Սուսաննա Ղազարյան. Բանաստեղծական ընտրանի (Շաբաթօրյա ընթերցու... ՄՇԱԿՈՒՅԹ
Սենիկ Հարությունյան. Երազ (Շաբաթօրյա ընթերցումներ «Փաստ» օրա... ՄՇԱԿՈՒՅԹ
Ար­դյոք հնա­րա­վո՞ր է հետ­խորհր­դա­յին տա­րած­քում նոր մի­ու... ՄԻՋԱԶԳԱՅԻՆ
ՊԱՏՄՈՒԹՅԱՆ ԱՅՍ ՕՐԸ (25 ՀՈՒՆՎԱՐԻ). Հա­յաս­տա­նը՝ Եվ­րո­պա­յի ... ՀԱՍԱՐԱԿՈՒԹՅՈՒՆ
Նոր նախագիծ կալանքի կրմանը խոչընդոտող ծանր հիվանդության հիմք... ՀԱՍԱՐԱԿՈՒԹՅՈՒՆ
Երևան, 25.Հունվար,
00
:
00
:
00
Փոխարժեք
478.65
$
560.79
Նիկոլ Փաշինյանի աչքին բոլորը «Աշոտյան» են թվում. Էդմոն Մարուքյանի արձագանքը Ես 20 օր սպասելու եմ, որ Փաշինյանը հրապարակի իր խոսքերը հիմնավորող որևէ օբյեկտիվ փաստ. Հրայր Թովմասյան ՀՀ քաղավիացիայի կոմիտեի աշխատակիցները, խախտելով ներքին գործավարության կարգը, նամակը չեն մուտքագրել և կոմիտեի նախագահին զեկուցել են, որ աուդիտի մասով խնդիրներ չկան. ՀՀ գլխավոր դատախազություն Չինաստանում կորոնավիրուսից առաջին բժիշկն է մահացել. լրատվամիջոցներ Անցած շաբաթ հակառակորդ արձակել է ավելի քան 700 կրակոց Գեղակերտ գյուղում այրվել են տան տանիքի փայտյա կառուցատարրերը Կոտայքի մարզի Պռոշյան գյուղում «ՎԱԶ-2114»-ը բախվել է ավտոճանապարհի բաժանարար հատվածի ծառին, դուրս եկել հանդիպակաց գոտի և կողաշրջվել. վարորդը տեղում մահացել է, 3 ուղևորները՝ հոսպիտալացվել «Շիրակը» ստուգողական խաղում հաղթեց «Լոկոմոտիվին» Մեծ հայրենականի հերոսների հիշատակը պահպանելով՝ մենք կանխում ենք ապագայում նացիզմի եւ ֆաշիզմի հայտնվելը. նախարար Երեւանի 29-ամյա բնակիչը որոնվում է որպես անհետ կորած (ֆոտո) Սուպերմարկետից բջջային հեռախոս հափշտակած տղամարդը հայտնաբերվել է Երեւանում 29-ամյա կնոջ պտուղը մահացած է ծնվել. ամուսինը մեղադրում է բժիշկներին Հանրապետության տարածքում ջերմաստիճանը հունվարի 26-ի գիշերը կնվազի 2-3, իսկ 27-29-ի գիշերն աստիճանաբար կբարձրանա 8-10 աստիճանով

Բուքինհեմյան պալատ. 5 կմ գորգեր, 300 ժամացույց, 30,000 այցելու

Բուքինհեմյան պալատը Լոնդոնում գտնվող՝ Մեծ Բրիտանիայի միապետների պաշտոնական նստավայրն է: Այն նաև ներկայումս համարվում է աշխարհում գործող ամենամեծ թագավորական պալատը:

Այժմ այն Անգլիայի թագուհի Եղիսաբեթ 2-րդի նստավայրն է: Բուքինհեմյան պալատի պատմությունը սկսվում է 18-րդ դարից: Այն սկսել են կառուցել դեռևս 1703 թվականին՝ որպես Բուքինհեմի հերցոգի տուն, սակայն 1762 թվականին այն գնել է Գեորգ 3-րդ թագավորը, որը ցանկանում էր այն իր անձնական նստավայրը դարձնել, քանի որ ՍենթՋեյմսի պալատը չափազանց փոքր էր և չուներ բավարար ձևավորում:

Հաջորդ 75 տարիների ընթացքում ճարտարապետներ Ջոն Նեշի և Էդվարդ Բլորի նախագծերով Բուքինհեմյան պալատի կենտրոնական բակի շուրջ կառուցվել է երեք լրացուցիչ շինություն: 1837 թվականին թագուհի Վիկտորյան, գահ բարձրանալով, Բուքինհեմյան պալատը պաշտոնապես հայտարարել է Մեծ Բրիտանիայի միապետների հիմնական նստավայր:

