Նիկոլ Փաշինյանը նոր նշանակում է արել ՔԱՂԱՔԱԿԱՆ
1000–ից ավելի հայկական բեռնատարներ մնացել են Վերին Լարսում. ... ՀԱՍԱՐԱԿՈՒԹՅՈՒՆ
Ադրբեջանը ձեռնարկել է դիվերսիոն ներթափանցման փորձ. մեկ դիակ ... ԲԼՈԳ
ՈՒՂԻՂ․ Նիկոլ Փաշինյանի մամուլի ասուլիսը Լոս Անջելեսում ՎԻԴԵՈ
Ջորջ Սորոսը ցանկություն էր հայտնել ինձ հետ հանդիպել․ Նիկոլ Փ... ՔԱՂԱՔԱԿԱՆ
Երևան, 23.Սեպտեմբեր,
00
:
00
:
00
Փոխարժեք
478.65
$
560.79
«Ճղճիմ հայտարարություններ անելը շարունակում է մնալ Նիկոլի գործելաոճը». Լեւոն Քոչարյան ՀՀ ԱԺ պատգամավորը պատմել է ռուս գործընկերոջ հետ գազի գնի հարցի շուրջ իր զրույցի մասին Արցախի «Արդարություն» կուսակցության հայտարարությունը Ով է Նիկոլ Փաշինյանի օգնական նշանակված Սուրեն Ղամբարյանը «Մարզպետ, կերած-խմածդ քթիցդ կբերեմ, ողնաշարդ կջարդեմ». Փոխգնդապետի հայրը` մարզպետին Նիկոլ Փաշինյանը նոր նշանակում է արել «Տոտենհեմի» խաղացող․ Ֆուտբոլը VAR-ի պատճռով վերածվել է այլ խաղի Ադրբեջանում շտապել են «բացատրել». զոհված զինծառայողը մոլորվել է, ոչ թե մասնակցել դիվերսիայի 1000–ից ավելի հայկական բեռնատարներ մնացել են Վերին Լարսում. տուգանքները հասնում են 100.000 ռուբլու (ֆոտո) Պատկերացնո՞ւմ եք, եթե հանկարծ ես սկսեմ խոսել. Վանեցյանի պատասխանը՝ Փաշինյանին Արծրուն Հովհաննիսյանը՝ իր հասցեին հնչած որոշ քննադատությունների մասին Երբ Արցախի բանակի գեներալների վրա գործ էիք սարքում, չէի՞ր հիշում ուսադիրների ու արժանապատվության մասին. Շարմազանով Վարչապետը հանդիպել է Կալիֆորնիայի փոխնահանգապետի եւ Լոս Անջելեսի քաղաքային իշխանության ներկայացուցիչների հետ (ֆոտո) ԱԺ-ն շարունակում է արտահերթ նիստի աշխատանքւ. Օրակարգում մեկ հարց է (ուղիղ) Վանեցյանը իր ուսադիրները նետեց աղբամանը. Նիկոլ Փաշինյան Ծնկի կբերվեն այն եկեղեցականները, ովքեր կփորձեն քանդել մեր ոտքի տակ. Փաշինյան

«Հա­կա­ռա­կոր­դը ամե­նև­ին միտ­ված չէ խա­ղաղ ու բա­նակ­ցա­յին ճա­նա­պար­հով հար­ցի լուծ­ման գնալ»

Նախորդող օրերի ընթացքում ՀՀ պետական սահմանի հյուսիս-արևելյան հատվածում ադրբեջանական կողմի սադրիչ գործողությունների հետևանքով հայկական կողմն ունի մեկ զոհ ու երկու վիրավոր: Ադրբեջանական կողմի գործողությունները եղել են դիպուկահարների ներգրավմամբ:

«Հայոց հզոր բանակ» ծրագրի ղեկավար, ռազմական փորձագետ Կարեն Հովհաննիսյանը փաստում է վերջին շրջանում սահմանի ողջ երկայնքով առկա լարվածության մասին:

«Խոսքը թե՛ Նախիջևանի, թե՛ Տավուշի մարզի ուղղությունների մասին է: Հետ գնանք՝ հիշելով, որ Արցախյան հակամարտությունը սկսվեց հենց Նախիջևանի ու Տավուշի ուղղություններից: Ամենասկզբից կրակոցները եղան հենց այդ հատվածներում, որից հետո գործողությունները տարածվեցին՝ ընդգրկելով Արցախի ողջ տարածքը: Տվյալ դեպքում այս լարվածությունն ինձ համար անհանգստացնող է:

Ի դեպ՝ գոնե վերջին մեկ տարում այսպիսի տեմպերով կրակոցներն իրենց համար նման «արդյունք» չէին տվել: Հուլիսի 28-ի դեպքը գալիս է ապացուցելու, որ նրանք այդ հատվածում դիպուկահարներին առաջնագծից հետ չեն քաշել: Ընդհանուր առմամբ, ռազմական առումով սա ՀՀ պետական սահմանների դեմ ոտնձգություն է:

Բայց մենք ոչ միայն սահմանին պետք է համարժեք պատասխան տանք, այլ պետք է նաև դիվանագիտական առումով տարբեր նոտաներ հղենք, միջազգային կառույցներին գոնե տեղյակ պահենք, թե ինչ է կատարվում: 

