Շա­հույթ ստա­նա­լու մա­սին չեն մտա­ծում, այս տար­վա առու­մով... ՏՆՏԵՍՈՒԹՅՈՒՆ
«Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վ... ՄՇԱԿՈՒՅԹ
«Գիրքը կարևոր արժեք ունի, այն կարող է մարդու ներաշխարհը փոխել» ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Երևան, 05.Հուլիս,
00
:
00
:
00
Փոխարժեք
478.65
$
560.79
Արթուր Վանեցյանը ընդդիմության համախմբման կենտրոնում Ուսուցիչների սոցփաթեթների մասին․ նոր որոշում Գագիկ Ծառուկյանի հավատամքը. եթե կան խնդիրներ, ապա կան նաև դրանք լուծելու բազում ճանապարհներ Հուլիսի 6-ին ամենամեծ քննությունն է՝ մաթեմատիկայից․ 47 քննական կենտրոնից գործելու է 46-ը Մենք ունենք նախ՝ պետական և ազգային ընդհանուր շահեր, նոր միայն անձնական Ուզում եմ հավատալ, որ Ազգային ժողովը չի գնա օրենքը վերանայելու ճանապարհով. Գեւորգ Դանիելյան ԲՀԿ նախագահ Գագիկ Ծառուկյանի շնորհավորական ուղերձը Սահմանադրության օրվա առթիվ Լիտվացի բժիշկների առաքելությունը Հայաստանում ավարտվեց (լուսանկարներ) Իրավական պետության կայացման ու պետության առողջացման համար կարևոր է «Մեկ Հայաստան» կուսակցության նախագահ Արթուր Ղազինյանի ջանքերը «Ինչ ունեն-չունեն հավաքեցին, բոխչաները դրեցին մեքենաների վրա ու վերադառնում են» Շփման գծում հրադադարը խախտվել է 200 անգամ Այսօր Հայաստանում նշվում է Սահմանադրության օրը ԱՄՆ-ն աշխարհը թողել է առանց դեղորայքի Հաստատվել է կորոնավիրուսի 706 նոր դեպք, առողջացել են 451-ը, մահացել է 7 պացիենտ

Սամվել Կարապետյանի եղբորորդին՝ Նարեկ Կարապետյանը, հարցազրույց է տվել ռուսական РБК-ին

Past.am

Նարեկ Կարապետյանը՝ «Տաշիր» ընկերությունների խմբի նախագահ Սամվել Կարապետյանի եղբորորդին, ռուսական РБК-ին մեկնաբանություններ է տվել ձեռներեց Վահե Պառազյանից գումար շորթելու և նրան ծեծի ենթարկելու մեղադրանքի վերաբերյալ: «Պառազյանը պնդում է, թե ես իմ թիկնապահների հետ միասին ծեծել եմ նրան: Սկսենք նրանից, որ ես թիկնապահներ չունեմ»,-հայտնել է Կարապետյանը: Նրա խոսքերով՝ մինչ այս դեպքը նրանք ծանոթ չեն եղել, և ձեռներեցը չի ժխտում այդ հանգամանքը:

 «Իմ ընկեր Տիգրան Ասլանյանը կենցաղային բնույթի վեճ է ունեցել Պառազյանի հետ, ես փորձել եմ նրանց հաշտեցնել: Ինչ-որ պահի ես հասկացա, որ մասնակցում եմ ինչ-որ նախապատրաստած սցենարի և պարզապես հեռացա»,-հայտնել է Կարապետյանը և ավելացրել, որ տեսահսկող տեսախցիկների ձայնագրությունները կարող են հաստատել, որ ինքը ծեծի պահին դեպքի վայրում չի եղել:

«Ես չեմ հասկանում, թե հետաքննությունը ինչպես կարող է քրեական գործ հարուցել՝ հիմնվելով միայն Պառազյանի խոսքերի վրա, ով նույնիսկ ծեծի հետքեր չի ունեցել», նշել է նա: Կարապետյանի փաստաբան Արմեն Ֆերոյանի խոսքերով՝ Պառազյանը միտումնավոր զրպարտում է իր պաշտպանյալին: «Նրան չեն ծեծել և առավել ևս՝ գումար չեն պահանջել: Բժշկական փորձաքննության արդյունքներով նրա մոտ հայտնաբերվել է մի քանի քերծվածք և փոքր վնասվածք: Դա պատճառ չի հանդիսացել գործ հարուցելու համար: Նարեկի մեղքը հաստատող ոչ մի փաստ չկա», հայտնել է նա РБК-ին: Փաստաբանը ավելացրել է, որ իր պաշտպանյալին շորթման մեջ մեղադրող Պառազյանի դեմ նույնպես նմանատիպ քրեական գործ է հարուցված Ռուսաստանում. «Նա փորձում է ցանկացած ձևով փախչել պատասխանատվությունից և 2015 թվականաին իր կողմից կատարած հանցագործության համար ստանալ նվազագույն պատիժ»:

Հայաստանի Քննչական կոմիտեն հուլիսի 16-ին հաղորդել է, որ Նարեկ Կարապետյանի նկատմամբ հարուցվել է գործ առանձնապես խոշոր չափերի շորթման վերաբերյալ: Գերատեսչությունում հստակեցրին, որ նա և ևս մեկ գործող անձ  մեղադրվում են ծեծի ենթարկելու և շորթման մեջ: Երկու տղաներն էլ տվել են ստորագրություն չհեռանալու մասին: Վահե Պառազյանը հուլիսի 4-ին դիմել է ոստիկանություն: Ձեռներեցը բողոքել է, որ Կարապետյանը մի քանի թիկնապահների հետ ծեծի է ենթարկել նրան և պահանջել 10 միլիոն եվրո:

Ինչպես ավելի վաղ նշել է Armenia Today հարթակը, ձեռներեցի հայրը՝ Աշոտ Պառազյանը, ներգրավված է եղել անօրինական սխեմաներում. 2016թ. նա աշխատել է «Տաշիր» ընկերությունների խմբում, որտեղից ենթակապալառու ընկերության հետ աշխատելու ընթացքում մեծ գումարի կոռուպցիոն սխեմաներ մշակելու պատճառով հեռացվել է: Փաստաբան Օլեգ Կորեննոյը հայտնել է, որ նույն տարում իրեն է դիմել գործարար Գարիկ Մարգարյանը: Նա հաստատել է, որ մեկ տարի առաջ Վահե Պառազյանը կազմակերպել է իր առևանգումը, ենթակաների հետ ծեծի է ենթարկել իրեն և դրամ է շորթել: Մարգարյանը Կալուգայում Պառազյանի հոր հետ բիզնես է ունեցել, սակայն ինչ-որ պահի նրանց միջև կոնֆլիկտ է ծագել: Ըստ ռուսական Forbes-ի՝ Սամվել Կարապետյանը Ռուսաստանի 200 ամենահարուստ գործարարների վարկանիշային սանդղակում 2018թ. զբաղեցնում է 30-րդ հորիզոնականը: Նրա կարողությունը գնահատվում է 3.7 միլիարդ ԱՄՆ դոլար:

website by Sargssyan