Նարեկ Սարգսյանը կարտահանձնվի Հայաստան․ ՀՀ գլխավոր դատախազութ... ԲԼՈԳ
Դի­վա­նա­գի­տա­կան ներ­կա­յա­ցուց­չու­թյան ոչ մի աշ­խա­տա­կի... ՄԻՋԱԶԳԱՅԻՆ
Նոնսենս է. ՍԴ դատավորներին 700 մլն դրամով ուղարկում ենք փառա... ՎԻԴԵՈ
ՊԱՏՄՈՒԹՅԱՆ ԱՅՍ ՕՐԸ (10 ԴԵԿՏԵՄԲԵՐԻ)․ Ադր­բե­ջան­ցի­նե­րի հերթ... ՀԱՍԱՐԱԿՈՒԹՅՈՒՆ
«Կա­ռա­վա­րու­թյան 1,5 տար­վա գոր­ծու­նե­ու­թյան ըն­թաց­քում... ՀԱՐՑԱԶՐՈՒՅՑ
Երևան, 10.Դեկտեմբեր,
00
:
00
:
00
Փոխարժեք
478.65
$
560.79

Օսիպյանը ներկայացրել է ոստիկանության Տավուշի մարզային վարչության պետին. Նա համակարգում է 23 տարի

Past.am

Հուլիսի 23-ին ՀՀ ոստիկանության պետ, ոստիկանության գեներալ-մայոր Վալերի Օսիպյանը ոստիկանության Տավուշի մարզային վարչության եւ ենթակա բաժինների անձնակազմին ներկայացրեց վարչության նորանշանակ պետ, ոստիկանության գնդապետ Արմեն Գասպարյանին:

Արմեն Գասպարյանը ոստիկանության համակարգում ծառայում է շուրջ 23 տարի, զբաղեցրել է տարբեր պաշտոններ՝ օպերլիազորից մինչեւ մարզային վարչության պետ: Մինչ այս, զբաղեցնում էր ոստիկանության Արարատի մարզային վարչության պետի պաշտոնը:

ՀՀ ոստիկանության պետը շնորհակալություն հայտնեց վարչության պետի ժամանակավոր պաշտոնակատարին ծառայության համար եւ վստահեցրեց, որ ոստիկանության Տավուշի մարզային վարչության անձնակազմը Արմեն Գասպարյանի ղեկավարությամբ էլ ավելի սրտացավ ու բարեխիղճ ծառայություն կիրականացնի:

Ոստիկանության գնդապետ Արմեն Գասպարյանը շնորհակալություն հայտնելով վստահության համար, հավաստիացրեց, որ վարչության անձնակազմը իր առջեւ դրված ցանկացած խնդիր կլուծի պատվով ու բարձր պատասխանատվությամբ:

Վալերի Օսիպյանը անդրադարձավ նաեւ վերջերս Տավուշում տեղի ունեցած դեպքերին: Նա եւս մեկ անգամ վերահաստատեց, որ պետության հետ վերջնագրերով խոսելն անթույլատրելի է: Իսկ ինչ վերաբերում է ապօրինի ծառահատումներին՝ ապա ոստիկանությունը շարունակում է ուժեղացված ծառայությունը, եւ բոլոր այն անձինք, որոնք կզբաղվեն ապօրինի ծառահատումներով, հայտնաբերվելու եւ ենթարկվելու են պատասխանատվության:

Ելույթ ունեցավ նաեւ Տավուշի մարզպետ Հայկ Չոբանյանը: Նա շնորհակալություն հայտնեց ոստիկանությանը բարեխիղճ ծառայության համար եւ պատրաստակամություն հայտնեց միասին պայքարելու հակաօրինական դրսեւորումների դեմ:

Քննարկվեցին ոստիկանության Տավուշի մարզային վարչության գործառույթներին վերաբերող այլ հարցեր եւս:

 

 

website by Sargssyan