Նիկոլ Փաշինյանը նոր նշանակում է արել ՔԱՂԱՔԱԿԱՆ
1000–ից ավելի հայկական բեռնատարներ մնացել են Վերին Լարսում. ... ՀԱՍԱՐԱԿՈՒԹՅՈՒՆ
Ադրբեջանը ձեռնարկել է դիվերսիոն ներթափանցման փորձ. մեկ դիակ ... ԲԼՈԳ
ՈՒՂԻՂ․ Նիկոլ Փաշինյանի մամուլի ասուլիսը Լոս Անջելեսում ՎԻԴԵՈ
Ջորջ Սորոսը ցանկություն էր հայտնել ինձ հետ հանդիպել․ Նիկոլ Փ... ՔԱՂԱՔԱԿԱՆ
Երևան, 23.Սեպտեմբեր,
00
:
00
:
00
Փոխարժեք
478.65
$
560.79
«Ճղճիմ հայտարարություններ անելը շարունակում է մնալ Նիկոլի գործելաոճը». Լեւոն Քոչարյան ՀՀ ԱԺ պատգամավորը պատմել է ռուս գործընկերոջ հետ գազի գնի հարցի շուրջ իր զրույցի մասին Արցախի «Արդարություն» կուսակցության հայտարարությունը Ով է Նիկոլ Փաշինյանի օգնական նշանակված Սուրեն Ղամբարյանը «Մարզպետ, կերած-խմածդ քթիցդ կբերեմ, ողնաշարդ կջարդեմ». Փոխգնդապետի հայրը` մարզպետին Նիկոլ Փաշինյանը նոր նշանակում է արել «Տոտենհեմի» խաղացող․ Ֆուտբոլը VAR-ի պատճռով վերածվել է այլ խաղի Ադրբեջանում շտապել են «բացատրել». զոհված զինծառայողը մոլորվել է, ոչ թե մասնակցել դիվերսիայի 1000–ից ավելի հայկական բեռնատարներ մնացել են Վերին Լարսում. տուգանքները հասնում են 100.000 ռուբլու (ֆոտո) Պատկերացնո՞ւմ եք, եթե հանկարծ ես սկսեմ խոսել. Վանեցյանի պատասխանը՝ Փաշինյանին Արծրուն Հովհաննիսյանը՝ իր հասցեին հնչած որոշ քննադատությունների մասին Երբ Արցախի բանակի գեներալների վրա գործ էիք սարքում, չէի՞ր հիշում ուսադիրների ու արժանապատվության մասին. Շարմազանով Վարչապետը հանդիպել է Կալիֆորնիայի փոխնահանգապետի եւ Լոս Անջելեսի քաղաքային իշխանության ներկայացուցիչների հետ (ֆոտո) ԱԺ-ն շարունակում է արտահերթ նիստի աշխատանքւ. Օրակարգում մեկ հարց է (ուղիղ) Վանեցյանը իր ուսադիրները նետեց աղբամանը. Նիկոլ Փաշինյան Ծնկի կբերվեն այն եկեղեցականները, ովքեր կփորձեն քանդել մեր ոտքի տակ. Փաշինյան ՀՀ կառավարությունն այսօր ի վիճակի է իրականացնել նույնքան մասշտաբային ծրագրեր, որքան Լինսի հիմնադրամը. Փաշինյան

«Վտանգ­ված են և՛ սպա­ռող­նե­րի իրա­վուն­քը, և՛ մրցակ­ցա­յին մի­ջա­վայ­րը, և՛ Հա­յաս­տա­նի իմի­ջը»

Հուրգադա-Երևան չվերթի չեղարկման պատճառով 100 հայ էր մնացել Եգիպտոսում: Երևանից ևս քաղաքացիները չէին կարողացել մեկնել Հուրգադա: Ավելի վաղ Շարմ էլ Շեյխ-Երևան և հակառակ ուղղությամբ չարտերային չվերթները ևս չէին կայացել: Մեկ ընկերության գործունեության հետևանքը, ըստ տուրիզմի հայկական ֆեդերացիայի նախագահ Մեխակ Ապրեսյանի, ավելի խորքային պատճառներ ունի:

Նա մեզ հետ զրույցում շեշտեց, որ նման դեպք նաև մոտ մեկ ամիս առաջ է տեղի ունեցել:

«Առհասարակ քաղաքացին իր ընտրությունը կատարելիս պետք է ճիշտ ճանապարհ բռնի, տեսնի, թե իրեն ի՞նչ պայմանագիր ու պայմաններ են առաջարկում, ո՞ւմ է դիմում, այդ ընկերությունն ի՞նչ պատմություն ունի, ի՞նչ կազմակերպության անդամ է:

Տուրիզմի հայկական ֆեդերացիայի կանոնադրության համաձայն՝ մենք չենք կարող համագործակցել այն կազմակերպությունների հետ, որոնք իրենց գործունեությամբ ստվեր են գցում ու բացասաբար անդրադառնում մյուս անդամների ու Հայաստանի իմիջի վրա: Նման ռիսկերի դեպքում նրանք հեռացվում կամ սև ցուցակում են հայտնվում, բայց խնդիրը խորքային է:

Տարիներ շարունակ պնդելուց հետո, այսօր թե՛ ես, թե՛ տուրիզմի ֆեդերացիան շարունակում ենք պնդել՝ ժամանակն է, որ դաշտը ունենա ավելի հստակ ու խիստ կարգավորում: Առ այսօր «Զբոսաշրջության մասին» օրենքը գործել է համապատասխան այն ժամանակահատվածի, երբ այն դեռ նոր էր ընդունվել: Օրենքն ուժի մեջ է 2003-2004թթ.-ից, երբ զբոսաշրջային քաղաքականությունն այլ խնդիրներ ու նպատակներ ուներ: Օրենքն ունեցել է իր դերակատարումը, բայց հիմա դաշտը ձևավորվել է, բավականին խիստ մրցակցություն կա, և ավելի խիստ կարգավորման ժամանակն է: 

