ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­... ՀԱՍԱՐԱԿՈՒԹՅՈՒՆ
Հան­րաք­վեի ար­դյունք­նե­րը և դրա վրա ծախս­ված հսկա­յա­կան գ... ՄԻՋԱԶԳԱՅԻՆ
Իսկ տա­նից դուրս կա­րե­լի է ամեն ինչ ջար­դել ու քան­դե՞լ. ՀԱՍԱՐԱԿՈՒԹՅՈՒՆ
«ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը... ՀԱՍԱՐԱԿՈՒԹՅՈՒՆ
«Կո­րո­նա­վի­րու­սը կա­րող է էա­կան խո­չըն­դոտ դառ­նալ ար­տա... ՀԱՐՑԱԶՐՈՒՅՑ
Երևան, 26.Փետրվար,
00
:
00
:
00
Փոխարժեք
478.65
$
560.79
Մեկ օրում բացահայտվել է 72 հանցագործություն. 16 տարին չլրացած անձի հետ սեքսուալ գործողություն, համարանիշների կեղծում «Արսենալը» պատրաստ է ամռանը վաճառել Օբամեյանգին Չեմ ընդունում ինձ առաջադրված մեղադրանքը. Սերգո Կարապետյան Հայտնաբերվել է Գավառում կորած 37-ամյա քաղաքացու դին Կալիֆոռնիայում խոշոր հրդեհ է բռնկվել նավթավերամշակող գործարանում Դատարանը մերժեց Սերժ Սարգսյանի պաշտպանների՝ դատախազին ներկայացված բացարկի միջնորդությունը․ուղիղ 67 հոգի արդեն դիմել են եւ վաղը չվերթ կա, որով նրանք Իրանից տեղափոխվելու են Հայաստան. ԱԳՆ ՀՀ ԶՈւ բոլոր զորամասերում արգելված են զինծառայողների ծնողների և հարազատների այցելությունները, զինծառայողների բոլոր տեսակի արձակուրդները. ՊՆ ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­ղի են ունե­ցել ան­կար­գու­թյուն­ներ, Պե­տա­կան դու­ման ցրվել է 2019-ին նույն զորամասում սպա է ինքնասպություն գործել, հետևություն չի արվել, շտաբի պետն ազատվել է պաշտոնից. զինծառայող Վահրամ Ավագյանի մահվան դեպքով ՊԲ-ի՝ ծառայողական քննության արդյունքները Հան­րաք­վեի ար­դյունք­նե­րը և դրա վրա ծախս­ված հսկա­յա­կան գու­մար­նե­րը կա­րող են դառ­նալ անի­մաստ. Փա­շի­նյա­նը ռիս­կի է դի­մում մե­ղադր­վել իշ­խա­նու­թյու­նը յու­րաց­նե­լու մեջ Երկրաշարժ է տեղի ունեցել Իսկ տա­նից դուրս կա­րե­լի է ամեն ինչ ջար­դել ու քան­դե՞լ. Վթարի պատճառով 10 ժամից ավելի ջուր չի լինելու Գեղարքունիքի եւ Կոտայքի մարզերում «ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը տա­րեց­տա­րի կրճատ­վե­լու են. ծրա­գիրն անց­նում է ինք­նա­ֆի­նան­սա­վոր­ման Արարատի մարզում 2019-ին իրականացվել է 58 սուբվենցիոն ծրագիր, այս տարի դրանց թիվն արդեն 112 է. մարզպետ

«Շատ հաճախ մեզ կո­չում են տա­լիս, խո­սում մեր մա­սին, երբ ճա­նա­չում ենք ձեռք բե­րում ար­տա­սահ­մա­նում»

Օպերային անվանի երգիչ Վահրամ Թադևոսյանը, որն աշխարհին հայտնի է Վաննո Թադեո արտիստական անունով, երկու տասնամյակից ավելի է՝ բնակվում է արտասահմանում, սկզբում՝ Իսպանիայում, իսկ հիմա էլ՝ Իտալիայում:

Նա մի շարք մրցանակների դափնեկիր է՝ «Ոսկե ձայն», «Եվրոպայի բացառիկ լավագույն տենոր», «Գրան տենոր», «Շվեդիայի տարվա լավագույն երևույթ-հյուր»: Չնայած արդեն վաղուց է մշտական բնակություն հաստատել արտերկրում, հաճախ հայրենիքում հանդես է գալիս մենահամերգներով և որպես հյուր մասնակցում ամենատարբեր տոնակատարությունների:

1996 թվականին կաթողիկոս Գարեգին Ա-ի աջակցությամբ նա մեկնել է Եվրոպա՝ մասնակցելու Ֆ. Վինիասի միջազգային մրցույթին, որտեղ արժանացել է դիպլոմի և Վերդիի անվան մրցանակի: Դրանից հետո էլ կապեր են ստեղծվել տարբեր երկրների մշակութային գործիչների հետ, և տենորը բնակություն է հաստատել Իսպանիայում:

Բացի երգարվեստը, Վաննո Թադեոն զբաղվում է նաև գեղանկարչությամբ:

«Փաստի» հետ զրույցում երգիչն ասում է՝ պրոֆեսիոնալ հայ արվեստագետի համար շատ դժվար է մշտապես Հայաստանում բնակվելը: 

«Ես կարող եմ շատ լավատեսորեն մոտենալ հարցերին, դրական բաներ ասել, բայց դա կեղծ կլինի: Ճշմարտությունն այլ է: Էթնիկական տաղանդը ցույց տալու համար ստեղծագործողները պետք է թողնեն Հայաստանը, երկար ժամանակ ուրիշները «զբաղվեն» իրենցով, և հետո նոր Հայաստանն ասի, որ «նրանք իր զավակներն են»:

Այստեղ մեզ կոչում են տալիս, խոսում մեր մասին, երբ ճանաչում ենք ձեռք բերում արտասահմանում:

Շատ անգամ նեղսրտում եմ նման վերաբերմունքից: Ընդ որում՝ սա վերաբերում է արվեստի բոլոր ոլորտների ստեղծագործողներին»,- նշում է Վաննո Թադեոն:

Նա ընդգծում է, որ շատ հաճախ լրատվամիջոցները չեն լուսաբանում ստեղծագործողներին, նրանց գործունեությունը: «Ամեն ինչ անցնում, գնում է: Արվեստագետի պատճառած հաճույքը փոխարինվում է ամենօրյա էժանագին տեսահոլովակներով և ոչ հայկական երգարվեստով:

Ուզում եմ հուսալ, որ աստիճանաբար ինչ-որ քայլեր կարվեն այս ուղղությամբ: Երգեր կան, որոնք գուցե չեն վերանա, բայց պետք է լինի տարանջատում, ամեն ոճի երաժշտությունը պետք է հնչի իր համար նախատեսված վայրում: Օրինակ՝ երգեր կան, որոնք պետք է հնչեն բացառապես ռեստորաններում, անգամ էկրաններ չպետք է բարձրանան»,-կարծում է մեր զրուցակիցը՝ նշելով, որ ինչ-որ առումով պետք է վերահսկելի լինի նաև տարբեր վայրերում հնչող երաժշտությունը:

Անդրադառնում ենք երիտասարդների հետաքրքրվածությանը դասական երաժշտությամբ: «Շփվում եմ երիտասարդների հետ, ուրախ եմ ասել, որ երիտասարդներն այցելում են դասական համերգների:

Հրավիրվել եմ տարբեր միջոցառումների, ուսուցողական աշխատանքներ տարել երիտասարդների հետ: Նրանք սկսում են հասկանալ, որ, բացի կենցաղային հարցերը, չպետք է անմասն մնան նաև որակյալ մշակույթից, երաժշտությունից, որը, կարծես թե, վերացել է հայերիս միջից»,-նշում է երգիչը:

Տարիներ շարունակ Հայաստանի և Արցախի անկախության մի քանի հոբել յանները մեկնարկել են Վաննո Թադեոյի մենահամերգներով: Ասում է՝ առաջինն էր, որ տարիներ առաջ բարձրակարգ համերգ կազմակերպեց Գյումրիում: Վերջերս էլ Գյումրիում ոսկե մեդալի է արժանացել:

Նշում է՝ սա իր համար մեծ պատիվ էր:

Անտեսվածության մասին խոսելիս իմիջիայլոց հիշում է՝ վերջերս մասնակցել է Կոմանդոսի 80-ամյակին նվիրված համերգին: «Իմ կարծիքով, այն շատ խղճուկ էր կազմակերպված: Պետք էր այդ մարդու հոբել յանն ավելի մեծ շուքով նշել: Ցավալի է, բայց մեծ արժեքներ են անտեսվում:

Ժամանակ առ ժամանակ արտերկրում բնակվող հայերը, հայկական կենտրոնները միջոցառումներ են կազմակերպում, բայց այստեղից մատը մատին չի խփվում: Ամեն ինչ կազմակերպում են դրսում բնակվողները, հետո նոր Հայաստանը կարող է ինչ-որ մասնակցություն ունենալ:

Օրինակ՝ Բարսելոնում ամիսներ առաջ կազմակերպվեց բարեգործական համերգ՝ քառօրյա պատերազմում վիրավորված տղաների համար»,-եզրափակում է տենորը:

ԼՈՒՍԻՆԵ ԱՌԱՔԵԼՅԱՆ

website by Sargssyan