ՊԱՏՄՈՒԹՅԱՆ ԱՅՍ ՕՐԸ (6 ԴԵԿՏԵՄԲԵՐԻ)․ Ռու­սաս­տա­նում տե­ղի է ո... ՀԱՍԱՐԱԿՈՒԹՅՈՒՆ
Հար­կա­վոր է ինչ-որ ավե­լի կա­րև­որ բան, քան հեր­թա­կան գա­գ... ՄԻՋԱԶԳԱՅԻՆ
Հա­մա­գոր­ծակ­ցու­թյան օղա­կը խա­թար­ված է, բողոքներն ավելաց... ՀԱՐՑԱԶՐՈՒՅՑ
Բու­հե­րի կա­ռա­վար­ման խոր­հուրդ­նե­րում պե­տա­կան կամ քա­ղ... ՀԱՍԱՐԱԿՈՒԹՅՈՒՆ
«Հա­յաս­տանն աշ­խար­հում մի­ակ եր­կիրն է, որ չու­նի օդա­յին ... ՀԱՐՑԱԶՐՈՒՅՑ
Երևան, 07.Դեկտեմբեր,
00
:
00
:
00
Փոխարժեք
478.65
$
560.79
«Ինտերի» գլխավոր տնօրեն․ Կարծում եմ՝ «Յուվենտուսը» դարձյալ կդառնա չեմպիոն Արցախի ու Հայաստանի ապագան ու անվտանգությունը կախված է Փաշինյանից. «Ադեկվադ» ՀՀ ԶՈՒ զորամասերից մեկում հայտարարվել է ուսումնական տագնապ Անգելա Մերկելն առաջին անգամ այցելել է Օսվենցիմ Ինչի՞ պիտի ադրբեջանցին ու վրացին իրան լավ զգան. ավտոներկրողներն ԱԺ-ի մոտ են Զորամասում բռնաբարության դեպքը չի հիմնավորվել․ Գաբրիել Բալայան Պլեխանովի անվան տնտեսագիտական համալսարանի Երևանի մասնաճյուղը նշեց հիմնադրման 15-ամյակը (տեսանյութեր) Օրենսդիր մարմինը իրավունք չունի բանակում ինքնասպանությունների հարցում լինել դիտորդի կարգավիճակում «Հանրային շահ» հասարակական կազմակերպության հայտարարությունը Մեծ պատմություն՝ փոքր քաղաքում. մեկ օրում 3 գեղեցկության սրահ են թալանել Հայկական զինված ուժերն ամրապնդում են իրենց դիրքերը Վերաքննիչ դատարանի դատավոր Մխիթար Պապոյանը հեռացավ խորհրդակցական սենյակ (ֆոտո) Թաթա Սիմոնյանի ծննդյան տոնն ու ամփոփիչ համերգները ԱՄՆ-ում Հայ զինվորին ինքնասպանության հասցնողը թշնամուց բեթար է. Արման Աբովյան ՈՒՂԻՂ․ ավտոներկրողները կառավարության շենքի մոտ են Իշխանությունը մնացել է Վանոյի Արտակի հույսին․ ովքե՞ր են գաղափարի հեղինակները

«Խորհր­դատ­վա­կան կար­ծիք­նե­րը իրա­վա­կան հե­տև­անք­ներ են ունե­նա­լու»

Ինչպես հայտնի է, Սահմանադրական դատարանը աշխատակարգային որոշում է կայացրել «Երևան քաղաքի ընդհանուր իրավասության դատարանի և Ռոբերտ Քոչարյանի դիմումների հիման վրա՝ ՀՀ քրեական օրենսգրքի 300.1-րդ հոդվածի՝ Սահմանադրությանը համապատասխանության հարցը որոշելու վերաբերյալ» գործերի վարույթները կասեցնելու վերաբերյալ: Այդ գործերով ՍԴ-ն խորհրդատվական կարծիք ստանալու նպատակով դիմել է ՄԻԵԴ և Վենետիկի հանձնաժողով: Անդրադառնալով խորհրդատվական կարծիքի ազդեցության հնարավորությանը, խոսելով նաև ընթացակարգերի մասին՝ սահմանադրագետ Արամ Վարդևանյանը «Փաստի» հետ զրույցում նախ շեշտեց, որ ազդեցությունն էական է:

Վենետիկի հանձնաժողովի առումով նա ընդգծեց. «Վենետիկի հանձնաժողովի պարագայում ստացվում է, որ եվրոպական լավագույն մասնագետ-փորձագետները ներկայացնում են բարձրաձայնված հարցադրումների վերաբերյալ պատասխաններ՝ հաշվի առնելով լավագույն փորձը: Դրա ազդեցությունը պետք է գնահատվի այնքանով, որ պատասխանները միջազգային փորձի, հատկապես եվրոպական երկրներում ընդունելի մոտեցումների հանրագումարն է»,-ասաց նա:

Նա ընդգծեց, որ ըստ ընթացակարգի՝ ՍԴ աշխատակարգային որոշումը, այնտեղ ընդգրկված հարցադրումները Վենետիկի հանձնաժողովին փոխանցվում են ՍԴ նախագահի նամակի միջոցով: «Ես երեկ նկատեցի, որ վարչապետի խորհրդական Եղիշե Կիրակոսյանը, որին շատ լավ ճանաչում եմ ու հարգում, հայտնել էր կարծիք, թե պարզ չէ այդ ինչպե՞ս պետք է Վենետիկի հանձնաժողովը հարցեր տա, արդյո՞ք դա առհասարակ իրավաչափ կարող է լինել և այլն: Դրա վերաբերյալ պարզապես տեղեկացնեմ, որ 2015, 2016, 2018 թվականներին մի քանի դեպքեր են եղել, երբ օրինակ, Մոլդովայի, Վրաստանի, Լեհաստանի Սահմանադրական դատարանների նախագահները դիմել են Վենետիկի հանձնաժողով՝ կարծիք ստանալու համար: 

Ի դեպ՝ Մոլդովայի ՍԴ նախագահի դիմումը հենց քրեական օրենսգրքի հոդվածին էր վերաբերում: Սա լայն տարածում ունեցող գործիք է ու չափազանց արդյունավետ: Այսինքն, այստեղ Վենետիկի հանձնաժողովը ոչ թե որպես դատարան է հանդես գալիս, այլ իրավական, նույնիսկ սահմանադրաիրավական հարցադրումների վերաբերյալ տրամադրում է խորհրդատվական բնույթի մասնագիտական փորձագիտական կարծիք:

Հետևաբար, սա նոր գործիք չէ և լայն տարածում ունի»,ասաց նա՝ շեշտելով, որ այլ հարց է, որ, միգուցե, ՀՀ-ում այն դեռևս պետք է ընկալվի:

«Ինչ վերաբերում է Եվրոպական դատարանին, ապա սա արդեն ամբողջովին նոր գործիք է: 16-րդ արձանագրությունը դեռևս նոր մշակված, նոր ընդունված փաստաթուղթ է. Եվրոպական դատարանն այդ առումով դեռ մեկ դեպք է ունեցել. Ֆրանսիայի Վճռաբեկ դատարանն էր դիմում ներկայացրել Եվրոպական դատարանի բարձր պալատին:

Սա նոր գործիք է, բայց այստեղ ընթացակարգը մի քիչ ավելի տարբեր է: Նախ՝ պետք է այս դիմումը վարույթ ընդունվի, ինչն իրենից, ըստ էության, ենթադրում է մոտ 45 օր տևողության գործընթաց: Դրանից հետո արդեն պետք է որոշում կայացվի, որը կրկին խորհրդատվական բնույթի կարծիք է: Այսինքն, այն Եվրոպական դատարանի որոշում չէ, վճիռ չէ, խորհրդատվական բնույթի կարծիք, եզրակացություն է: Խոսքը կրկին իրավական, սահմանադրաիրավական բնույթի, եվրոպական կոնվենցիոնալ իրավունքների հարցերի վերաբերյալ կարծիքի, եզրակացության մասին է»,-նշեց սահմանադրագետը:

Խոսելով խորհրդատվական կարծիքի ազդեցության մասին՝ Ա. Վարդևանյանը շեշտեց. «Խորհրդատվական կարծիքը կարող է օգտագործվել թե՛ պաշտպանական, թե՛ մեղադրական և թե՛ առհասարակ հետագայում ցանկացած անձի կողմից: Ի վերջո, այդ կարծիքները պատկանելու են մեր իրավական արժեհամակարգին, մշակույթին և դրա բաղկացուցիչ մասն են կազմելու: Միտքը հետևյալն է՝ դա պատկանելու է իրավական համակարգին, և բոլորը դա կարող են օգտագործել»:

Ինչ վերաբերում է վերոնշյալ կոնկրետ գործերին՝ մեր զրուցակիցը նշեց. «Պետք է հաշվի առնել, որ, բնականաբար, դրանք ունենալու են իրավական հետևանքներ, քանի որ այդ կարծիքների հիման վրա է, որ Սահմանադրական դատարանն, ի վերջո, իր որոշումն է կայացնելու: Այսինքն, դրանք արտացոլվելու են Սահմանադրական դատարանի որոշման մեջ, իսկ ՍԴ որոշումը, բնականաբար, պարտադիր է բոլորի համար, և այն ուժի մեջ է մտնում հրապարակման պահից: Բայց մինչև չլինեն կարծիքները, այդ որոշումը չի լինելու»: Անդրադառնալով ՄԻԵԴ և Վենետիկի հանձնաժողովին ուղղված ՍԴ դիմումին՝ Ա. Վարդևանյանը շեշտեց՝ հաշվի առնելով ՍԴ հաղորդագրությունը՝ առարկան 300.1 հոդվածն է, որտեղ, ըստ նրա կանխատեսման, բարձրաձայնվել են որոշակիության հարցադրումը, հետադարձ ուժի հարցը, նորմի կանխատեսելիությունը և այլն:

Ամփոփելով՝ նա շեշտեց. «Միակ բանը, որ կարող եմ արձանագրել, այն է, որ այդ գործընթացը, իհարկե, բնականոն երևույթ է, եվրոպական փորձում լայն տարածում ունի, և այստեղ որևէ արտառոց բան չկա: Ուղղակի կա մեկ հանգամանք, որը սրա հետ ուղղակի պատճառահետևանքային կապի մեջ է: Սա ոչ թե պայմանավորված է հենց այս, այլ նախորդ աշխատակարգային որոշմամբ, որով հենց դատարանի դիմումը վարույթ ընդունվեց:

Այդ պարագայում պարզապես կալանավորումը որպես խափանման միջոց չի կարող կիրառվել: Նման իրավիճակում կալանավորումը որպես խափանման միջոց իրավունքի խնդիր է առաջացնում, և այն չի կարող բխել իրավունքի գերակայության սկզբունքից. եթե դատարանը, տեսնելով, որ առկա է սահմանադրականության խնդիր, դիմում է ՍԴ, կիրառվող նորմն էլ 300.1-ն է, որով վարույթ է ընդունվում, այդ պարագայում կալանավորում չի կարող կիրառվել: Հետևաբար, անհապաղ պետք է վերացվի խափանման միջոց կալանավորումը, իսկ այնուհետև պետք է սպասել, մինչև կլինեն ՍԴ-ի վերջնական որոշումը և դրանից բխող դատավարական գործողությունները»,-եզրափակեց սահմանադրագետը:

ԱՆՆԱ ԲԱԴԱԼՅԱՆ

website by Sargssyan