ՊԱՏՄՈՒԹՅԱՆ ԱՅՍ ՕՐԸ (8 ՀՈՒԼԻՍԻ). Ալաշ­կեր­տի օպե­րա­ցիա, «Ոս­... ՀԱՍԱՐԱԿՈՒԹՅՈՒՆ
«Փոր­ձում ենք դժվա­րու­թյուն­նե­րը վե­րա­ծել հնա­րա­վո­րու­թ... ՀԱՍԱՐԱԿՈՒԹՅՈՒՆ
Հստա­կեց­վում է մար­տա­կան հեր­թա­պա­հու­թյուն իրա­կա­նաց­նո... ՀԱՍԱՐԱԿՈՒԹՅՈՒՆ
Երեք տարր, որ դրե­ցին առա­ջա­ցած խնդիր­նե­րի սկիզ­բը ՀԱՐՑԱԶՐՈՒՅՑ
Եր՞բ Հա­յաս­տա­նում հե­տաքն­նու­թյուն կանց­կաց­վի՝ պար­զե­լո... ՎԵՐԼՈՒԾԱԿԱՆ
Երևան, 09.Հուլիս,
00
:
00
:
00
Փոխարժեք
478.65
$
560.79
Վերաքննիչ դատարանը Գագիկ Ծառուկյանին կալանավորելու որոշում չի կայացրել. Երեմ Սարգսյան Ucom-ի հայտարարությունը լայն տարածում է գտել եվրոպական մամուլում Ձեր ճակատագիրը գրված է Ձեր ծննդյան տարեթվի վերջին թվում Արթուր Վանեցյանի դիտարկմամբ՝ եկել է քաղաքական քայլերի մեջ հստակություն մտցնելու պահը Անցած տարի ասացիք՝ ՏՄՊՊՀ նկատմամբ վստահությունը պետք է բարձրանա․ ի՞նչ եք արել դրա համար Գագիկ Ծառուկյանի գործով վերաքննիչի բողոքը կդառնա բեկումնային 60 կմ/ժ առավելագույն արագություն Երեւանի բոլո՞ր ճանապարհներին․ երթեւեկության փոփոխություն Իմ սիրելի՛ հայրենակիցներ, ես ցավում եմ, որ որոշ շրջանակների հաջողվեց իմ խոսքերը անբարո ձեւով խեղաթյուրել. Նաիրա Զոհրաբյան Պարետի նոր որոշումը. ովքե՞ր կարող են բաց տարածքում դիմակ չկրել Մենք հիմա քաղաքական հարցեր ենք քննարկում, իսկ մարդիկ էնտեղ մահանում են. Արարատ Միրզոյան ՊԱՏՄՈՒԹՅԱՆ ԱՅՍ ՕՐԸ (8 ՀՈՒԼԻՍԻ). Ալաշ­կեր­տի օպե­րա­ցիա, «Ոս­կե ծի­րան», պայ­քար՝ «Զվարթ­նո­ցի» հին շեն­քը պահ­պա­նե­լու հա­մար Մխիթար Հայրապետյանն ընտրվել է Հայաստան-Իրան բարեկամական խմբի ղեկավար «Փոր­ձում ենք դժվա­րու­թյուն­նե­րը վե­րա­ծել հնա­րա­վո­րու­թյան». վե­րա­կանգ­նե­լով տա­վու­շյան ձե­ռա­գոր­ծի բազ­մա­դա­րյա ավան­դույթ­նե­րը

Վրաստանը Ռուսաստան տանող նոր ճանապարհի շինարարությունը կսկսի մինչեւ 2019-ի վերջը

Past.am

Վրաստանում ռուս-վրացական սահման տանող նոր ավտոճանապարհի շինարարությունը կսկսվի մինչեւ 2019-ի վերջը: Այս մասին հայտարարել է Վրաստանի վարչապետը: Մամուկա Բախտաձեն ելույթ է ունեցել ավտոմոբիլային դեպարտամենտի վեց ամսվա աշխատանքի արդյունքների մասին հաշվետվության ներկայացման ընթացքում, հայտնում է Նովոստի Վրաստանը:

Օգոստոսի սկզբին Ասիական զարգացման բանկը Վրաստանին 415 մնլ դոլարի չափով վարկ էր տրամադրել նոր ավտոճանապարհի կառուցման համար:

ԱԶԲ-ն նշում է, որ սա Հյուսիս-Հարավ տրանսպորտային միջանցքի վերականգնման շրջանակում առաջին նախագիծն է, «որը կենսականորեն կարեւոր տարանցիկ ուղի է Վրաստանի, Հայաստանի եւ տարածաշրջանային առեւտրային գործընկերների համար»:

Մի քանի օրից կստորագրվի համաձայնագիր, եւ  մինչեւ տարեվերջ կսկսվի երկրորդ նախագիծը՝ Կոբի-Գուդաուրի արագընթաց ավտոճանապարհը, որը պատմական նշանակություն  ունի:

Դա կլինի Եվրոպայի ամենաբարդ ինժեներական կառույցներից մեկը՝ ամենաերկար թունելներից մեկով: Իհարկե, դրա համար ներդրումներ են անհրաժեշտ, եւ այդ ներդրումներն արդեն ներգրավվել եւ ստորագրվել են», - նշել է  Բախտաձեն:

Քվեշեթի-Կոբի հատվածը գտնվում է Մցխեթա-Ստեփանծմինդա-Լարս միջազգային նշանակության ճանապարհի վրա: Սա Արեւմուտք-Հարավ տարանցիկ միջանցքի մի մասն է:

Ծրագրի շրջանակներում նախատեսվում է  22,7 կմ երկարությամբ ասֆալտբետոնե ճանապարհի, վեց կամուրջների եւ  հինգ թունելների, ներառյալ 9 կիլոմետրանոց թունելի շինարարություն: Թունելը կանցկացվի Ջվարի լեռնանցքի միջով Ցկերե գյուղից մինչեւ Կոբի գյուղ: Այս թունելը կլինի Վրաստանի ամենաերկար թունելը:

Ճանապարհն անցնում է բարդ աշխարհագրական երթուղով եւ  ձմռանը բնութագրվում է ձյան առատ տեղումներով: Ծրագրի ավարտից  հետո այս հատվածով  տարանցիկ հաղորդակցությունը կախված չի լինի եղանակային պայմաններից:

Նախագծի արժեքը մոտ 558,6 միլիոն դոլար է: 60 միլիոն դոլարի չափով ֆինանսավորում կտրամադրի Վերակառուցման և զարգացման եվրոպական բանկը, իսկ Վրաստանի կառավարությունը կհատկացնի 83,6 միլիոն դոլար:

«Երբ մենք խոսում ենք կրիտիկական ենթակառուցվածքների զարգացման մասին, պետք է նկատի ունենանք, թե դա ինչ լրացուցիչ օգուտներ է բերելու մեր քաղաքացիներին, եւ դրա լավագույն օրինակը անցյալ տարի իրականացված ճոպանուղու նախագիծն էր, որը  Կոբին կապում էր Գուդաուրիի հետ:

Արդյունքում ունեցանք այն,  որ Կոբին վերակենդանացավ, եւ այսօր դուք փաստացի  չեք տեսնի ազատ տարածք, որը չի քննարկվում նոր հյուրանոցի կամ նոր տուրիստական օբյեկտի կառուցման համար ... Անձամբ ինձ համար սա ուղեցույց է, թե ինչպես մենք պետք է Վրաստանում զարգացնենք ենթակառուցվածքները», - ընդգծել է Բախտաձեն:

Գոյություն ունեցող 35 կիլոմետրանոց Ռազմական-Վրացական ճանապարհը, որից ամեն օր օգտվում է 3.5 հազար մեքենա, համարվում է Վրաստանի ամենավտանգավոր ճանապարհներից մեկը:

Տարեկան ավելի քան 40 օր, հիմնականում ձմռան շրջանում, ճանապարհը փակում են, ինչը խնդիրներ է առաջացնում ճանապարհորդների եւ բեռնափոխադրողների համար:

Այս պահին սա միակ գործող մայրուղին է, որը Վրաստանը եւ Հայաստանը կապում է Ռուսաստանի հետ:

2014-ի մայիսին այս տարածքում ողբերգություն էր տեղի ունեցել. այս վայրերի համար օդի անսովոր բարձր ջերմաստիճանի պատճառով Կազբեկ լեռան հյուսիսարեւմտյան լանջից թափվել էր Դեւդորակի սառցադաշտի մի մասը: Արդյունքում, հզոր ցեխաքարային հոսքը լցվել էր  Դարիալի կիրճ եւ փակել Թերեք գետի հունը ՝առաջացնելով  ջրհեղեղ եւ ավերելով ճանապարհը: Այդ ժամանակ վեց մարդ մահացել էր:

website by Sargssyan