Այժմ զբոսաշրջային օպերատորների, գործակալների, զբոսավարների, զբոսաշրջային տրանսպորտի, հյուրանոցային ծառայությունների գործունեությունը պետք է լիցենզավորվի: Սա շատ կարևոր է՝ ամեն մեկը չպետք է կարողանա երկիր ներկայացնելու իրավասություն ունենալ»,-«Փաստի» հետ զրույցում ասաց Մ. Ապրեսյանը՝ հավելելով, որ եթե օր առաջ դաշտը չկարգավորենք, նման դեպքեր դեռ շատ ենք ունենալու:

«Կարևոր է նաև ներգնա տուրիզմը. դուք պատկերացրեք՝ եթե արդեն ունենանք խաբված օտարերկրյա զբոսաշրջիկներ, ինչպես նաև օտարերկրյա գործընկերներ, որոնք զբոսաշրջիկներ են ուղարկում Հայաստան: Նրանք ևս կսկսեն հիասթափվել հայկական զբոսաշրջային ընկերություններից: Իսկ մեկ-երկու հիասթափությունը չի նշանակելու հիասթափություն այս կամ այն ընկերությունից: 

Դա նշանակելու է հիասթափություն երկրից: Նրանք մտածելու են, որ այստեղ բոլորն են այդպիսին: Ձեր միջոցով ֆեդերացիան դիմում է զբոսաշրջության կոմիտեին, Հայաստանի կառավարությանը, ԱԺ-ին ու այլ իրավասու մարմիններին. պետք է արագացնել գործընթացը:

Օր առաջ պետք է ընդունել «Զբոսաշրջության մասին» նոր օրենքը: Նախագծերի փաթեթն արդեն կա, պարզապես անհրաժեշտ է որոշակի լրամշակումներ անել, շրջանառության մեջ դնել ու ընդունել: Ի թիվս այլ հարցերի, որը կարգավորում է այդ օրենքի նախագիծը, այն բավականին շատ լուծումներ է տալիս, որոնցից մեկը զբոսաշրջային օպերատորի գործունեության լիցենզավորումն է: Կարող ենք այդ գործունեության տեսակներին տալ նաև «ծանուցման ենթակա գործունեության տեսակ» սահմանումը ու նրանց նկատմամբ սահմանել որակական չափանիշներ:

Զբոսաշրջային օպերատորների գործունեության համար նաև ֆինանսական երաշխիքների մեխանիզմ կարող ենք կիրառել՝ նրանց սնանկության դեպքում սպառողի նկատմամբ պայմանագրով ստանձնած պարտավորությունների կատարումն ապահովելու նպատակով»,-ասաց նա՝ շեշտելով, որ այդ մեխանիզմը կիրառելու արդյունքում «չոլերում» հայտնված ու Հայաստան վերադառնալ չկարողացող քաղաքացիներ չեն լինի:

«Մենք պետք է գնանք խիստ կարգավորումների ճանապարհով: Այսօր ոլորտում առկա խնդիրները լուծելու այլ ավելի լավ տարբերակ չկա, իսկ խնդիրները շատ են: Այսօր վտանգված են և՛ սպառողների իրավունքը, և՛ մրցակցային միջավայրը, և՛ Հայաստանի իմիջը:

Ով ինչպես պատկերացնում է, երկիր է ներկայացնում, անկախ նրանից՝ ունի՞ այդ գիտելիքն ու հմտությունը, թե՞ ոչ: Բացի այդ, հարևան երկրներից Հայաստան են գալիս անբարեխիղճ գործարարներ ու զբոսավարներ, որոնք յուրովի են ներկայացնում մեր երկիրն ու ժառանգությունը, Արցախյան ազատամարտը, կրոնը և այլն: Այդ ամենը բացասաբար է անդրադառնում Հայաստանի իմիջի վրա:

Մենք ուզում ենք զբոսաշրջության միջոցով նպաստել թե՛ մեր տնտեսական զարգացմանը, թե՛ Հայաստանի հեղինակության բարձրացմանն աշխարհում, բայց, փաստորեն, հակառակն է ստացվում: Արդեն հաճախակի են դեպքերը, երբ ունենում ենք խաբված սպառող ու զբոսաշրջիկներ»:

Մեխակ Ապրեսյանը շեշտեց, որ հետևանքների հիմքում տվյալ պարագայում անբարեխիղճ տուրօպերատորական գործունեությունն է: Միևնույն ժամանակ նա ընդգծեց, որ հնարավոր է ունենալ չափանիշներ, որոնք կբացառեն նման դրսևորումները. «Զբոսաշրջության կոմիտեն պետք է մշակի այդ չափանիշները՝ համագործակցելով թե՛ պետական, թե՛ մասնավոր հատվածի բոլոր շահագրգիռ կողմերի հետ:

Զբոսաշրջության կոմիտեում նախագիծն արդեն կա, ուր կան նաև չափանիշներ: Միգուցե քննարկման կարիք կա՝ մինչ այն շրջանառության մեջ դնելը, բայց որ գործընթացն արագացնել է պետք, միանշանակ է»:

ԱՆՆԱ ԲԱԴԱԼՅԱՆ

website by Sargssyan