է» Արմեն Սարգսյանը դիմել է Դոնալդ Թրամփին Այս ցուցանիշներով Նիկոլը, ցավոք, դեռ զիջում է միայն Հյուսիսային Կորեայի առաջնորդ Կիմ Չեն Ընին. Ֆարմանյան «Գիրքը կարևոր արժեք ունի, այն կարող է մարդու ներաշխարհը փոխել» Սահմանվել է ուսման վարձավճարի փոխհատուցման նպատակով եկամտային հարկի գումարների վերադարձման կարգը Սրացում Բաքվում. ինչ օրակարգով է Մնացականյանը մեկնում Արցախ Գագիկ Ծառուկյանի շնորհավորական ուղերձը Ռուսաստանի Դաշնությունում Սահմանադրության փոփոխությունների հանրաքվեի անցկացման առթիվ Մինչև անձին սնանկ ճանաչելը առաջնահերթությամբ կատարել բռնագանձման մասին վճիռները. նախագիծ «Հրապարակ». Հույս ունեն, որ Փաշինյանը իրենց օգտին որոշում կկայացնի «Հրապարակ». Ոստիկանության որոշ «կաբինետային» պաշտոնյաներ խորը դեպրեսիայի մեջ են

Ինչպե՞ս չհայտնվել շնաձկան ստամոքսում

Մենք գիտենք, որ...

Շնաձկներն արյան հոտն առնում են շատ հեռվից, և այդ իսկ պատճառով՝ արյունահոսելով ջրում գտնվելը վտանգավոր է, քանի որ այդ գիշատիչները անմիջապես կգտնեն ձեզ:

Իրականում այնքան էլ այդպես չէ:

Բանն այն է, որ շնաձկներն իրենց որսը միայն հոտառությամբ չեն գտնում: Իհարկե, շնաձուկը շշմեցուցիչ հոտառություն ունի: Նա ունակ է զգալ արյուն/ջուր 1/25 000 000 հարաբերությունը, որը համարժեք է 9 տոննա ջրի մեջ լուծված մեկ կաթիլ արյան կոնցենտրացիային: Ընդ որում, արյան հոտի տարածման արագությունը կապ ունի ջրի ալիքի շարժման և ուղղության հետ, այդ իսկ պատճառով շնաձուկը սովորաբար լողում է ալիքին հակառակ: Եթե ջրում գտնվելիս մարդու մոտ անգամ աննշան արյունահոսություն է լինում, ապա փախչել շնաձկից անհնար է:

Օրինակ, եթե ջրի ալիքը թույլ է, ասենք՝ 3,5 կմ/ժամ, ապա արյունահոսող մարդուց հոսքով 400 մետր ներքև գտնվող շնաձուկը կզգա արյան հոտը մոտավորապես 7 րոպեից, իսկ քանի որ նա զարգացնում է մոտավորապես 40 կմ/ժամ արագություն, նշանակում է , որ զոհի մոտ կլինի ընդամենը 60 վայրկյանից: Ջրի արագ ալիքի ժամանակ իրավիճակը էլ ավելի բարդ է, բայց...

Այս դեպքում շնաձուկն, իհարկե, ավելի շուտ կառնի արյան հոտը, բայց ուժեղ հոսանքին հակառակ լողալը նրանից որոշակիորեն ավելի շատ ժամանակ կխլի: Ջրի արագ ալիքի, օրինակ՝ 26 կմ/ժամ, դեպքում մեկ կիլոմետր հեռավորության վրա գտնվող շնաձուկը արյան հոտը առնելու համար կծախսի մեկ րոպե, իսկ զոհին հասնելու համար՝ երկու րոպե: Այսինքն, այս ամենը նշանակում է, որ լողորդը փախչելու համար ժամանակ չի ունենա: Այնուամենայնիվ, այնպես չէ, որ շնաձուկը զոհ է գտնում միայն հոտառությամբ: Բանն այն է, որ նա հրաշալի տեսողություն ունի: 

Այնպես որ, եթե անգամ շնաձուկը հոտառությունը կորցրած լինի, օրինակ՝ հարբուխ ունենա, միևնույն է, նա կգտնի իր զոհին տեսողությամբ: Անգամ եթե նույն շնաձուկը հարբուխի հետ էլ կարճատես լինի, միևնույն է, նորից կհասնի իր նպատակակետին հրաշալի լսողությամբ (շնաձկան լսողությունը ցածր հաճախային սպեկտրում է): Այնպես որ, ջրում պետք է ոչ միայն չարյունահոսել, այլ նաև լուռ մնալ, չաղմկել: Խոսքը, իհարկե, այն վայրերի մասին է, ուր շնաձկան վտանգ կա: 

Պետք է նշել, որ անգամ հոտառությունը, տեսողությունը և լսողությունը կորցրած շնաձուկը սոված չի մնում: Բանն այն է, որ նա ունակ է անգամ կենդանի օրգանիզմների կողմից գեներացվող թույլ էլեկտրական դաշտերը զգալ:

Շնաձկան գլխում կան ժելեանման նյութով լցված խողովակներ, որոնք կրում են 1678 թվականին դրանք առաջին անգամ նկարագրած իտալացի բժիշկ Ստեֆանո Լորենցոյի անունը և կոչվում են «Լորենցոյի ամպուլաներ»: Այն, որ դրանք օգնում են շնաձկանը թույլ էլեկտրական հոսանքներ որսալ, հայտնաբերվել է վերջերս: Այնպես որ, շնաձկից փրկվելու համար պետք է չարյունահոսել, լուռ մնալ, դառնալ անտեսանելի և այնպես անել, որ սիրտն ու ուղեղը չաշխատեն:

Այս ամենը՝ վատ լուրերից: Բայց կան նաև լավ լուրեր: Օրինակ՝ օվկիանոսում ջրի ալիքը անմիջականորեն դեպի օվկիանոս չէ, այլ շրջանաձև է, և դա դժվարություններ է հարուցում շնաձկան համար: Եթե շնաձուկը գտել է մարդուն, ապա խորհուրդ է տրվում նրան շրջել մեջքի վրա և շոյել որովայնը: Իհարկե, եթե հաջողվի... Ինչքան էլ զարմանալի է, շնաձուկը այդ դեպքում ռեֆլեկտոր վիճակի մեջ է ընկնում և անշարժ լողում ջրի մակերևույթին: Սա կոչվում է «տոնիկ անշարժություն», և այդ հնարքից օգտվում են խոյադելֆինները (косатки), որոնք շնաձկանը շրջելով մեջքի վրա և կարծես հիպնոսացնելով ՝այդպես պահում են, մինչև վերջինս շնչահեղձ լինի: Ի վերջո, պետք է նշել, որ շնաձկները համարյա երբեք առաջինը չեն հարձակվում մարդկանց վրա:

ԱՄՆ-ի օվկիանոսային ափերի նահանգներից հավաքած վիճակագրությունը ցույց է տալիս, որ 76 անգամ ավելի հավանական է դառնալ կայծակի զոհ, քան թե հայտնվել շնաձկան ստամոքսում:

Նյութը հրապարակման պատրաստեց Past.am-ը

 

website by Sargssyan