Նրա տիրապետության տարիներին պալատի ճարտարապետության մեջ նոր հավելումներ են կատարվել՝ ևս մեկ այլ շինություն և պարահանդեսների դահլիճը, իսկ պալատի հիմնական մուտքը տեղափոխվել է դեպի Հայդ պարկի Հռետորների անկյուն:

Սրանք արքայական պալատի վերջին խոշոր ճարտարապետական փոփոխություններն են: Ներկայումս էլ պալատի կենտրոնական մուտքի մոտ առկա է Վիկտորյա թագուհուն նվիրված հուշարձան:

Բուքինհեմյան պալատի ձևավորման ոճը եղել է գեորգիևյան: Հարդարման համար օգտագործվել են վարդագույն և կապույտ լապիսներ, ինչպես նաև արհեստական մարմար: Սակայն Էդվարդ 7-րդի թագավորության ժամանակ պալատը վերանորոգվել է, և արդյունքում ձևավորման ոճը փոխվել է ֆրանսիական Belle Epoque-ի, որտեղ գերակշռում են ոսկեգույն և կրեմային երանգները, իսկ որոշ սենյակներ և սրահներ չինական ոճի ձևավորում և կահավորանք են ստացել:

Այստեղ նաև օգտագործվել է այլ թագավորական պալատների ոճերի կահույք: Բուքինհեմյան պալատը հայտնի է իր այգիներով, որոնք Լոնդոնի ամենամեծ և ամենագեղեցիկ մասնավոր այգիներն են:

Դրանց ստեղծողն է Լանսելոտ Բրաունը, սակայն հետագայում դրանք վերափոխվել են Ջոն Նեշի և Ուիլ յամ Էյլթոնի կողմից:

Մասնավորապես մեծ լճակ է փորվել, որի ստեղծումը ավարտվել է 1828 թվականին: Ժամանակակից Բուքինհեմյան պալատը զբաղեցնում է 20 հա տարածք, որից միայն 3 հա-ի վրա շինություններ կան, իսկ մնացած տարածքը այգին է:

Պալատը մինչև 600 սենյակ ունի: Ներկայումս պալատը նաև մեծ պատկերասրահ է, որտեղ ցուցադրում են Ռեմբրանտի, Ռուբենսի և այլ հայտնի նկարիչների նկարներ:

Բացի այդ, ցուցադրվում են նաև ֆրանսիական և անգլիական հնաոճ կահույք և ֆրանսիական սևրական ճենապակի: Մեծ Բրիտանիայի թագուհին պալատում տարեկան գտնվում է 10 ամիս, և միայն ամառվա վերջին և աշնան սկզբին է թողնում այն:

Թագուհու բացակայության ժամանակ պալատ կարող են այցելել զբոսաշրջիկները: Թագուհու՝ պալատից բացակայությունը շատ հեշտ է պարզել, պետք է միայն նայել պալատի վրայի դրոշակի ձողին: 

Եթե թագուհին «տանն» է, ապա պալատի վրա փողփողում է նրա դրոշը: Պալատի կառուցումը իր սեփականատերերի վրա շատ թանկ է նստել, մոտ 700 հազար ֆունտ (այն ժամանակների համար՝ մեծ գումար):

Այս գինը պայմանավորված է շինարարական աշխատանքներում օգտագործված թանկարժեք նյութերով: Միևնույն ժամանակ, այն պետք է մշտապես վերանորոգել, քանի որ նման մեծ շենքում ինչ-որ բան անընդհատ կոտրվում ու փչանում է:

Օրինակ՝ թագուհի Վիկտորյայի գահ բարձրանալուց 3 տարի անց պալատի ավելի քան 1000 պատուհանից բացվում էին միայն մի քանիսը: Փաստացի Բուքինհեմյան պալատը, կարծես թե, քաղաքի մանրակերտ է:

Կա հիվանդանոց, ոստիկանության բաժին, 2 փոստային բաժանմունք, 2 սպորտային ակումբ, բար, դիսկո ակումբ և նույնիսկ լողավազան և կինոթատրոն: Պալատի հատակը ծածկում են կարմիր գորգերը, որոնց գումարային երկարությունը 3 մղոն է (մոտ 5 կմ):

Պալատում տեղադրված է ավելի քան 300 ժամացույց, որոնց սպասարկմամբ զբաղվում է 2 ժամագործ: Ընդհանուր առմամբ, պալատում ծառայում է շուրջ 700 անձ:

Այս մարդիկ պատասխանատու են պալատի մաքրման և պահպանման համար, ինչպես նաև ունեն տարբեր արարողություններ կազմակերպելու պարտականություն, ինչպիսիք են ընդունելությունները, բանկետները, պարգևատրությունները և այլն:

Միայն ամռանը պալատը ընդունում է մոտ 30 000 այցելուի, քանի որ համարվում է Լոնդոնի ամենագեղեցիկ տեսարժան վայրերից մեկը:

Նյութը հրապարակման պատրաստեց Past.am-ը

website by Sargssyan