Նարեկ Սարգսյանը կարտահանձնվի Հայաստան․ ՀՀ գլխավոր դատախազութ... ԲԼՈԳ
Դի­վա­նա­գի­տա­կան ներ­կա­յա­ցուց­չու­թյան ոչ մի աշ­խա­տա­կի... ՄԻՋԱԶԳԱՅԻՆ
Նոնսենս է. ՍԴ դատավորներին 700 մլն դրամով ուղարկում ենք փառա... ՎԻԴԵՈ
ՊԱՏՄՈՒԹՅԱՆ ԱՅՍ ՕՐԸ (10 ԴԵԿՏԵՄԲԵՐԻ)․ Ադր­բե­ջան­ցի­նե­րի հերթ... ՀԱՍԱՐԱԿՈՒԹՅՈՒՆ
«Կա­ռա­վա­րու­թյան 1,5 տար­վա գոր­ծու­նե­ու­թյան ըն­թաց­քում... ՀԱՐՑԱԶՐՈՒՅՑ
Երևան, 10.Դեկտեմբեր,
00
:
00
:
00
Փոխարժեք
478.65
$
560.79

Նոր նա­խա­գիծ մե­քե­նա­նե­րի տեխզն­նու­թյան մասին

Տարածքային կառավարման և ենթակառուցվածքների նախարարությունը իրավական ակտերի նախագծերի հրապարակման միասնական կայքում շրջանառության մեջ է դրել «Ճանապարհային երթևեկության անվտանգության ապահովման մասին» ՀՀ օրենքում փոփոխություններ և լրացում կատարելու մասին նախագիծը: Ի դեպ, այս նախագծի ընդունումը ենթադրելու է փոփոխություններ մի շարք օրենքներում ևս: «Փաստն» ընթերցողներին ներկայացնում է նախագծի կարևոր կետերը:

Տեխզննության արդյունքում շահագործման պահանջներին համապատասխանող տրանսպորտային միջոցի համար զննություն իրականացրած լիցենզավորված անձը տրամադրում է կտրոն, որը պետք է փակցվի տրանսպորտային միջոցի դիմապակուն:

Սակայն, ինչպես նշված է նախագծում, ներկայումս տրանսպորտային միջոցների պարտադիր տեխզննության անցկացումը կրում է ձևական բնույթ, քանի որ տեխնիկական զննության կտրոնը բանկերից ձեռք բերելուց հետո տրանսպորտային միջոցի սեփականատերը կամ տիրապետողն այն չի ներկայացնում տեխզննության, իսկ ՃՈ-ն վերահսկողությունն իրականացնում է միայն այն դեպքում, երբ տեխզննության կտրոնը փակցված չէ մեքենայի դիմապակուն՝ միևնույն ժամանակ չունենալով վերահսկողական մեխանիզմներ մեքենաների սեփականատերերի (տիրապետողների) և կայանների նկատմամբ:

Այս նախագծով նախարարությունն առաջարկում է տեխզննության գործընթացի նկատմամբ վերահսկողությունը բարձրացնելու նպատակով հանել տեխնիկական զննության կտրոնի տրամադրման պահանջը, և վերահսկողությունը իրականացնել էլեկտրոնային շտեմարանի և արատորոշման քարտի միջոցով:

Արատորոշման քարտը ներառում է անհրաժեշտ տեղեկատվություն տրանսպորտային միջոցի տեխնիկապես սարքին ճանաչվելու կամ հայտնաբերված թերությունների, ինչպես նաև տեխզննություն, կրկնակի տեխզննություն անցնելու վայրի, օրվա, ժամի վերաբերյալ:

Այն նաև տպագրվում և տրամադրվում է տրանսպորտային միջոցի սեփականատիրոջը կամ տնօրինողին: Քարտը լրացվում է էլեկտրոնային եղանակով, պահպանվում էլեկտրոնային շտեմարանում, ինչը հնարավորություն է տալիս ՃՈ-ին վերահսկողություն իրականացնել նաև էլեկտրոնային եղանակով` առանց տրանսպորտային միջոցը կանգնեցնելու:

Նշվում է, որ այս նախագծերի ընդունումից հետո կփոխարինվեն նաև կառավարության 2007 թվականի փետրվարի 15-ի թիվ 344-Ն և 2011 թվականի թիվ 350-Ն որոշմամբ հաստատված կարգերը, որոնցով կնախատեսվի, որ տեխզննության պահանջների որոշ մասը պարտադիր լինի ոչ ընդհանուր օգտագործման տրանսպորտային միջոցների և մինչև 3500 կգ առավելագույն ընդհանուր զանգված ունեցող բեռնատար տրանսպորտային միջոցների համար:

ընդունման պարագայում կունենանք հետևյալ արդյունքները.

1.կբացառվի տրանսպորտային միջոցների սեփականատերերի կամ տիրապետողների կողմից տեխզննության կտրոն ձեռք բերելու և առանց տեխզննության կայան ներկայանալու հողմապակուն փակցնելով տրանսպորտային միջոցների շահագործումը,

2. վերահսկողություն կիրականացվի ոչ թե կտրոնի առկայության կամ բացակայության, այլ տրանսպորտային միջոցի փաստացի տեխզննություն անցնելու կամ չանցնելու նկատմամբ` հիմք ընդունելով արատորոշման քարտի և էլեկտրոնային շտեմարանի տվյալները,

3. բացի տրանսպորտային միջոցների սեփականատերերին կամ տիրապետողներին վարչական պատասխանատվության ենթարկելուց, կսահմանվի նաև վարչական պատասխանատվություն կայանների նկատմամբ տեխզննության գործընթացը սահմանված կարգով չիրականացնելու համար:

ԼՈՒՍԻՆԵ ԱՌԱՔԵԼՅԱՆ

website by Sargssyan