Դիվանագիտական առումով հսկայական աշխատանք պետք է կատարենք, որ միջազգային հանրությունը տեղյակ լինի կրակոցներից՝ նաև խաղաղ բնակավայրերի ուղղությամբ»,-«Փաստի» հետ զրույցում ասաց Կ. Հովհաննիսյանը: Շարունակելով՝ նա շեշտեց. «Որպես չգրված կանոն, միջազգային կառույցները սովորաբար անորոշ հայտարարություններ են անում, որոնք ուղղված չեն կողմերից և ոչ մեկին:

Այդուհանդերձ, այստեղ կարևոր է ոչ թե նրանց հայտարարությունը, այլ տեղեկացված լինելը. հետագա բանակցային գործընթացների մասով սրանք շատ կարևոր հանգամանքներ են, որոնք մեզ պետք են գալու»,-ասաց նա:

Ինչ վերաբերում է Ադրբեջանի կողմից նման սադրանքների գնալու գործոններին, փորձագետը նկատեց. «Ադրբեջանում տարածվում, պրոպագանդվում է ռազմատենչ քաղաքականությունը: Ադրբեջանի իշխանությունն իր հասարակությանը նախապատրաստում է ռազմական գործողությունների: Անունը կդնենք պատերազմ, սահմանի լարվածություն, միևնույն է, դրանք սահմանի վրա լարվածություն են նախապատրաստում: 

Իսկ ռազմական գործողությունների վերսկսումը կամ սահմանների որոշակի հատվածներում մասնակիորեն լարվածություն մտցնելը նախևառաջ բխում են Ադրբեջանի ներքաղաքական շահերից: Եթե որևէ քաղաքական ուժ այնտեղ ընդվզում է կամ նման փորձ է անում, նրանք անմիջապես սահմանին լարվածություն են մտցնում՝ դրանով փորձելով շեղել իրենց հասարակության ուշադրությունը:

Մյուս կողմից՝ սա վկայում է այն մասին, որ, կարծես թե, այդպիսով պատասխանում են մեր բարձրաստիճան պաշտոնյաների այն հայտարարություններին, համաձայն որոնց, մենք պատրաստ ենք պաշտպանել մեր սահմանները, լիարժեք զինված ենք և այլն: Նրանք այդպիսով փորձում են ազդել գոնե հոգեբանորեն, բայց ծիծաղելի է, քանի որ այդ դեպքերով չէ որոշվում, թե որ բանակը որքանով է մարտունակ»:

Կարեն Հովհաննիսյանի դիտարկմամբ՝ հայկական կողմը առաջին հերթին պետք է էլ ավելի վերահսկելի դարձնի զինված ուժերում մարտունակության բարձրացման գործընթացը. «Դրանք կլինեն դասընթացների, թե դիրքեր մատակարարվող տարբեր նյութատեխնիկական սարքավորումների տեսքով, ամեն դեպքում, այդ ամենին պետք է շատ մեծ ուշադրություն դարձնել:

Եթե դիրքում դիպուկահար է «աշխատում», նշանակում է, որ դիրքում ինչ-որ մի բան այն չէ, նշանակում է՝ դիրքում պաշտպանվածության խնդիր կա: Ուրեմն, պետք է այդ դիրքի անվտանգությունը բարձրացնել: Մեծ հաշվով, Հայաստանի Հանրապետության քաղաքականությունը պետք է լինի այնպիսին, ինչպիսին մինչ այս է եղել. չպետք է կորցնենք զգոնությունը, անընդհատ պետք է պատրաստ լինենք պատերազմի, քանի որ, միևնույն է, Ադրբեջանը գնալու է դրան: 

Թե՛ մեր իշխանության, թե՛ հասարակության թիվ մեկ գործը զգոնության բարձրացումը պետք է լինի»:

Մեր զրուցակիցը շեշտեց, որ բանակցությունների առումով մեծ սպասելիքներ չունի: «Վերջին շրջանում հակառակորդի կողմից իրավիճակի փոփոխությունը վկայում է այն մասին, որ նրանք ամենևին միտված չեն խաղաղ ու բանակցային ճանապարհով որևէ հարցի լուծման գնալ: Նրանք անընդհատ խոսում են ուժի մասին ու ուժ են ցուցադրում:

Հաշվի առնելով այդ փաստը՝ բանակցային գործընթացի մասին խոսելն ավելորդ է: Այո, կարծես թե մեկ տարի ընդմիջում ունեինք, «թայմ աութ» էր, հույս կար, որ բանակցային գործընթացով հարցը կարող է կարգավորվել: Բայց, ըստ իս, Ադրբեջանը ընդամենը ուսումնասիրում էր նոր իշխանությանը, փորձում էր հասկանալ նոր իշխանության քաղաքականությունը:

Հասկացավ, որ, այնուամենայնիվ, հարցը պետք է լուծի ռազմական ճանապարհով, որովհետև մենք բանակցային սեղանին դնում ենք մեզ համար ընդունելի տարբերակները: Այս փուլում գոնե ինձ համար բանակցությամբ հարց լուծելն անիրատեսական է»,-եզրափակեց մեր զրուցակիցը:

ԱՆՆԱ ԲԱԴԱԼՅԱՆ

website by Sargssyan