ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­... ՀԱՍԱՐԱԿՈՒԹՅՈՒՆ
Հան­րաք­վեի ար­դյունք­նե­րը և դրա վրա ծախս­ված հսկա­յա­կան գ... ՄԻՋԱԶԳԱՅԻՆ
Իսկ տա­նից դուրս կա­րե­լի է ամեն ինչ ջար­դել ու քան­դե՞լ. ՀԱՍԱՐԱԿՈՒԹՅՈՒՆ
«ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը... ՀԱՍԱՐԱԿՈՒԹՅՈՒՆ
«Կո­րո­նա­վի­րու­սը կա­րող է էա­կան խո­չըն­դոտ դառ­նալ ար­տա... ՀԱՐՑԱԶՐՈՒՅՑ
Երևան, 26.Փետրվար,
00
:
00
:
00
Փոխարժեք
478.65
$
560.79
Մեկ օրում բացահայտվել է 72 հանցագործություն. 16 տարին չլրացած անձի հետ սեքսուալ գործողություն, համարանիշների կեղծում «Արսենալը» պատրաստ է ամռանը վաճառել Օբամեյանգին Չեմ ընդունում ինձ առաջադրված մեղադրանքը. Սերգո Կարապետյան Հայտնաբերվել է Գավառում կորած 37-ամյա քաղաքացու դին Կալիֆոռնիայում խոշոր հրդեհ է բռնկվել նավթավերամշակող գործարանում Դատարանը մերժեց Սերժ Սարգսյանի պաշտպանների՝ դատախազին ներկայացված բացարկի միջնորդությունը․ուղիղ 67 հոգի արդեն դիմել են եւ վաղը չվերթ կա, որով նրանք Իրանից տեղափոխվելու են Հայաստան. ԱԳՆ ՀՀ ԶՈւ բոլոր զորամասերում արգելված են զինծառայողների ծնողների և հարազատների այցելությունները, զինծառայողների բոլոր տեսակի արձակուրդները. ՊՆ ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­ղի են ունե­ցել ան­կար­գու­թյուն­ներ, Պե­տա­կան դու­ման ցրվել է 2019-ին նույն զորամասում սպա է ինքնասպություն գործել, հետևություն չի արվել, շտաբի պետն ազատվել է պաշտոնից. զինծառայող Վահրամ Ավագյանի մահվան դեպքով ՊԲ-ի՝ ծառայողական քննության արդյունքները Հան­րաք­վեի ար­դյունք­նե­րը և դրա վրա ծախս­ված հսկա­յա­կան գու­մար­նե­րը կա­րող են դառ­նալ անի­մաստ. Փա­շի­նյա­նը ռիս­կի է դի­մում մե­ղադր­վել իշ­խա­նու­թյու­նը յու­րաց­նե­լու մեջ Երկրաշարժ է տեղի ունեցել Իսկ տա­նից դուրս կա­րե­լի է ամեն ինչ ջար­դել ու քան­դե՞լ. Վթարի պատճառով 10 ժամից ավելի ջուր չի լինելու Գեղարքունիքի եւ Կոտայքի մարզերում «ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը տա­րեց­տա­րի կրճատ­վե­լու են. ծրա­գիրն անց­նում է ինք­նա­ֆի­նան­սա­վոր­ման Արարատի մարզում 2019-ին իրականացվել է 58 սուբվենցիոն ծրագիր, այս տարի դրանց թիվն արդեն 112 է. մարզպետ

«Ունենք Սև­ա­նա լճի բա­ցա­սա­կան բա­լանս, նշա­նա­կում է՝ մի­այն ջրա­ռի ծա­վա­լը նվա­զեց­նե­լը քիչ է»

 Օրերս վարչապետ Նիկոլ Փաշինյանը տեղեկացրեց, որ իր ձեռքի տակ ունեցած տվյալների համաձայն, այս տարվա օգոստոսի 26-ի դրությամբ նախորդ տարվա նույն ժամանակահատվածի համեմատ Սևանա լճից բաց է թողնվել 45 միլիոն 616 հազար խորանարդ մետրով պակաս ջուր
 
«Ամեն ինչ գնում է նրան, որ այս տարի Սևանից օրենքով նախատեսվածից ավել ջրառ չի իրականացվի, և Սևանի մակարդակը տեսանելիորեն կսկսի բարձրանալ»,-գրել էր Փաշինյանը:
 
Մինչդեռ, ինչպես նշում են մասնագետները, իրականությունը փոքր-ինչ այլ է. օգոստոսի 29-ի դրությամբ՝ Սևանա լճի մակարդակը, նախորդ տարվա նույն օրվա համեմատ 1 սմ իջել է:
 
2018 թվականի օգոստոսի 29-ին էլ Սևանի մակարդակը մեկ սանտիմետրով պակաս է եղել, քան 2017 թվականին: Արդյունքում Սևանա լճի մակարդակը բարձրանալու փոխարեն տարեցտարի իջնում է:
 
Իրականում՝ ինչպե՞ս է ստացվում, որ երբ լճից ջրառ քիչ է կատարվում, լճի մակարդակը շարունակում է իջնել՝ բարձրանալու կամ գոնե կայուն մնալու փոխարեն:
 
