Նարեկիս ծնունդը երրորդ կյանքի հնարավորություն է. Նելլի Չարչյան ՀԱՐՑԱԶՐՈՒՅՑ
Մաքսիմ Ոսկանյան. Բանաստեղծական ընտրանի (Շաբաթօրյա ընթերցումն... ՄՇԱԿՈՒՅԹ
Ալեքսանդր Հարությունյան. «Կորած երկիրը» (Շաբաթօրյա ընթերցում... ՄՇԱԿՈՒՅԹ
Եվրոպան արդեն երկրորդ անգամ «սայթաքում» է Անդրկովկասում միաս...
ՊԱՏՄՈՒԹՅԱՆ ԱՅՍ ՕՐԸ (7 ԴԵԿՏԵՄԲԵՐԻ). Ավերիչ երկրաշարժ՝ 31 տարվ... ՀԱՍԱՐԱԿՈՒԹՅՈՒՆ
Երևան, 08.Դեկտեմբեր,
00
:
00
:
00
Փոխարժեք
478.65
$
560.79
«Բարսելոնա»-ն հաղթեց խոշոր հաշվով (տեսանյութ) Հրդեհ` Վարդենիս քաղաքի տներից մեկում. այրվել են տանիքի մոտ 35 քմ փայտյա կառուցատարրերը Մահացել է «Ընկերները» սերիալի դերասան Ռոն Լիբմանը Ֆրանսիայում արդեն 3 օր է, ինչ տրանսպորտի աշխատակիցները համընդհանուր գործադուլ են հայտարարել. տրանսպորտային հաղորդակցությունը կաթվածահար է եղել Վրաերթ Կորյունի փողոցում. կա զոհ. shamshyan.com ՀՀ տարածքում ավտոճանապարհները հիմնականում անցանելի են. Ստեփանծմինդա-Լարս ավտոճանապարհը բաց է Ողբերգական դեպք Երեւանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել Իրանում զինվորականը երեք ոստիկանների է գնդակահարել Հրդեհ՝ Երևանի բնակարաններից մեկում. փրկարարները դուրս են բերել ներսում գտնվող երեխաներին Նիժնի Նովգորոդում ավտոմեքենան հարվածել է հետիոտներին․ հոսպիտալացվել է 10 երեխա, ուսուցչուհին զոհվել է «Մանչեսթեր Սիթի» - «Մանչեսթեր Յունայթեդ». Թիմերի մեկնարկային կազմերը

«Ցանկանում ենք ճիշտ ընկալել ձեր կողմից եկող ազդակները». Փաշինյանը՝ գործարարներին

Past.am

ՀՀ վարչապետ Նիկոլ Փաշինյանը եւ Էկոնոմիկայի նախարար Տիգրան Խաչատրյանը այսօր՝ օգոստոսի 31-ին, հանդիպում են արտահանողների, նաեւ տնտեսության տարբեր ճյուղերում գործունեություն ծավալող գործարարների հետ։

Նիկոլ Փաշինյանը իր բացման խոսում, մասնավորապես, ասաց. «Հրավիրել ենք հիմնականում այն տնտեսավարողներին, արտադրության ոլորտի այն ներկայացուցիչներին, որոնք արտահանման գործում որոշակի արդյունքներ եւ պոտենցիալ ունեն, նաեւ շինարարության ոլորտի եւ այլ ոլորտների ներկայացուցիչներ կան։ Հայաստանի կառավարության համար ծրագրային է Հայաստանի տնտեսության արտահանման միտվածությունը, որ Հայաստանի արտահանելի ճյուղերը զարգանան, դա լինի մեր տնտեսության  կարեւոր բնորոշիչներից մեկը, նաեւ մշակող արդյունաբերության աջակցելն է մեր ծրագրային դրույթներից մեկը։ Մենք այս թեմայի վրա աշխատել ենք եւ շարունակելու ենք աշխատել, սակայն սա այդքան էլ պարզ թեմա չէ, որովհետեւ որեւէ աջակցության ծրագիր իրականացնելիս պետք է համոզվել, որ այդ աջակցությունը նպաստում է, որ ոլորտը ավելի զարգանա, դառնա ավելի մրցունակ, մենք պետք է համոզված լինեք, որ այնպիսի աջակցություն ենք ցուցաբերում, որը բերում է շղթայական ռեակցիայի եւ որը նաեւ աջակցություն է դառնում այլ ոլորտների համար, հակառակ դեպքում եթե մենք չհաշվարկված քայլեր անենք, ստիպված կլինենք ետ կանգնել այսպիսի ծրագրերից, որը արդյունքում կբերի ավելի շատ վնասներ»։

Վարչապետի խոսքով՝ կառավարությունը ցանկանում է այսպիսի հանդիպումներով ճիշտ ընկալել  գործարարներից եկող ազդակները. «Այսպիսի հանդիպումներով մենք ցանկանում ենք մշտական հաղորդակցության մեջ լինել, որ կարողանանք ճիշտ ընկալել ձեր կողմից եկող ազդակները, ճիշտ կառավարել եւ արձագանքել այդ ազդակներին։ Շինարարության հետ կապված ես կուզեի ասել, որ շինարարության ոլորտում լուրջ հետաքրքրություն ունենք, որ աջակցության ճիշտ բանաձեւեր դնենք, որովհետեւ անշարժ գույքի շուկայում գործ ունենք մի իրավիճակի հետ, երբ պահանջարկն աճում է, առաջարկը չի աճում, այդ պայմաններում գների շատ էական աճ կա, եւ այստեղ կարեւոր է, որ մենք մեր համագործակցությամբ կարողանանք շուկան այնպես բալանսավորել, որ առաջարկի եւ պահանջարկի ճիշտ հաշվեկշիռ ունենալ, որ ցնցումներ չլինեն»։

Նիկոլ Փաշինյանը շեշտեց՝  կառավարության տեսլականն է, որ Հայաստանում մշակող արդյունաբերությունը զարգանա. «Ընդհանուր առմամբ, մեր տեսլականը հետեւյալն է, որ Հայաստանում մշակող արդյունաբերությունը պետք է զարգանա, դառնա մեր տնտեսության կարեւոր հենասյուներից մեկը, իհարկե մենք այս խոսակցությունը մի փոքր տարբերակում ենք տեխնոլոգիական ոլորտի  եւ բարձր տեխնոլոգիաների ոլորտի հետ խոսակցությունից, նրանց հետո խոսակցությունը այլ նրբերանգներ ունի։

Տուրիզմի ոլորտի հետ նույնպես մենք պետք է առանձնահատուկ խոսակցություն ունենալ, քանի որ տուրիզմը նույնպես մենք կարող ենք արտահանման մի ճյուղ համարել, որովհետեւ ծառայությունները որ մատուցվում է եւ ապրանքները, որ սպառվում են, ունեն արտահանման տրամաբանություն»։

Վարչապետի փոխանցմամբ՝ այս ընթացքում էկոնոմիկայի նախարարը հանդիպել է գործարարների հետ, հավաքել նրանց առաջարկները. «Այս ընթացքում էկոնոմիկայի նախարարությունը հանդիպումների շարք է ունեցել եւ հավաքագրել է առաջարկները, որոնք եկել են արտահանող արդյունաբերության ոլորտից։ մենք բավական տեղեկատվություն  ենք հավաքել եւ այդ տեղեկատվությունը համապատասխան որոշումներ դարձնելու բարդ խնդրի վրա պետք է առաջիկայում աշխատենք»։

website by Sargssyan