ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­... ՀԱՍԱՐԱԿՈՒԹՅՈՒՆ
Հան­րաք­վեի ար­դյունք­նե­րը և դրա վրա ծախս­ված հսկա­յա­կան գ... ՄԻՋԱԶԳԱՅԻՆ
Իսկ տա­նից դուրս կա­րե­լի է ամեն ինչ ջար­դել ու քան­դե՞լ. ՀԱՍԱՐԱԿՈՒԹՅՈՒՆ
«ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը... ՀԱՍԱՐԱԿՈՒԹՅՈՒՆ
«Կո­րո­նա­վի­րու­սը կա­րող է էա­կան խո­չըն­դոտ դառ­նալ ար­տա... ՀԱՐՑԱԶՐՈՒՅՑ
Երևան, 26.Փետրվար,
00
:
00
:
00
Փոխարժեք
478.65
$
560.79
Մեկ օրում բացահայտվել է 72 հանցագործություն. 16 տարին չլրացած անձի հետ սեքսուալ գործողություն, համարանիշների կեղծում «Արսենալը» պատրաստ է ամռանը վաճառել Օբամեյանգին Չեմ ընդունում ինձ առաջադրված մեղադրանքը. Սերգո Կարապետյան Հայտնաբերվել է Գավառում կորած 37-ամյա քաղաքացու դին Կալիֆոռնիայում խոշոր հրդեհ է բռնկվել նավթավերամշակող գործարանում Դատարանը մերժեց Սերժ Սարգսյանի պաշտպանների՝ դատախազին ներկայացված բացարկի միջնորդությունը․ուղիղ 67 հոգի արդեն դիմել են եւ վաղը չվերթ կա, որով նրանք Իրանից տեղափոխվելու են Հայաստան. ԱԳՆ ՀՀ ԶՈւ բոլոր զորամասերում արգելված են զինծառայողների ծնողների և հարազատների այցելությունները, զինծառայողների բոլոր տեսակի արձակուրդները. ՊՆ ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ)․ Սանկտ Պե­տեր­բուր­գում տե­ղի են ունե­ցել ան­կար­գու­թյուն­ներ, Պե­տա­կան դու­ման ցրվել է 2019-ին նույն զորամասում սպա է ինքնասպություն գործել, հետևություն չի արվել, շտաբի պետն ազատվել է պաշտոնից. զինծառայող Վահրամ Ավագյանի մահվան դեպքով ՊԲ-ի՝ ծառայողական քննության արդյունքները Հան­րաք­վեի ար­դյունք­նե­րը և դրա վրա ծախս­ված հսկա­յա­կան գու­մար­նե­րը կա­րող են դառ­նալ անի­մաստ. Փա­շի­նյա­նը ռիս­կի է դի­մում մե­ղադր­վել իշ­խա­նու­թյու­նը յու­րաց­նե­լու մեջ Երկրաշարժ է տեղի ունեցել Իսկ տա­նից դուրս կա­րե­լի է ամեն ինչ ջար­դել ու քան­դե՞լ. Վթարի պատճառով 10 ժամից ավելի ջուր չի լինելու Գեղարքունիքի եւ Կոտայքի մարզերում «ՍՕՍ ման­կա­կան գյու­ղե­րի» մի­ջազ­գա­յին սուբ­սի­դի­ա­նե­րը տա­րեց­տա­րի կրճատ­վե­լու են. ծրա­գիրն անց­նում է ինք­նա­ֆի­նան­սա­վոր­ման Արարատի մարզում 2019-ին իրականացվել է 58 սուբվենցիոն ծրագիր, այս տարի դրանց թիվն արդեն 112 է. մարզպետ

«Կառավարությունը պետք է ասի՝ արգելում է ընկերության գործունեությունը և վերջ»

Վարչապետ Նիկոլ Փաշինյանի գլխավորությամբ կառավարությունում տեղի ունեցավ հերթական խորհրդակցությունն Ամուլսարի հարցով: Շրջակա միջավայրի նախարար Էրիկ Գրիգորյանը ներկայացրեց ընդհանուր վիճակը՝ նշելով, որ մի շարք ուղղություններով ելակետային տվյալները ճշգրիտ չեն եղել:

Կառավարության պաշտոնական հաղորդագրությունն, ի վերջո, չի տալիս հստակ պատասխան՝ արդյոք Ամուլսարի հանքի շահագործման համար նոր ՇՄԱԳ իրականացնելու անհրաժեշտություն կա՞, թե՞ ոչ:

Նշենք, որ դեռևս օրեր առաջ «Էլարդ» խորհրդատվական ընկերության և կառավարության միջև տեղի ունեցած տեսակոնֆերանսից հետո Փաշինյանը տեղեկացրեց, որ կառավարության աշխատակազմը ընկերության եզրակացությունն ուղարկել է շրջակա միջավայրի նախարարություն՝ պարզելու, թե դրա մեջ կա՞ն տվյալներ, որոնք Հայաստանի օրենսդրության համաձայն Ամուլսարի հանքի շահագործման համար նոր ՇՄԱԳ իրականացնելու անհրաժեշտություն են առաջացնում:

Պաշտոնական հաղորդագրությունից որոշ ժամանակ անց միայն վարչապետի մամուլի խոսնակ Վլադիմիր Կարապետյանը տարբեր լրատվամիջոցների հետ զրույցում ասել էր, որ Ամուլսարի վերաբերյալ վերջին խորհրդակցության ժամանակ շրջակա միջավայրի նախարարությունը ներկայացրել է Ամուլսարի հանքի շահագործման հարցով շրջակա միջավայրի ազդեցության նոր գնահատում իրականացնելու անհրաժեշտության վերաբերյալ եզրակացության մասին զեկույց։

Էկոլոգ-իրավաբան Նազելի Վարդանյանը «Փաստի» հետ զրույցում նշում է, որ նոր ՇՄԱԳ անցկացնելու կամ չանցկացնելու մասին հարցադրումը սխալ է: «Հարցադրումը պետք է հետևյալը լինի՝ կարո՞ղ է «Լիդիան ինթերնեյշնլ» ընկերությունը գործունեություն ծավալել Հայաստանում, թե՞ ոչ:

Իմ համոզմամբ՝ պետք է արգելվի, որովհետև մեր օրենքները թույլ չեն տալիս, որ իրենք գործունեություն ծավալեն Հայաստանում: Դրա մասին կետերով խոսել եմ:

Ժամանակին եզրակացություն էի կազմել, որտեղ դիտարկել էի Սևանա լճի և ջրերի, Ջերմուկի՝ որպես առողջարանի, ընդերքի, բուսական և կենդանական աշխարհների, պատմամշակութային արժեքների վերաբերյալ օրենսդրության խախտումները, «Բնակչության սանիտարահամաճարակային անվտանգության ապահովման մասին», «Շրջակա միջավայրի վրա ազդեցության գնահատման և փորձաքննության մասին» ՀՀ օրենքների դրույթների խախտումները, ծրագրի իրավական կարգավորումները և ազդեցությունը Գնդեվազ, Գորայք, Կեչուտ, Սարավան գյուղերի վրա: 

Հաշվի առնելով այս ամենը, ինչպես նաև ՀՀ օրենսդրության և միջազգային նորմերի բազմաթիվ կոպիտ խախտումները, Ամուլսարի ծրագրի իրականացումն անթույլատրելի է»,-ասում է Վարդանյանը:

Նա հարցնում է՝ ի՞նչ են նշանակում այն կանխատեսումները, որ ամեն դեպքում նոր ՇՄԱԳ կանցկացվի: «Եթե «Լիդիանն» ասի, որ նոր ՇՄԱԳ չի անցկացնում, ի՞նչ են անելու:

Նոր ՇՄԱԳ-ի անցկացումը «Լիդիանի» իրավունքն է, չեն կարող պարտադրել, որ նա նոր ՇՄԱԳ ներկայացնի, և փորձաքննության ենթարկեն:

Այդ փաստաթուղթը պատրաստում է հանքարդյունահանող ընկերությունը, հիմա կառավարությունը ինչպե՞ս կարող է իրենց տեղը որոշում կայացնել: Կառավարությունը պետք է ասի՝ արգելում է ընկերության գործունեությունը և վերջ»,-ընդգծում է իրավաբանը:

Փաստորեն՝ ստացվում է, որ Ամուլսարի հարցում փակուղու մեջ ենք հայտնվում: Վարդանյանը դրական պատասխան է տալիս:

«Այո՛, որովհետև չեն լսում, քանի անգամ ենք ասում, թե ինչ հարցադրումներ պետք է անել:

Սխալ հարց են բարձրացնում, սխալ պատասխան ստանում և անընդհատ նոր խնդրի առաջ կանգնում»,-նշում է մեր զրուցակիցը:

Օրերս Գիտությունների ազգային ակադեմիան հայտարարություն էր տարածել՝ տեղեկացնելով, որ սեպտեմբերի 3-ին շրջակա միջավայրի նախարար Էրիկ Գրիգորյանից պաշտոնական նամակ են ստացել, որով նա խնդրում է հանձնարարել Ա. Նալբանդյանի անվան քիմիական ֆիզիկայի ինստիտուտին 1-օրյա ժամկետում տալ կարծիք Ամուլսարի հանքավայրի՝ շրջակա միջավայրի վրա ազդեցության գնահատման լիարժեքության վերաբերյալ:

Գիտությունների ազգային ակադեմիան հայտնել էր, որ նախանշված ժամկետում հնարավոր չէ տալ լիարժեք գիտական հիմնավորում՝ հաշվի առնելով Ամուլսարի ծրագրի վերաբերյալ փաստաթղթերի մեծ ծավալը և խնդիրների լայն շրջանակները:

Էկոլոգը այս հայտարարության հետ կապված նշում է՝ արդեն 15 ամիս է, ինչ Ամուլսար տանող ճանապարհները փակ են: «Խնդիրն, իհարկե, շատ ավելի վաղուց է առաջացել:

Բայց գոնե այս ամիսների ընթացքում նախարարությունը կարո՞ղ էր հետաքրքրվել, թե ինչ իրավիճակ է: Եթե համարում էր, որ անհրաժեշտ է, թող դիմեր ինչ-որ մեկին եզրակացություն ստանալու համար:

Ինչո՞ւ է վերջին օրով դիմել ակադեմիային: Պարզ չէ՞, որ վերջին օրով ոչ մեկը չի կարող նորմալ եզրակացություն տալ, կամ էլ, ինչպես միշտ, այն ձևական բնույթ կկրեր, կասվեր, որ առարկություններ չկան:

Ի՞նչ է անելու այդ ինստիտուտը: Գնալու է այնտեղ, փորձանմուշնե՞ր վերցնի, ի՞նչ փողով է դա անելու, թե՞ էլի եղած թղթերը նայելու են և ինչ-որ բան գրեն:

Ո՛չ հասկանում են իրենց առաջադրած խնդիրը, ո՛չ գիտենք, թե ինչ որոշում են կայացնում: Պետք է հստակ լինի՝ մեր օրենքներին համապատասխան: Ցանկացած այլ լուծում խնդիրը փակուղի է մտցնելու:

Հարցը միայն իրավական լուծում ունի: «Լիդիանի» գործունեությունն արգելված է՝ ՇՄԱԳ և փորձաքննության մասին օրենքի համաձայն, բնապահպանական և ընդերքի տեսչական մարմնի որոշման համաձայն, որը ակտ է կազմել, վարչական վարույթ սկսել և արգելել հանքարդյունահանող ընկերությանը գործունեություն ծավալել:

Ի վերջո, քրեական գործ է հարուցվել: Պետք է այս կետերի հիման վրա փաստաթուղթ կազմել, ստորագրել, և հարցը փակել»,-եզրափակում է մեր զրուցակիցը:

ԼՈՒՍԻՆԵ ԱՌԱՔԵԼՅԱՆ

website by Sargssyan