«Շատ դեպքերում պետական կառույցները գործում են իրարից անկախ և... ՀԱՍԱՐԱԿՈՒԹՅՈՒՆ
Սննդամթերքի շուկայում կրկին գնաճ կա. պարենային որոշ ապրանքնե... ՏՆՏԵՍՈՒԹՅՈՒՆ
Ոսկու գինը բարձրացել է, առևտուրը՝ կիսով չափ պակասել. ի՞նչ խն... ՏՆՏԵՍՈՒԹՅՈՒՆ
Համավարակով պայմանավորված՝ առաջարկվում է երկարաձգել աղետի գո... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
Երևան, 12.Հուլիս,
00
:
00
:
00
Փոխարժեք
478.65
$
560.79
Եթե Կառավարությունը բիզնեսի աջակցության այլ քայլեր չձեռնարկի, նվազագույնը 80,000 գործազուրկ կավելանա․ Գագիկ Մակարյան Սևանի ափին հանգստացողները ո՞ր դեպքում կարող են դիմակ չկրել /Տեսանյութեր/ Սահմանադրական բարեփոխումների մասնագիտական հանձնաժողովը հաստատել է Արթուր Ղամբարյանի «Հայաստանյայց Առաքելական Սուրբ Եկեղեցու սահմանադրական կարգավիճակի բարեփոխումների դոկտրինալ հայեցակարգի» առաջարկը Ցավալի լուր. մահացել է Աբել Աղանբեկյանը Այս իշխանությունների համար պետբյուջեի ԱՄԵՆԱՊԱՇՏՊԱՆՎԱԾ ԾԱԽՍԱՅԻՆ ՀՈԴՎԱԾԸ դա ՊԱՐԳԵՎԱՏՐՈՒՄՆԵՐԻ հոդվածն է. Հայկ Ֆարմանյան Վարչապետ Փաշինյանը հրապարակել է հայ ժողովրդի ազգային նպատակները Վախենո՞ւմ էիք շեշտել Հայոց ցեղասպանության փաստը և հայերի հանդեպ մշակութային ցեղասպանության քաղաքականությունը․ Աշոտյանը՝ ԱԳՆ-ին Հուլիսի 12-ին Լեռնային Ղարաբաղի մարզային խորհուրդը հայտարարում է Ադրբեջանի կազմից դուրս գալու մասին Հայաստանում կորոնավիրուսով վարակվածների թիվը ավելացել է 577-ով, գրանցվել է 8 մահվան դեպք «Նաիրի Սարգսյանը խաբել է, որ բնակարան կտրամադրեն»․ իրեն ցած նետել փորձողը մանկատան սան է Ֆրանսիայում փոխքաղաքապետ է ընտրվել ազգությամբ հայ Սերժ Քեհեայանը Ես շոկի մեջ էի. Սոֆի Դեւոյան Հայաստանը պահպանում է առաջատարի դիրքը տարածաշրջանում կորոնավիրուսով վարակման ու մահացության ցուցանիշով և 9-րդն է աշխարհում՝ վարակման ցուցանիշով «Չեմ ների երկրորդ անգամ». Անի Երանյան «Ոսկե ծիրան» միջազգային կինոփառատոնն այս տարի տեղի կունենա նոյեմբերին «Նրա մահն իմ կյանքում շատ բան փոխեց». Ժաննա Բուտուլյանը՝ կյանքի մեծ կորստի մասին ՀՀ ԶՈՒ ԳՇ պետն ընդունել է ՌԴ դեսպանության ռազմական կցորդին Շուտով կիրականանա բազմաթիվ ստեփանակերտցիների երկար տարիների երազանքը. Արայիկ Հարությունյան /տեսանյութ/ «Սորոսի» կազմակերպությունը ուզում է սեպ խրել հայերի ու եզդիների դարավոր բարեկամության մեջ, բայց որևէ խնդիր չկա. Ազիզ Թամոյան. Tert.am Հայ-ամերիկյան տհաճ անակնկալ Բաքվի համար. Ալիեւի փակուղին խորանում է