«ԷկոԼուր» տեղեկատվական ՀԿ-ի նախագահ Ինգա Զարաֆյանն ունի այս հարցի պատասխանը՝ լճի մակարդակն իջնում է, քանի որ վերջին տարիներին Սևանա լճում իրավիճակը շատ վատ է: «Վերջին ժամանակաշրջանում ունեցել ենք լճի բացասական բալանս, բացառությամբ անցած տարվա մի քանի օրերի: 
 
Դա նշանակում է, որ ունենք խիստ վտանգավոր իրավիճակ Սևանի համար: Շատերը մատնանշում են՝ տեսեք, այս տարի ջրառի քանակը քիչ է, բայց պետք չէ մոռանալ, որ, օրինակ՝ 2018 թվականին Սևանից հավել յալ 40 միլիոն խմ ջրառ իրականացվեց: Հենց սա է լճի մաակարդակի՝ անընդհատ իջնելու պատճառը:
 
Շատերը որպես պատճառ կարող են բերել կլիմայի փոփոխությունները, թեժ ամառը: Սա էլ իր ազդեցությունն ունի լճի վրա:
 
Պետք է ծրագրեր ունենալ և պատրաստ լինել թե՛ շոգ օրերին, թե՛ կլիմայի փոփոխություններին, թե՛ այլ խնդիրներին դիմակայելու համար: Լավ է, որ այս տարի Սևանա լճից հավել յալ ջրառ չի իրականացվելու, սակայն եթե ունենք լճի բացասական բալանս, նշանակում է, որ միայն ջրառի ծավալը նվազեցնելը քիչ է:
 
Առհասարակ, Սևանի համար պետք է հատուկ միջոցառումներ լինեն, քանի որ հասկանալի է, որ 170 մլն խորանարդ մետր ջուրը, որն ամեն տարի վերցնում ենք, ևս շատ է»,ասում է Զարաֆյանը:
 
Բնապահպանը նշում է՝ միայն լճի մակարդակի բարձրացումը թույլ կտա լավացնել ջրի որակը: «Մենք չունենք ոչ մի մաքրման կայան: Տեղյակ չենք շրջակա միջավայրի նախարարության իրականացրած գոնե մեկ ծրագրից, որն իրականացվում է լիճ հոսող ջուրը մաքրելու համար:
 
Մինչդեռ քանի չբարձրանա լճի մակարդակը և այն չինքնամաքրվի, ջրի որակի փոփոխություն էլ չենք ունենա: Մենք կորցրել ենք նաև հատակի մոտ գտնվող ջրի սառը շերտը, որը 4 աստիճանից չպետք է բարձրանա, որպեսզի հատակի վրա առկա նստվածքները չխառնվեն լճի ջրի հետ և չաղտոտեն այն:
 
Դա դեռ չենք ապահովել»,-նշում է մեր զրուցակիցը։
 
Հետաքրքրվում ենք՝ ի՞նչ է կարծում՝ վերջին շրջանում կատարվե՞լ են համալիր գործողություններ 2020 թվականի ամռանը նախորդ տարիների պատկերը չունենալու համար: «Մենք կառավարությունից լսել ենք մի հայտարարություն միայն: Վարչապետն ասաց, որ այս տարի հավել յալ ջրառ չենք իրականացնելու, ինչն արդեն շատ լավ է: 
 
Իհարկե, լավ է, բայց դա ծրագիր չէ: Տարիներ շարունակ Սևանա լճից իրականացվող հավել յալ ջրառը հանգեցրեց նրան, որ ունեցանք լճի բացասական հաշվեկշիռ, դրա մակարդակը սկսեց իջնել, սրա հետևանքով լիճը հասցրեցինք սթրեսային վիճակի:
 
Հիմա պետք է լուրջ ծրագրեր լինեն, այնպիսինները, որ ստիպված չլինենք անգամ այդ 170 մլն խորանարդ մետր ջուրը վերցնել: Ի վերջո, պետք է լուծել Սևան-Հրազդան կասկադի հարցը, քանի որ եթե դրան ջուր չմատակարարվի, ապա այն ուղղակի չի աշխատի: Այն Սևանա լճի ջրով է սնվում:
 
Սա լուրջ խնդիր է: Կապիտալ շինարարությունները չեն թողնում, որ լճի մակարդակը բարձրանա: Ենթակառուցվածքների խնդիր կա, որովհետև եթե լճի մակարդակը բարձրանա, ջրի մեջ կարող է լինել էլեկտրահաղորդակցություն:
 
Պետությունը պետք է ծրագիր ունենա, հասկանա՝ այս խնդիրների լուծումը որքան կարժենա, առանձնացնի առաջնահերթությունները: Մենք, ի վերջո, ունենք Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր տարեկան ծրագիր, որտեղ ամեն ինչ մանրամասն գրված է, սակայն ոչինչ չի արվում»,-եզրափակում է Ինգա Զարաֆյանը:
 
ԼՈՒՍԻՆԵ ԱՌԱՔԵԼՅԱՆ
website by Sargssyan