ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­... ՀԱՍԱՐԱԿՈՒԹՅՈՒՆ
Հան­րաք­վեի ար­դյունք­նե­րը և դրա վրա ծախս­ված հսկա­յա­կան գ... ՄԻՋԱԶԳԱՅԻՆ
Իսկ տա­նից դուրս կա­րե­լի է ամեն ինչ ջար­դել ու քան­դե՞լ. ՀԱՍԱՐԱԿՈՒԹՅՈՒՆ
«ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը... ՀԱՍԱՐԱԿՈՒԹՅՈՒՆ
«Կո­րո­նա­վի­րու­սը կա­րող է էա­կան խո­չըն­դոտ դառ­նալ ար­տա... ՀԱՐՑԱԶՐՈՒՅՑ
Երևան, 26.Փետրվար,
00
:
00
:
00
Փոխարժեք
478.65
$
560.79
Չեմ ընդունում ինձ առաջադրված մեղադրանքը. Սերգո Կարապետյան Հայտնաբերվել է Գավառում կորած 37-ամյա քաղաքացու դին Կալիֆոռնիայում խոշոր հրդեհ է բռնկվել նավթավերամշակող գործարանում Դատարանը մերժեց Սերժ Սարգսյանի պաշտպանների՝ դատախազին ներկայացված բացարկի միջնորդությունը․ուղիղ 67 հոգի արդեն դիմել են եւ վաղը չվերթ կա, որով նրանք Իրանից տեղափոխվելու են Հայաստան. ԱԳՆ ՀՀ ԶՈւ բոլոր զորամասերում արգելված են զինծառայողների ծնողների և հարազատների այցելությունները, զինծառայողների բոլոր տեսակի արձակուրդները. ՊՆ ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­ղի են ունե­ցել ան­կար­գու­թյուն­ներ, Պե­տա­կան դու­ման ցրվել է 2019-ին նույն զորամասում սպա է ինքնասպություն գործել, հետևություն չի արվել, շտաբի պետն ազատվել է պաշտոնից. զինծառայող Վահրամ Ավագյանի մահվան դեպքով ՊԲ-ի՝ ծառայողական քննության արդյունքները Հան­րաք­վեի ար­դյունք­նե­րը և դրա վրա ծախս­ված հսկա­յա­կան գու­մար­նե­րը կա­րող են դառ­նալ անի­մաստ. Փա­շի­նյա­նը ռիս­կի է դի­մում մե­ղադր­վել իշ­խա­նու­թյու­նը յու­րաց­նե­լու մեջ Երկրաշարժ է տեղի ունեցել Իսկ տա­նից դուրս կա­րե­լի է ամեն ինչ ջար­դել ու քան­դե՞լ. Վթարի պատճառով 10 ժամից ավելի ջուր չի լինելու Գեղարքունիքի եւ Կոտայքի մարզերում «ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը տա­րեց­տա­րի կրճատ­վե­լու են. ծրա­գիրն անց­նում է ինք­նա­ֆի­նան­սա­վոր­ման Արարատի մարզում 2019-ին իրականացվել է 58 սուբվենցիոն ծրագիր, այս տարի դրանց թիվն արդեն 112 է. մարզպետ «Կո­րո­նա­վի­րու­սը կա­րող է էա­կան խո­չըն­դոտ դառ­նալ ար­տագ­նա զբո­սաշր­ջա­յին այ­ցե­լու­թյուն­նե­րի հա­մար».խոր­հուրդ­ներ մաս­նա­գե­տից Ին­չո՞ւ են խոս­տում­ներն ու հայ­տա­րա­րու­թյուն­նե­րը «գրվում սա­ռույ­ցին»

«Ստամ­բու­լյան կոն­վեն­ցի­ա­յի հար­ցը, ոչ իշ­խա­նա­կան հատ­վա­ծում վե­րա­դա­սա­վո­րում­նե­րը թեժ աշ­նան կհան­գեց­նեն»

Ինչպես գրեթե ամեն տարի, 2019 թվականի ամառը ևս զերծ չէ թեժ աշնան վերաբերյալ դիտարկումներից: «Պոլիտէկոնոմիա» հետազոտական ինստիտուտի քաղաքագետ Բենիամին Մաթևոսյանի համոզմամբ՝ կան որոշ գործընթացներ, որոնք, ի վերջո, թեժ աշնան կհանգեցնեն:

«Թեժ աշունը պայմանավորված կլինի ոչ միայն քաղաքական վերադասավորումներով, այլև մի շարք խնդիրներով, որոնք իրենց հանգուցալուծումը պետք է ստանան հենց այդ ժամանակահատվածում: Առաջին հերթին խոսքը Ստամբուլյան կոնվենցիայի մասին է, որը սեպտեմբերին պետք է ԱԺ օրակարգ մտնի: Հիմա տեսնում ենք, որ իշխանական թևում կան մարդիկ, որոնք արդեն հայտարարում են կոնվենցիային դեմ քվեարկելու մասին:

Կան կարծիքներ, թե սա իշխանության տրոհման առաջին արարն է լինելու, բայց, ըստ իս, սա ոչ թե առաջին, այլ հերթական արարն է լինելու, որովհետև այժմ էլ ենք տեսնում, որ իշխանության որոշ ներկայացուցիչներ, օրինակ՝ օրենսդիր մարմնում, շատ ավելի ադեկվատ են գնահատում երկրում ստեղծված իրավիճակը և այն, որ բարձրագույն իշխանությունը չի լուծում այն խնդիրները, որոնց լուծման ակնկալիքով մարդիկ 2018թ. ապրիլ-մայիսին դուրս էին եկել փողոց: Հետևաբար, մի կողմից՝ Ստամբուլյան կոնվենցիայի հարցը, իշխանության տրոհումը, մյուս կողմից՝ ոչ իշխանական հատվածում վերադասավորումները թեժ աշնան կհանգեցնեն»,-«Փաստի» հետ զրույցում ասաց քաղաքագետը՝ հավելելով, որ աշունն իսկապես թեժ է լինելու, և քաղաքական ուժերը դուրս են գալու պայքարի նոր շրջան:

Խոսելով ներկայիս փուլի մասին, դիտարկելով նաև գրեթե մեկուկես տարվա ճանապարհը՝ քաղաքագետն ընդգծեց. «Անցած տարվա իրադարձությունները ձևով իսկապես հեղափոխություն էին, իսկ բովանդակությամբ՝ իշխանափոխություն:

Անցած տարվա ապրիլ-մայիսյան իրադարձություններից առաջ մի տարածված ձևակերպում կար, ըստ որի՝ նախորդ իշխանությունները ձգտում են «մեկ օլիգարխի համակարգի» կայացմանը: Այսինքն, որ Հայաստանում տնտեսական, քաղաքական համակարգը կախված լինի մեկ անձի որոշումներից: Իշխանափոխությունից հետո այդ առումով իրականում բացարձակապես ոչինչ չի փոխվել: Այսօր Հայաստանում թե՛ տնտեսական, թե՛ քաղաքական հարցերը մեկ մարդ է լուծում:

Պարզապես, եթե նախկինում այդ «մեկ օլիգարխի տնտեսության», «մեկ օլիգարխի համակարգի» կառուցումը հանրային լեգիտիմություն չուներ, ինչը խանգարող հանգամանք էր, ապա այսօր Նիկոլ Փաշինյանը դեռ ունի այդ հնարավորությունը: Ավելին՝ եթե իշխանությունները նախկինում գոնե ֆորմալ առումով պահում էին իշխանության ճյուղերի որոշակի անկախություն, ապա այսօր այլ իրավիճակ է:

Ն. Փաշինյանը փորձում է ոչ միայն տնտեսական և քաղաքական, այլև դատական համակարգը ևս սեփականաշնորհել: Կան մարդիկ, որոնք այս ամենը ծափահարություններով են ընդունում՝ ասելով՝ այո՛, նախկինների հետ միայն այսպես պետք է պայքարել: Սա դեռ աշխատում է, բայց այն պահին, երբ դատական համակարգում տեղի ունեցող այս անառողջ երևույթները ազդեն նաև շարքային քաղաքացիների վրա, պատկերը կփոխվի»:

Բերելով Վրաստանի օրինակը՝ Բ. Մաթևոսյանը շեշտեց. «Սահակաշվիլիի օրոք ունեզրկվեց Վրաստանի ավելի քան 20 հազար քաղաքացի, և նրանցից ոչ բոլորն էին նախկին իշխանության օրոք հարստացածներ, պետությունը թալանածներ: Նրանց շարքերում նաև մարդիկ էին, որոնք զրոյից բիզնես էին սկսել, բայց համատարած կուլակաթափության փուլում իրենց հերթն էլ հասավ: Մեզ մոտ նույն գործընթացն է լինելու:

Եթե ինչ-որ մեկը կարծում է, որ լոյալ լինելով Ն. Փաշինյանին՝ կարող է խուսափել ապագա կուլակաթափության գործընթացներից, ուրեմն հեռու է քաղաքականությունից: Նիկոլ Փաշինյանի համար կարևորը միայն ինքն է ու իր անձնական իշխանությունը: Բոլոր նրանք, ովքեր ժամանակի հետ կփորձեն ինչ-որ վտանգ ներկայացնել, նա այդ մարդկանց հեռացնելու է թե՛ քաղաքական, թե՛ տնտեսական դաշտից:

Բայց այդ խոշորներին վերացնելու պարագայում տուժելու են նաև փոքրերը. քաղաքացիներն իրենց մաշկի վրա են զգալու, թե ինչ է նշանակում, երբ երկրում ամբողջատիրություն է: Եթե իշխանություններին հաջողվի ճնշել երկրորդ նախագահին, վերջնականապես խաղից դուրս հանել նաև այլ քաղաքական գործիչներին ու ուժերին, հերթը հասնելու է լրատվամիջոցներին»:

Իշխանության վարքագիծը, քննադատություններն ու սխալները շարունակաբար սվիններով ընդունելու դրսևորումները քաղաքագետի համար զարմանալի չեն:

«Նիկոլ Փաշինյանը, որպես լրագրող և քաղաքական գործիչ, կայացել է լևոնտերպետրոսյանական և ՀՀՇ-ական միջավայրում, իսկ Լևոն Տեր-Պետրոսյանը ոչ մի պարագայում երբեք իր սխալները չի ընդունել: Մարտի 1-ը երկու կողմ է, չէ՞, ունեցել՝ իշխանություն և այն ժամանակվա ընդդիմություն:

Բայց եթե վերլուծենք Լ. Տեր-Պետրոսյանի ելույթները, այնպիսի տպավորություն կունենանք, որ Մարտի 1-ին իշխանությունները սատանաներ էին, իսկ մյուս կողմում ոտքերն ամպոտ անձինք, որոնք պայքարել են վեհ գաղափարների համար: Այնուամենայնիվ, հետագա գործընթացները ցույց տվեցին, որ այդ մարդկանցից մեկը պատգամավորի մանդատ ստացավ, մյուսը՝ դեսպանի պաշտոն ու հանգիստ նստեց իր տեղը:

Այսինքն, մարդիկ ուղղակի քեշ փողի ու իշխանության պայքար էին մղում, բայց իրականում դա չէին ընդունում՝ չընդունելով նաև սխալները: Ու քանի որ Ն. Փաշինյանն այդ միջավայրում է կայացել, նա իր սխալները երբեք չի ընդունի: Նրան քննադատելու դեպքում երբեք չպետք է ակնկալել, որ նա ադեկվատ արձագանք է տալու: Մարդիկ կարծում են, թե վերին աստիճանի ճշմարտության կրողն են:

Հետևաբար, պետք չէ սպասել, որ քննադատությունը ադեկվատ կընդունեն: Նման բան չի լինելու: 

Հիշենք՝ նախկին իշխանությունները ճնշման տակ «ժեռտվա» տվեցին Տիգրան Սարգսյանին, իսկ քաղաքական օրենքները նույնն են: Իշխանության ղեկին կլինի Սերժ Սարգսյանը, Փաշինյանը, թե մեկ այլ մարդ, միևնույն է, եթե հանրության կողմից ճնշում չկա, իշխանությունը ադեկվատ չի լինում, անում է այն, ինչ ուզում է:

Հետևաբար, որքան էլ քննադատեն, իրական կյանքում փողոցում մարդ չկա: Այս պարագայում հատկապես այս իշխանությունն իրեն ադեկվատ չի պահելու: Նիկոլ Փաշինյանն իր վերջին հարցազրույցում շատ վտանգավոր բան ասաց: Խոսքը «ընդդիմությանը տանկերով ճզմելու» մասին է: Սա պետք է հասկանալ՝ իմանալու, թե ում հետ գործ ունեն»,-եզրափակեց մեր զրուցակիցը:

ԱՆՆԱ ԲԱԴԱԼՅԱՆ

website by Sargssyan