Շա­հույթ ստա­նա­լու մա­սին չեն մտա­ծում, այս տար­վա առու­մով... ՏՆՏԵՍՈՒԹՅՈՒՆ
«Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վ... ՄՇԱԿՈՒՅԹ
«Գիրքը կարևոր արժեք ունի, այն կարող է մարդու ներաշխարհը փոխել» ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Երևան, 04.Հուլիս,
00
:
00
:
00
Փոխարժեք
478.65
$
560.79
Ծառուկյանի պայքարը հանուն Հայաստանի է Շա­հույթ ստա­նա­լու մա­սին չեն մտա­ծում, այս տար­վա առու­մով որևէ հույս չու­նեն Գնաճի բացակայությունը տնտեսական աշխուժության բացակայություն է. Արա Գալոյան ԱԱԾ տնօրենի ամենակարևոր տեղակալն աշխատանքից ազատվելու դիմում է գրել. հեռանում է ևս մեկ առանցքային պաշտոնյա. «Հրապարակ» «Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վո­րե­լը բա­ցիլ­նե­րից ամե­նավ­տան­գա­վորն է» Արմեն Սարգսյանը դիմել է Դոնալդ Թրամփին Այս ցուցանիշներով Նիկոլը, ցավոք, դեռ զիջում է միայն Հյուսիսային Կորեայի առաջնորդ Կիմ Չեն Ընին. Ֆարմանյան «Գիրքը կարևոր արժեք ունի, այն կարող է մարդու ներաշխարհը փոխել» Սահմանվել է ուսման վարձավճարի փոխհատուցման նպատակով եկամտային հարկի գումարների վերադարձման կարգը Սրացում Բաքվում. ինչ օրակարգով է Մնացականյանը մեկնում Արցախ Գագիկ Ծառուկյանի շնորհավորական ուղերձը Ռուսաստանի Դաշնությունում Սահմանադրության փոփոխությունների հանրաքվեի անցկացման առթիվ Մինչև անձին սնանկ ճանաչելը առաջնահերթությամբ կատարել բռնագանձման մասին վճիռները. նախագիծ «Հրապարակ». Հույս ունեն, որ Փաշինյանը իրենց օգտին որոշում կկայացնի

Ո՞րն էր ավելի նախընտրելի՝ ինկվիզիցիո՞ն, թե՞ աշխարհիկ դատարանը

Մենք գիտենք, որ...

Միջնադարյան Եվրոպայում անհնար էր թաքնվել ինկվիզիցիայից, նրա զոհ կարող էր դառնալ յուրաքանչյուր անձ:

Իրականում այնքան էլ այդպես չէ:

Միջնադարում միջին վիճակագրական եվրոպացու համար ինկվիզիցիայի զոհ դառնալու հավանականությունը մոտենում էր զրոյի: Անգամ ինկվիզիցիայի ամենաակտիվ գործունեության վայրում՝ Իսպանիայում, սովորաբար ինկվիզիցիայի զոհ դառնում էին բռնի կերպով քրիստոնյա դարձած հրեաները և արաբները, որոնց կասկածում էին նոր հավատից շեղվելու մեջ:

Անմիջականորեն այդ երկրում ապրող հրեաները և մուսուլմանները ոչ մի անգամ ինկվիզիցիայի կողմից չեն դատապարտվել, քանի որ ինկվիզիցիայի իրավազորությունը նրանց վրա չէր տարածվում: Բացի այդ, ինկվիզիցիայի զոհ դառնում էին հայտնի և ազդեցիկ իսպանական արիստոկրատների ընտանիքները, որոնք այս կամ այն պատճառով թշնամիներ ունեին կամ էլ ընդդիմադիր էին թագավորին: Իհարկե, ինկվիզիցիայի ճիրաններում կարող էին հայտնվել նաև հասարակ մարդիկ, որոնք անզգուշորեն վկաների ներկայությամբ շաղակրատել են այն մասին, ինչը ասել չի կարելի:

Այս դեպքում կարող էին գտնվել մարդիկ, որոնք կհայտնեին ինկվիզիցիային հնարավոր հերետիկոսի մասին:

Ինկվիզիտորների հրահանգներում գրված էր, որ չպետք է ձերբակալել այն մեղադրյալներին, որոնք կատարել են համեմատական աննշան հանցագործություն (օրինակ՝ կատաղության պահին Աստծուն հայհոյելը և նման բաներ): 

Պարզ է, որ ինկվիզիցիայի ձեռքն ընկնելու հիմնական թեկնածուները եկեղեցու ուղուց շեղումներ քարոզողներն ու ուսուցանողներն էին (այսօրվա մտածելակերպով նրանց կարելի է ասել աղանդավորներ):

Ի դեպ, սրանց դեմ պայքարի համար էլ հենց ստեղծվել էր ինկվիզիցիան: 16-րդ դարի կեսերին ինկվիզիցիայի ձեռքն էին ընկնում նաև բողոքականները, քանի որ բողոքական եկեղեցին չէր ընդունվում կաթոլիկ Իսպանիայում:

Ինկվիզիցիան ուներ նաև հատուկ պրակտիկա՝ կամավոր ապաշխարում: Հայտարարվում էր որոշակի ժամկետ, որի ընթացքում բոլոր ցանկացողները կամավոր կերպով կարող էին ներկայանալ ինկվիզիցիայի տրիբունալ և ապաշխարել կատարած արարքների և ասված խոսքերի համար:

Այդ ժամանակ ապաշխարողներին կա՛մ աննշան տուգանք էին նշանակում, կա՛մ էլ ուղղակի ներում էին և ազատ արձակում:

Նշված ժամկետում չներկայացած հերետիկոսներին արդեն պատժում էին օրենքի ամբողջ խստությամբ:

Ընդհանրապես, ինկվիզիցիան իրավունք չուներ մահվան դատավճիռ արձակելու, դրա իրավունքը ուներ միայն աշխարհիկ իշխանությունը, որն էլ հենց կարող էր ինկվիզիցիայի դատարանի որոշման հիմա վրա դատավճիռ արձակել:

Եթե հերետիկոսը ընկնում էր ինկվիզիցիայի ձեռքը, ապա ավելի մեծ հնարավորություն ուներ կենդանի մնալու, քանի որ աշխարհիկ իշխանությունը սովորաբար հետաքննություն չէր անցկացնում, չէր ընդունում մեղադրյալի ապաշխարությունը և անմիջապես մահվան էր դատապարտում (ինկվիզիցիայի դեպքում ապաշխարելն արդեն իսկ նշանակում էր, որ մահվան դատավճիռ չի լինելու, և նշանակվում էր այլ պատիժ (տուգանք, ունեցվածքի բռնագանձում, կալանավորում որոշակի ժամանակով՝ անգամ տնային կալանքի ձևով և այլն), կամ բաց էին թողնում առանց պատժի: Եթե չէր հաջողվում հերետիկոսին բռնել, միևնույն է, դատավարությունը կայանում էր ու դատավճիռ էր կայացվում հեռակա կարգով:

 Այս դեպքում վառում էին նրա նկարը: Մահը ևս չէր արդարացնում հերետիկոսին, որոշ դեպքերում մահից հետո վառում էին հանգուցյալից մնացածը, օրինակ՝ գերեզմանից արտաշիրիմած ոսկորները:

Պարզվում է՝ ինկվիզիցիան ժամանակին հաջողությամբ պայքարել է աղանդավորական շարժումների դեմ: Ընդ որում, պայքարել է բավականին քաղաքակիրթ մեթոդներով և շատ արդյունավետ:

Նյութը հրապարակման պատրաստեց Past.am-ը

website by Sargssyan