Վար­չա­պե­տին մո­լո­րեց­նո՞ւմ են. պար­զու­նա­կու­թյան ու մա­կե­րե­սայ­նու­թյան սահ­ման­նե­րը

Վարչապետ Նիկոլ Փաշինյանը վերջին հարցազրույցում դատավորներին անդրադառնալիս՝ կոռուպցիայի, կաշառակերության հետ կապված ուշագրավ հայտարարություն արեց: Նրա խոսքով` 400 հազար դրամ աշխատավարձ ստացող դատավորը չի կարող միլիոնների գործեր քննելիս լինել անաչառ, հակված կլինի կոռուպցիայի:

Նախկինում ևս նա առիթ է ունեցել պնդելու, որ չենք կարող Հայաստանում ունենալ անկախ դատական համակարգ` առանց դատավորների աշխատավարձը 5-6 անգամ բարձրացնելու: Իհարկե, առանձին վերցրած՝ անհնար է վիճարկել այս պնդումը, այն տրամաբանական է: Սակայն երբ Իջևանում անտառահատների և ոստիկանների միջև հայտնի բախումների մասնակիցներից մեկին առաջարկեցին օրական 10 հազար դրամով աշխատանք, նա ասաց.

«Դու օրը 10 հազար դրամով կարո՞ղ ես տուն պահել՝ երեխուն պահել, ծախսերը հոգալ»: Հասարակ քաղաքացու այդ հարցը դարձավ լայն քննարկման առարկա, մարդիկ զարմացան, որ փաստորեն ապօրինաբար ծառ կտրելվաճառելով այդ մարդն ավելի շատ է վաստակում, և օրական 10 հազար դրամն իր համար չնչին գումար է: Նման պայմաններում ինչպե՞ս է առհասարակ վեր կացել ու բողոքում:

Բայց քաղաքացին, ըստ էության, ասել է նույն բանը, ինչ Հայաստանի վարչապետը: Ասել է, որ ավելի լավ աշխատավարձ առաջարկեք, որ չգողանամ:

Եթե այդ տրամաբանությունն արդարացի է դատավորների հարցում, ապա ինչո՞ւ չպետք է արդարացի լինի մնացած քաղաքացիների համար: Իհարկե, կասեն, որ դատավորի աշխատանքը պահանջում է բարձր որակավորում ու պատասխանատու է: Այո, և հենց այդ պատճառով այսօր դատավորները ստանում են մյուսներից շատ ավելի բարձր աշխատավարձ: 

Հայաստանի Հանրապետությունում ամենաբարձր վարձատրվող պաշտոնյաներն են նախագահը, վարչապետը և ԱԺ նախագահը` ավելի քան 1 մլն 300 հազար: Աշխատավարձի մեծությամբ նրանց հաջորդում են Սահմանադրական դատարանի նախագահը, Բարձրագույն դատական խորհրդի նախագահը` ավելի քան 1մլն դրամ: Մարդու իրավունքների պաշտպանի, Գլխավոր դատախազի, Վճռաբեկ դատարանի նախագահի աշխատավարձը կազմում է մոտ 990 հազար դրամ: Համեմատաբար ցածր են վարձատրվում վարչական և առաջին ատյանի դատարանների դատավորները, բայց նրանց աշխատավարձը նույնքան է, որքան պատգամավորներինը, ովքեր մշակում են այն օրենքները, որ դատավորները պետք է կյանքի կոչեն:

Ակնհայտ է, որ Հայաստանի պետական բյուջեից ամենաբարձր վարձատրվողները առաջին հերթին հենց դատավորներն են: Այս իրավիճակում ի՞նչ ասեն ոչ պակաս կարևոր առաքելություն իրականացնող մանկավարժները, բժիշկները, զինվորականները կամ փրկարարները, որոնք թեկուզ չնչին աշխատավարձով, սակայն մեծամասամբ պարտքի մեծ զգացումով կատարում են իրենց աշխատանքը: Իհարկե, նրանք էլ են բողոքում ցածր աշխատավարձից, բայց որքանո՞վ է բարոյական դատավորներից 4-10 անգամ քիչ վարձատրվող քաղաքացիներին ասել, որ եթե չեք ուզում դատավորը լինի կաշառակեր, պետք է ձեզանից էլ ավելի բարձր աշխատավարձ ստանա, իսկ դուք ցածր աշխատավարձով էլ չհամարձակվեք... պայմանականորեն ասած՝ «փայտ կտրել»:

Բարձր աշխատավարձն, իրականում, երաշխիք չէ կոռուպցիայի դեմ պայքարելու համար, այն էլ՝ դատավորների հարցում: Ինչպես տեսանք, նրանք արդեն իսկ ստանում են մյուսներից ավելի բարձր աշխատավարձ, բայց վարչապետի մակարդակով անգամ ընդունում ենք, որ դատական համակարգում կա մեծ կոռուպցիա: 

Ըստ այդմ` որքանո՞վ է ռացիոնալ կոռուպցիայի դեմ պայքարը գերազանցապես կապել այդ խնդրի հետ և ցուցաբերել նման ընտրողական մոտեցում:

Եթե անգամ 5-6 անգամ բարձրանան աշխատավարձերը, դատավորներն, ի՞նչ է, չե՞ն քննելու միլիոնների գործեր ու չե՞ն գայթակղվելու: Սովորաբար ախորժակը բացվում է հենց ուտելու ժամանակ: Հետևաբար այդ փաստարկը, առանձին վերցրած՝ լինելով տրամաբանական, իրականում արդարացում է: Կոռուպցիայի պատճառները շատ ավելի խորն են, աշխատավարձի հարցը դրանցից ընդամենը մեկն է: 

Հնարավոր չէ պարզունակ մոտեցումներով հաղթահարել սոցիալ-տնտեսական կուտակված խնդիրները: Բայց մեկ բան է խնդիրների նկատմամբ ցուցաբերել մակերեսային մոտեցում, մեկ այլ բան` չտիրապետել իրական թվերին, մարդկանց մոլորեցնել աշխատատեղերի հարցում: Օրինակ՝ Հայաստանում ցանկացած օրինական գրանցված աշխատող պարտադիր վճարումներ է անում «Զինծառայողների ապահովագրության հիմնադրամին»: Այդ հիմնադրամի խորհրդի անդամ Մեսրոպ Մանուկյանը ֆեյսբուքյան իր էջում գրել է, որ վարչապետի ներկայացրած թվերը իրականությանը չեն համապատասխանում:

Փաշինյանը ապրիլին հայտարարել էր, որ ՀՀ-ում կա օրինական գրանցված 562 043 աշխատող: Մինչդեռ հիմնադրամի հաշվետվությունից պարզ է դառնում, որ աշխատողների ամենամեծ թիվը գրանցվել է մարտին` 501 572, իսկ վատագույն ամիսը եղել է հունվարին` 433 962 օրինական աշխատող:

Մեսրոպ Մանուկյանը նկատել է. «Կարծում եմ` պետական այն պաշտոնյան, ով վարչապետին նման անհարմար վիճակի մեջ է գցում, պետք է հրապարակայնորեն պատժվի: Մանավանդ, չեմ ուզում հավատալ, որ այդ գումարներն հավաքագրվում են, սակայն... գրպանվում են»: Աշխատավարձերի բարձրացումն, անշուշտ, կարևոր խնդիր է: Բայց բարոյական դասեր տալուց առաջ չպետք է կտրվել իրականությունից:

ՏԻԳՐԱՆ ԽԱՉԱՏՐՅԱՆ

website by Sargssyan