ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
«Երթևեկությունը փորձադաշտ չէ, շատ հարցեր կապված են մարդկային... ՀԱՐՑԱԶՐՈՒՅՑ
«Մեր հիմնական առաքելությունը երեխայի մուտքը մանկատուն կանխար... ՀԱՐՑԱԶՐՈՒՅՑ
«Իրականացվեց էմպիրիկ մոտեցում, այնինչ սխալվելու իրավունք չու... ՀԱՐՑԱԶՐՈՒՅՑ
Գլոբալ առումով հայրենիք-սփյուռք հարաբերություններում էական տ... ՎԵՐԼՈՒԾԱԿԱՆ
Երևան, 10.Հուլիս,
00
:
00
:
00
Փոխարժեք
478.65
$
560.79
ՀԿ նախագահ. մսամթերքի որոշ տեսակների գները զգալիորեն աճել են Կանգնած ուղևորներին իջեցնում են երթուղային տրանսպորտից Սյունիքում մեկնարկում է 3 խոշոր բնակավայրերի գազիֆիկացումը. 500 տնտեսություն գազ կունենա Թուրքիան գաղտնի համաձայնագիր է ստորագրել օտարերկրյա պետություններից դիսիդենտների առեւանգման վերաբերյալ «Հանրակրթության չափորոշիչներում խնդրահարույց եւ ռիսկային ձեւակերպումներ կան». ՀՅԴ ՀԵՄ-ի հայտարարությունը Էներգիայի միջազգային գործակալությունը բարձրացնում է 2020 թվականի նավթի պահանջարկի կանխատեսումը ԿԳՄՍ նախարարը ներկայացրել է՝ ի՞նչ պետք է անեն աշակերտները տարրական, հիմնական ու ավագ դպրոցներում Իրանը երբեք չի մոռանա եւ չի ների գեներալ Ղասեմ Սոլեյմանիի սպանությունը Հայաստան է վերադառնում 124 քաղաքացի Դպրոցի տնօրենը դատի է տվել Արայիկ Հարությունյանին Հուլիսի 6-ի մաթեմատիկայի միասնական քննության գնահատականներն արդեն տեղադրված ու հասանելի են dimord.am կայքում Փաշինյանի ուղերձը՝ Ազգային անվտանգության նոր ռազմավարության ընդունման առիթով Չկա լավ ապագա, եթե լավ չգիտենք ու լավ չենք գնահատում մեր անցյալն ու ներկան. Միհրան Հակոբյան Ի՞նչ է նախատեսում Հանրակրթության պետական չափորոշիչը. ԿԳՄՍ փոխնախարարը 500 ուսուցչի ներկայացրել է հիմնական սկզբունքները Արցախի նախագահը փոփոխություններ է կատարել ներման հարցերի հանձնաժողովի կազմում Նախագահ Սարգսյանը հեռախոսազրույց է ունեցել ԲԴԽ նախագահի հետ Սոցիալական արդարության արհամարհման պատճառը սոցիալական վախերն են Արմեն Սարգսյանը օրենքը չի ուղարկի Սահմանադրական դատարան Սա վերջնական որոշում չէ, բայց որոշակի ժեստ է ՀՀ իշխանություններին Ուսանողների չլսված «ռեկետ» ՀՊՏՀ-ում, ապօրինաբար ստիպում են վարձ վճարե՞լ. բուհը պարզաբանում է

Ադր­բե­ջա­նը փոր­ձում է Հա­յաս­տա­նին կեղծ օրա­կարգ թե­լադ­րել

ԵԱՀԿ Մինսկի խմբի ԱՄՆ-ի նախկին համանախագահ Քերի Քավանոն «Ամերիկայի ձայնի» հետ զրույցում կարծիք է հայտնել, որ Ադրբեջանը փորձում է փոխել Արցախյան հակամարտության ձևաչափը: Անշուշտ, Բաքուն վաղուց է ցանկանում փոխել ԵԱՀԿ Մինսկի խմբի ձևաչափը և Թուրքիային ներգրավել՝ որպես ակտիվ միջնորդ: Ադրբեջանում միշտ մտավախություն է եղել, որ Հայաստանի ռազմաքաղաքական դաշնակից Ռուսաստանը, հայկական ազդեցիկ սփյուռք ունեցող Ֆրանսիան և ԱՄՆ-ն միակողմանիորեն կպաշտպանեն Հայաստանի շահերը:

Սակայն Քավանոն ձևաչափի փոփոխություն ասելով՝ բոլորովին այլ շեշտադրում է արել: Նա նշել է. «Թեև Բաքուն մերժում է Հայաստանի վարչապետ Նիկոլ Փաշինյանի պահանջը՝ Արցախյան կողմի՝ բանակցություններին միանալու վերաբերյալ, այնուամենայնիվ, ներքին կերպով Ադրբեջանում որոշ քայլեր արվել են։

Բաքուն հայտարարել է, որ բանակցությունների ձևաչափը պետք է նույնը մնա, բայց նկատել է, որ ներքին կարգով փոխել է իր պատվիրակության կազմը՝ ավելացնելով այնտեղ Լեռնային Ղարաբաղի ադրբեջանական համայնքի ներկայությունը։ Ես սա դիտարկում եմ որպես որոշակի նախապատրաստության նշան՝ բանակցային ձևաչափը փոխելու հեռանկարով»:

Թե ինչու է հենց հիմա Ադրբեջանը փորձում նման քայլերի դիմել, դիվանագետը չի մանրամասնում: Սակայն ակնարկում է, որ Բաքուն դա անում է ի պատասխան ՀՀ վարչապետ Նիկոլ Փաշինյանի հայտարարությունների. դառնալով վարչապետ՝ Փաշինյանը հռչակեց, որ բանակցություններում չի ներկայացնում Արցախը, քանի որ չի ընտրվել Արցախի ժողովրդի կողմից, Արցախի քաղաքացիներն ընտրում են սեփական իշխանություններին և երկրի ղեկավարին, հետևաբար Բաքուն պետք է ուղիղ բանակցությունների մեջ մտնի Արցախի հետ: Այսինքն՝ Փաշինյանը ձգտում է վերականգնել բանակցությունների եռակողմ ձևաչափը, որի իրավական հստակ արտահայտությունն է եղել հրադադարի մասին եռակողմ պայմանագիրը՝ կնքված 1994-1995թթ.-ին Հայաստանի, Արցախի և Ադրբեջանի միջև: Սակայն այսօր դա սկզբունքորեն անընդունելի է Ադրբեջանի համար, քանի որ այդկերպ կճանաչի Արցախի սուբյեկտայնությունը և փաստացի անկախությունը: 

Ադրբեջանն այս իրավիճակում իբր խորամանկ հնարք է մտածել՝ փորձելով բանակցությունները բաժանել երկու հարթության. Հայաստան-Ադրբեջան և Արցախ-«Արցախի ադրբեջանական համայնք»:

Այսինքն՝ Ադրբեջանի ղեկավարությունը, հրաժարվելով Արցախի հետ ուղիղ բանակցությունների մեջ մտնելուց, փոխարենը առաջարկում է, որ Հայաստանն ու Արցախը բանակցային կողմ ճանաչեն «Արցախի ադրբեջանական համայնքին»:

Արդյունքում բանակցային ձևաչափը վերածվում է խեղկատակության: Այդկերպ Ադրբեջանը ճնշում է գործադրում միջնորդների և Հայաստանի վրա, որպեսզի հրաժարվեն Արցախը բանակցային սեղանի շուրջ վերադարձնելու գաղափարից:

Հակառակ դեպքում պետք է բանակցային կողմ ճանաչեն «Արցախի ադրբեջանական համայնքին»: Իսկ ինչպիսի՞ն է Հայաստանի պաշտոնական դիրքորոշումը: Փաշինյանը առիթ ունեցել է ասելու, որ, այսպես կոչված, «Արցախի ադրբեջանական համայնքը» հենց Ադրբեջանի քաղաքացիներ են և ընտրել են Իլհամ Ալիևին՝ ներկայացնելու իրենց տեսակետը բանակցություններում, մինչդեռ արցախցիները Փաշինյանին չեն ընտրել, ունեն սեփական ընտրված իշխանություններ:

Հայկական կողմի դիրքորոշումը հստակ է, սակայն Ադրբեջանի ղեկավարությանը չեն հուզում փաստերն ու փաստարկները, Բաքվի պաշտոնական քաղաքականությունն ամբողջովին կառուցված է Արցախի հարցում իրականությունը, պատմական արդարությունն ու իրավական լուծումները մերժելու վրա: Ըստ այդմ, հարց է առաջանում, թե ինչու է Հայաստանը կամավոր ներգրավվում նման անհեռանկարային բանավեճի մեջ:

Իսկապես կարիք կա՞ այդպես շեշտադրել, որ Հայաստանը Արցախին չի ներկայացնում, որքանո՞վ է դա ամրապնդում մեր դիրքերը բանակցային պրոցեսում, արդյոք դա բավարա՞ր է Արցախին բանակցային սեղանի շուրջ վերադարձնելու համար:

Այն դիրքորոշումը, թե Արցախին բանակցային սեղանի շուրջ վերադարձնելու Փաշինյանի պնդումը փակուղու առջև է կանգնեցրել Բաքվին, այնքան էլ իրականությանը չի համապատասխանում: Տեսնում ենք, որ ադրբեջանական կողմը ի պատասխան ստեղծում է բոլորովին կեղծ օրակարգ՝ ստիպելով հայկական կողմին զբաղվել դրա չեզոքացմամբ:

Որևէ պարագայում Հայաստանը չպետք է լեգիտիմացնի «Արցախի ադրբեջանական համայնք» կեղծ երևույթը, այլապես ակամա կընդունի, որ Արցախը Ադրբեջանի ներքին խնդիրն է, Ադրբեջանի տարածքում երկու համայնքների համատեղ գոյակցելու խնդիր: Սա վատագույն ուղին է, որով կարելի է շարժվել բանակցային ճանապարհով:

Այսպես, թե այնպես, Արցախը հանդիսանում է բանակցային կողմ: Դրա վկայությունն է այն, որ միջնորդները պարբերաբար հանդիպում են Արցախի իշխանությունների հետ և քննարկումներ ունենում: Բոլոր կողմերի համար էլ հստակ է, որ անգամ եթե Երևանն ու Բաքուն ինչ-որ համաձայնության հասնեն, վերջին խոսքը արցախցունն է: 

Ազգերի ինքնորոշման իրավունքի սկզբունքը անբեկանելիորեն արդեն ամրագրված է բանակցային ամբողջ գործընթացում, և միջնորդներն էլ դա ընդունել են: Ադրբեջանի պահանջների հարցում զիջումներ անելիս պետք է զգույշ լինել. վատ նախադեպեր ունենք. սահմանում հարաբերական անդորր պահպանելու դիմաց կարծես զիջեցինք Վիեննայում և Սանկտ Պետերբուրգում ձեռք բերված պայմանավորվածությունների հարցում, ըստ որոնց պետք է միջադեպերի ուսումնասիրության և հետաքննության մեխանիզմներ ներդրվեին շփման գծում և ընդարձակվեին ԵԱՀԿ գործող նախագահի անձնական ներկայացուցչի գրասենյակի կազմը: 

Մինչդեռ Փաշինյանի և Ալիևի «վերելակային բանակցություններից» հետո անգամ սահմանին կրակոցներ եղան, եղան նաև զոհեր: Ավելորդ խաղաղասիրությունը չի երաշխավորելու խաղաղությունը. 2016թ.-ի ապրիլյան պատերազմը դրա վառ վկայությունն էր:

Հ.Գ.- Ի դեպ, Քերի Քավանոն մեկ այլ ուշագրավ դիտարկում է արել՝ կապված Մեղրին Արցախով փոխանակելու «պատմության» հետ: Հայտնի է, որ 2001 թվականի ապրիլին Քի Վեսթում ՀՀ նախկին նախագահ Ռոբերտ Քոչարյանի հետ միջնորդները քննարկել են հակամարտության կարգավորման ինչ-որ տարբերակ, ըստ որի, իբր Մեղրին պետք է փոխանակվեր Արցախի հետ: Քավանոն պնդել է, որ իրականությունն այլ էր, և սեղանին դրված տարբերակներն այդչափ պարզունակ չէին։

«Ի սկզբանե Քի Վեսթում նախատեսված չէր ստորագրել որևէ փաստաթուղթ, այլ բանակցությունների հաջողության դեպքում փաստաթուղթը պետք է ստորագրվեր որևէ չեզոք տարածքում, հավանաբար՝ Եվրոպայում»,- ասել է նա՝ անհասկանալի թողնելով, թե ի վերջո ինչպես ձախողվեցին և մոռացվեցին այդ քննարկումները: Բայց Քավանոն փաստացի արձանագրել է, որ Մեղրիի փոխանակման մասին տարածված թեզն առնվազն չափազանցված է, եթե չասենք ՝շինծու:

ՏԻԳՐԱՆ ԽԱՉԱՏՐՅԱՆ

website by Sargssyan